Isaya 47:14 - KITAWO MALEŊ Catholic

¹⁴ Neni, jolacale kanja, aka mac lareyo jo woko! Jokinyal bothirok, kwoŋ meni pa mac. K'obedo cuk ma dhano nyalo oyo, kosa mac m'inyalo bedo cegin gine.

KITAWO MALEŊ

¹⁴ Neni, jolacale kanja, aka mac lareyo jo woko! Jokinyal bothirok, kwoŋ meni pa mac. K'obedo cuk ma dhano nyalo oyo, kosa mac m'inyalo bedo cegin gine.

Isaya 47:14 ပူးပေါင်းရင်းမြစ်များ

Kitawo mar'ario mapa Musa m'ilwoŋo ni Wok 5:12

Ameno ji joywore i Misir gipi rango gigoyo matafal.

Isaya 10:17

Were, lero pa Isiraili labedo paka mac, Were maleŋ pa Isiraili labedo paka mac, ma laliel to reyo woko, kudhin gi okure i ndelo acel.

Isaya 30:14

Tur mere cale paka dak m'ocwey gi lowo, ma ŋinyere marac, to ngoye thago ma nwaŋere, kada ma toko cuk mac wok i kendo, kosa ma twomo pi wok i bur.

Isaya 33:14

Joreco i Zayon jobwok, ji ma bu Were jokirin. Jowaco ni, “Ŋa i dier wan manyalo bedo kanyacel gi mac ma reyo jo? Ŋa i dier wan manyalo bedo kanyacel gi mac makitho cil gi cil?”

Isaya 40:24

Ipidho jo m'okele okele, ocwoy jo m'okel okel, ma tiendi jo fodi k'odonji i lowo maber, ka go okudho jo woko, to joner, aka asur sira gi jo malo paka kanja.

Isaya 41:2

Ŋa m'okelo jatur lweny wok yuwok ceŋ, ma nwaŋo loyo i kisi madala, to lwoŋo go i tic pere? Go gonyo nonin je rigo, to nyono kerin je gi par tiende; go loko jo fukefuke g'abor pere, asere pere kedho jo paka kanja ma duny gi weyo.

Isaya 44:16

Adec man go waŋo i mac, i wi adec me, go bul'iye riŋo, camo to yeŋ. Go bende oyo mac to waco ni, “A, atieko bedo malieth, atieko oyo mac!”

Isaya 5:24

Riameno, paka lew mac reyo woko kanja, aka paka lum m'othwo munyere piny i mac maliel, ameno apaka fuc pajo latop, aka thiw joladuny paka fukefuke. Ato jokwero cik pa Rwoth pa lwak jolweny, aka jotieko cayo wac pa Were Maleŋ pa Isiraili.

Yeremia 51:30

Jolweny ma Babilon jotieko weyo lweny, jodoŋ i kambi pajo. Meni pajo orumo, jotieko lokere paka mon. Ocwiny udi pajo, nywenye pajo otur woko.

Yeremia 51:32

Jokwor jotieko mako malawa, aka jotieko waŋo cel gi mac. Jolweny ma Babilon jokirin.

Yeremia 51:58

Rwoth pa lwak jolweny waco ama: Kor ot ma Babilon mapando ilariewo piny, aka waŋkace mere ma joŋawere ilawaŋo gi mac. Ji jool rigo nono, aka nonin jolacere nyaka ri mac.”

Ezekiel 15:7

Atieko como waŋan kwoŋ jo, aka makada nende jokwale kwoŋ mac, mac fodi lareyo woko jo. Kenyo wilaŋeyo ni An Abedo Rwoth, k'acomo waŋan kwoŋ jo.

Yowel 2:5

Paka derino pa cawilin, josala wi gote, paka derino pa mac, ma waŋo woko kanja, paka ji ma jomeni m'ocan jo ri lweny.

Obadia 1:18

Ji pa Yakobo gi Yozefu jobino cale mac, aka jobino kisika woko ji pa Esau, paka mac sika woko kanja. An Rwoth atieko luwo.

Nahum 1:10

Paka kudhin, jowiyere, paka jomero, jomer; ilareyo woko jo paka kanja m'othwo kicutho.

Malaki 4:1

Rwoth pa lwak jolweny waco ama: Kole neni, ndelo bino, ma jonoro je gi joreco jobino liel pa kanja. I ndelo no jobino liel woko, aka ongoye gima bino doŋ kwoŋ jo.

Matayo 10:28

Wikiri wilwor joma neko del to jokinyal neko cuny; to lwor win Ŋati manyalo nyeko woko kwo ma del kodi cuny je i mac makitho.

Matayo 16:26

Bero aŋo ma dhano olim k'oloki piny gipi apere to rwenyo kwo pere won? Kosa aŋo ma dhano owil gi kwo pere?”

Menyirok ri Yohana 18:21

Gikenyo malaika ma jameni okwanyo tele marom kodi kidi m'irego gine, to bolo i nam munyo waco ni, “Me apaka tindi madwoŋ ma Babilon ibino rwadho piny gi derino, aka kilanenere kendo.