Isaya 45:22 - KITAWO MALEŊ Catholic

²² Wire win bongan aka wibothi, ji je ma piny gibe! Kole an abedo Were, aka ongoye man kendo.

KITAWO MALEŊ

²² Wire win bongan aka wibothi, ji je ma piny gibe! Kole an abedo Were, aka ongoye man kendo.

Isaya 45:22 ပူးပေါင်းရင်းမြစ်များ

2 Kigana kwoŋ Kerin 20:12

Ibedo Were mawan, ik'othum rijo banja? Kole wangoye gi meni ma ciro ji kweth me je ma jobino monjo wan. Wakuya gir'atima to waketho waŋ wan kwoŋin.”

Zabuli 22:17

Anyalo kwano cokin paran je, jokwor paran joŋiyan ma jokikwany waŋ jo.

Zabuli 22:28

Kole Rwoth obedo kere aka dhumo nonin je.

Zabuli 65:5

Gi tim ma kelo lworo idwoko wan, t'ibotho wan, Awi Were jaboth mawan. Ibedo geno pa gike je ma piny, gi thoko nam ma jonitie bor loyo.

Zabuli 65:6

In ma gi meni perin icweyo gote, ma nyutho meni perin madwoŋ.

Isaya 30:15

Kole Rwoth Were, Were Maleŋ pa Isiraili otieko waco ama: I dwoko bongan wilalimo ywomirok gi both, liŋ gi geno labedo meni mewin, to wikiyeyo.

Isaya 41:22

Weyi jokel jo, to jowaco riwan gima latimere. Jowaci riwan gigipiny macon, gima jobedo, ŋey wanyal paro kwoŋ jo, aka bende waŋey gima jotimo, kosa wotuci kamaler riwan gigipiny ma labino.

Isaya 43:6

Alawaco ri yumalo ni, “Weyere gi jo.” Alawaco ri yupiny ni, “Ikir'igeŋ, keli wotan wok bor, gi nyithindho paran manyir wok i witum ma piny,

Isaya 45:21

Biye win wikel banja mewin i kapido, weyi jowomiyere rieko kanyacel! Ŋa m'owaco gime cango? Ŋa m'otuco con? K'obedo an, Rwoth? Ongoye were man kendo, Were ma timo gim'otire aka botho, ongoye ŋatiman kendo.

Isaya 45:5

An abedo Rwoth, aka ongoye man, ongoye were man kendo, alokin matek, makada nende ikuya an.

Isaya 49:12

Neni, ji paran jolawok bor swa, aka neni, jolawok yumalo gi yupodho ceŋ, gi wok i lowo ma Siyene yupiny.”

Isaya 49:6

Rwoth waco ran ni, “Obedo gima sew ni iripo bedo ŋeca paran, tiŋo malo nonin pa Yakobo, gi dwoko Joisiraili ma joboth. Alamiyo in paka lero ri nonin, ŋey both paran wotundi i tielo je ma piny.”

Isaya 52:10

Rwoth otieko rieyo bade maleŋ, ruwaŋ nonin je, aka tielo je ma piny laneno, both pa Were mawan.

Isaya 55:5

Neni, ilalwoŋo nonin ma fodi ikiŋeyo, aka piny m'oyido k'oŋeyin laringo bino bongin, kwoŋbedo An abedo Rwoth, Were Maleŋ pa Isiraili, rupiri go otieko miyin dwoŋ.

Isaya 55:6

Rangi Rwoth, ka go fodi nyalo nwaŋere, lwoŋ Rwoth, ka go fodi nicegin.

Isaya 60:3

Nonin jolabino i lero perin, aka kerin jolabino i lero ma ŋamba perin.

Isaya 66:18

Kole aŋeyo tim pajo gi paro pajo, aka abino coko ji ma joluwo dhodhok m'opokere opokere gi nonin nyutho jo dwoŋ paran.

Yeremia 33:16

I ndir no, ilabotho Yuda aka siem labedo i Yerusalem. Me a nyinge m'ilalwoŋo gine, “Rwoth, obedo tiro mawan.”

Hoseya 13:4

Kucel atieko bedo Rwoth Were mewin, wok i piny ma Misir; ongoye Were ma wiŋeyo kwanyowoko an, aka ongoye jaboth man kwanyowoko an.

Mika 5:4

Ka go obin, go bino dhumo ji pere gi meni ma wok bongi Rwoth, kodi dwoŋ ma nyingi Rwoth Were pere. Aka ji pere jobino bedo ma jogonyere, rupiri ji ma piny gibe jobino yeyo dwoŋ pere.

Mika 7:7

To ri an, abino ŋiyo bongi Rwoth, abino kuro Were ma bino bothan; Were paran bino winjan.

Zekaria 12:10

Alakonjo kwoŋ ot pa Daudi kodi ji ma jobedo i Yerusalem, cuny ma wor kodi ma kwayo, aka jolanenan ŋata jocwowo to joywak paka ŋata ywako wode acel g'acel. Jolabedo gi geregere rigo, paka ŋata ywako kayo pere.

Yohana 6:40

Ato me obedo mito pa Baba, nike nyatoro je m'onen Wode to yeyo go wobedi gi kwo makirum; aka abino cerino go i ndelo ma rumacen.”

Tito 2:13

munyo wakuro geno ma disilwany, gi menyirok madwoŋ mapa Were mawan madwoŋ m'oasere ma Jaboth,

Joebulaniya 12:2

wakethi win waŋ wan kwoŋ Yesu ma yeyo mawan cungo kwoŋe wok i cako tundo i gike. Go ociro musalaba ro kisangala m'onwaŋo kuro go yuwaŋe; k'oparo kwoŋ wickwot ma tho kwoŋ musalaba oyido kidho kelo rigo, kendo onyo pama obedo yuracuc ma kom ma dhum pa Were.

2 Petero 1:1

Balwa m'owok bongi Simon Petero, jatic kendo jamoor pa Yesu Kristo. Ri joma i tiro pa Were mawan kendo Jaboth, Yesu Kristo, omiy jo yeyo ma diwelo paka mawan.