Isaya 45:23 - KITAWO MALEŊ Catholic

²³ An won atieko kwoŋirok, aka atuco gi dhokan gim'otire, wac ma kilawire ni, “Kisi nyatoro laguro ran conge, to tuco gi lewe ni An abedo Rwoth.”

KITAWO MALEŊ

²³ An won atieko kwoŋirok, aka atuco gi dhokan gim'otire, wac ma kilawire ni, “Kisi nyatoro laguro ran conge, to tuco gi lewe ni An abedo Rwoth.”

Isaya 45:23 ပူးပေါင်းရင်းမြစ်များ

Cakirok 31:53

Were pa Abraham, Were pa Nahor, Were pa bajo wothum riwan banja.” Kenyo Yakobo okwoŋere i nyingi Were pa Isaka bamere.

Nehemia 10:29

wariwere ka gi jotel mawan i kwoŋirok ni walatimo gima Cik pa Were m'omiyo ŋeca pere Musa waco, walawinjo cik pa Rwoth, aka walakuro cik pere je gi fonji mere je. Ka wakitimo ameno walwoŋo lam kwoŋ wan.

Zabuli 132:2

Poyi cikirok ma go otimo, kwoŋirok m'otimo rin, Were Majameni pa Yakobo ni,

Zabuli 63:11

To kere lafore i Were; jono ma jotimo cikirok i nyingi Were jolapako go, to dhok jotwodo lamiyere.

Zabuli 98:2

Rwoth otito loyo pere, aka onyutho meni pere ma both ri nonin.

Isaya 21:17

aka jolweny g'atum abor ma joboth, cwo matek ma Kedar lanoko; kole Rwoth, Were pa Isiraili, otieko luwo.”

Isaya 45:19

Akiluwo nyaliŋliŋ, i piny ma mudho, kosa akipano atoŋa paran. Akiwaco ri nyikway Yakobo, ni joworangan kam'othangere. An, Rwoth aluwo adieri, Atuco gim'otire.

Isaya 48:1

Winji win gime, awi ot pa Yakobo, win m'ilwoŋo win gi nyingi Isiraili, kodi Yuda, ma wikwoŋere i nyingi Rwoth, aka wituco Were pa Isiraili, to, wikitim iy'adieri kosa m'otire.

Isaya 49:18

Tiŋi waŋin malo thoko akinen, joje jocokere, jobino bongin. Rwoth waco ni, kafodi go kwo, ilaruko joje kwoŋin paka thiwino, paka ilatweyo jo kwoŋin paka mweha.

Isaya 55:11

Ameno apaka wac ma wok i dhokan labedo, k'ogiki bongan nono, to lamiyo atoŋa mere wotundi i kare, latimo kisi gim'adhiro ni wotim.

Isaya 60:14

Nyikway jono ma cango jodiyin jolabino bwonirok ruwaŋin, aka jono ma jocayin, jolaguro rin congi gin. Jolalwoŋin Tindi madwoŋ pa Rwoth, Zayon, tindi madwoŋ pa Were ma Leŋ pa Isiraili.

Isaya 61:11

Kole paka lowo miyo kodhi twi to dongo, paka ndelo miyo gim'ocwoy'iye twi, ameno apaka Rwoth Were lamiyo tiro gi pak kitula ruwaŋ nonin je.

Isaya 62:8

Rwoth otieko kwoŋere gi cinge maracuc, gi bade ma meni ni, “Ak'omiy kendo ŋano mewin, wobedi cemo ri jokwor mewin, aka jokicar jokilamadho vini mewin, ma witieko oyo rigo kwok.

Isaya 65:16

Kenyo kisi ŋata kwayo silwany i lowo, lakwayo gi Were ma timo adieri, aka kisi ŋata timo cikirok i lowo, latimo gi Were ma timo adieri, kwoŋbedo teko macon larumo aka kilapoyo.

Yeremia 22:5

To ka wik'owinji wac me, awon akwoŋere, Rwoth waco, ni ot me bino lokere gunda.”

Yeremia 4:2

to wikwoŋere ni, “Paka Rwoth kwo!” Iy'adieri, i tiro, kodi i genirok, nyaka nonin jobino limo silwany i go, aka jobino noro i go.

Yeremia 49:13

Kole an won atieko kwoŋirok, Rwoth waco, nike Bozra lalokere gibwok aka gi minyom, gunda kodi gi kwoŋ, aka tindi pere je ladoŋ gundin kicutho.

Amos 6:8

Rwoth Were pa lwak jolweny waco ama: Adaki pakirok pa Joisiraili, aka acayo kapondo pajo. Abino miyo tindi madwoŋ pajo gi kisi gima nitie iye ri jokwor.

Zekaria 14:9

Rwoth labedo kere ma piny gibe; i ndelo no Rwoth labedo acel aka nyingi go acel.

Kwan 23:19

Were k'obedo dhano, ma go nyalo twodo, kosa wod dhano, ma go owir paro pere. Ka go otieko waco, kilatimo? Ka go otieko luwo, kilaketho i kare?

Joroma 11:4

Were omiyo go radwok aŋo? Odwoko go ni, “Atieko ketho gicen ji gana abirio ma fodi jok'olamo were Bal.”

Kitawo mar'abic mapa Musa m'ilwoŋo ni Cik 6:13

Wiripo lworo Rwoth Were mewin, go ama wiripo tiyo rigo, aka wiripo kwoŋere i nyingi go kende.

Jofilipi 2:10

Cwec je ma i polo, kodi piny, kodi i pendi piny, jobino goyo congi jo piny gi miyo nyingi Yesu dwoŋ.