Isaya 47:10 - KITAWO MALEŊ Catholic

¹⁰ Iwinjo m'okwe i kidakana perin, t'iwaco ni, ongoye ŋata nenan. Rieko perin gi ŋeyo perin, orweyin woko, t'iwaco i cunyin ni, obedo an won kende, aka ongoye ŋatiman kendo.

KITAWO MALEŊ

¹⁰ Iwinjo m'okwe i kidakana perin, t'iwaco ni, ongoye ŋata nenan. Rieko perin gi ŋeyo perin, orweyin woko, t'iwaco i cunyin ni, obedo an won kende, aka ongoye ŋatiman kendo.

Isaya 47:10 ပူးပေါင်းရင်းမြစ်များ

Zabuli 10:11

Jokidakana joparo i cuny gin ni Were wiye owil, opano waŋe aka kilaneno jo.

Zabuli 52:7

“Neni jal m'okwero Were bedo kapondo pere, to geno ŋaŋo pere madwoŋ, opondo i lim pere!”

Zabuli 64:5

Jonitie g'atoŋa ma timo reco; joluwo ciko bwo nyaliŋliŋ, ka joparo ni, “Ŋa manyalo neno wan?

Jafonji 8:8

Ongoye dhano ma nigi meni kwoŋ koyo, manyalo kweyo koyo, ongoye ŋata nigi meni kwoŋ ndelo ma tho, ongoye kisewila kama lweny ogunj'iye, aka kidakana kinyal botho wegi mere.

Isaya 28:15

Kwoŋbedo witieko waco ni, “Watieko timo cikirok gi tho, watieko yerok gi piny pa jom'otho, ka goco ma teko oluwi, kilatundo bongi wan, kole watieko loko gima k'adieri kapondo mawan, gi twodo kabwok mawan.”

Isaya 29:15

Kidamba riwin ma witemo pano can mewin kwoŋ Rwoth, ma tim pajo nitie i mudho, ma jowaco ni, “Ŋa ma neno wan? Ŋa m'oŋeyo wan?”

Isaya 44:20

Go pidhere gi buru, cuny ma komo otieko rwayo go, aka kinyal botho kwo pere kosa waco ni, “Gima nitie i cingan maracuc me k'obedo gitwodo?”

Isaya 47:8

Onyo riameno winji gime, in m'imaro gigipiny ma del, in m'ibedo kam'okwe, m'iwaco i cunyin ni, “An ago, ongoye ŋata cale kodan, akilabedo paka citho, kosa nyithindho paran jokilatho.”

Isaya 5:21

Kidamba riwin, ma wiriek ruwaŋ win wegi, aka wijorieko kweth!

Isaya 59:4

Ongoye ŋata donjo i kapido g'adieri, aka wiluwo twodo i kapido; wigoŋere kwoŋ ywakirok ma twodo, joluwo twodo, witimo can mewin ma miyo joman litho.

Yeremia 23:24

Jokune ma jonyalo pondo kam'opanere ŋey akir'anen jo? Rwoth penjo. Wikuya ni anitie kisi kamoro i polo kodi i piny? Rwoth penjo.

Yeremia 9:23

Rwoth waco ama: “Weyi jomariek jokiri jowodele i rieko pajo, wikiri wiyey jomeni jowodele i meni pajo, wikiri wiyey joŋaŋo jowodele i ŋaŋo pajo.

Ezekiel 8:12

Kenyo go owaco ran ni, “Wod dhano, itieko neno gima jodongo ma ot pa Isiraili jotimo i mudho, kisi dhano i kisika ma cal pere m'ogor. Kole jowaco ni Rwoth kinen wan, Rwoth otieko jwango piny.”

Ezekiel 9:9

Go odwokan ni, “Reco ma ot pa Isiraili kodi Yuda dwoŋ swa adieri, piny opoŋ oyo remo aka tindi madwoŋ opoŋ banirok. Kole jowaco ni, Rwoth ojwango piny, go kinen.

Zefania 2:15

Me tindi madwoŋ m'oyodere, m'obedo i siem, to waco i cunye ni, obedo an, kole an kende, kucel otieko lokere gunda, kaywomirok p'ogwaŋe. Kisi ŋata luwo kabonge, lalwiyo to teŋo cinge.

Joroma 1:22

Jowaco ni joriek, to kere jomiŋ ayin;

1 Jokorintho 3:19

Kole gima piny tero paka rieko meno gimiŋo ri Were, rupiri ndiko waco ni, “Were ciko jomariek i rieko pajo.”