Isaya 45:20 - KITAWO MALEŊ Catholic

²⁰ Cokere win aka wibin, core win cegin kanyacel, win ma wiboth i kisi piny! Ongoye gima joŋeyo, jono ma jotiŋo cal makicar pajo ma mbawo, aka jokwayo were ma kinyal konyo jo.

KITAWO MALEŊ

²⁰ Cokere win aka wibin, core win cegin kanyacel, win ma wiboth i kisi piny! Ongoye gima joŋeyo, jono ma jotiŋo cal makicar pajo ma mbawo, aka jokwayo were ma kinyal konyo jo.

Isaya 45:20 ပူးပေါင်းရင်းမြစ်များ

2 Kigana kwoŋ Kerin 25:15

Gime omiyo Rwoth omako nge gi Amaziya to dhiro rigo jatuci wac Were, m'owaco rigo ni, “Raŋo nyo ilamo werin pa ji ma jok'onyalo botho ji pajo wegi i cingin?”

2 Kigana kwoŋ Kerin 28:23

Omiyo cowirok ri werin pa Joasiria, m'oyido jokengila go. Owaco ni, “Werin pa Josiria jokonyo kerin ma Siria, riameno k'amiyo jo cowirok, bende jolakonyan.” To gime okelo kisika kwoŋ go kodi Isiraili je.

Zabuli 115:8

Jono ma jotimo jo jocale paka jo; amanago apaka obedi kiri ri jono ma joketho geno pajo i cal.

Isaya 4:2

I ndelo no jangi yath pa Rwoth labedo maŋon to limo dwoŋ, aka ranyak ma lowo labedo noro gi dwoŋ pa Joisiraili ma joboth.

Isaya 41:21

Keli win banja mewin, Rwoth waco, keli win piem mewin, Kere pa Yakobo waco.

Isaya 43:9

Weyi nonin je jowocokere kanyacel, aka weyi ji jowocokere. Ŋa kwoŋ jo m'owodho gime kamaler, to nyutho wan gigipiny m'otimere con? Weyi jowokeli jokony pajo joworidhi ni jotire, aka weyi jowowinji to jowaco ni, “Obedo adieri.”

Isaya 44:10

Ŋa won m'oyido nyalo timo were kosa timo cal ma dimagowa ma nono?

Isaya 44:9

Jono ma jotimo cal makicar jongoye kony, aka gigipiny ma joyodere gine ongoye magowa; jokony pajo jokinen kendo jokuya, ni inyalo ketho jo i wickwot.

Isaya 46:1

Me gike pa werin ma Babilon! Bel gi Nebo m'oyido cango ilamo, gigipiny ma witiŋo me jopek, paka bieto ri ogwaŋe.

Isaya 48:14

Cokere win, wijoje, aka wiwinji! Ŋa kwoŋ jo m'otieko tuco kamaler gigipiny me? Rwoth omaro go, go latimo atoŋa pere kwoŋ Babilon, aka badi go bino bedo kwoŋ Jokaldin.

Isaya 57:13

Ka winogoy koko, weyi cal makicar mewin ma wicoko jowobothi win! Koyo latiŋo woko, luya won lakudho jo. To ŋata pondo i an, lalimo lowo, to lunjo got paran maleŋ.

Yeremia 10:14

Ka ji joneno gime, jolokere mamiŋ ma jongoye gi ŋeyo; jothedhi zahabu je iketho jo i wickwot gi cal pajo; rupiri cal pajo jobedo gim'okom, aka jongoye gi kwo.

Yeremia 10:5

Cal pajo jocale gim'itimo ma miyo winyin lworo i ndelo pa gima nitie pige ma cal nyarieŋa, aka jokinyal luwo; itiŋatiŋa jo, rupiri jokinyal woth. Wikiri wilwor jo, rupiri jokinyal timo teko, aka jokinyal timo bero moro.”

Yeremia 10:8

Joje jongoye gi rieko aka jomiŋ; fonji ma cal jomiyo k'opokere kodi yath!

Yeremia 48:13

Kenyo wickwot lamako Jomowab gi were pajo Kemos, paka cango wickwot omako Joisiraili gi Bethel were m'oyido jogeno.

Yeremia 48:47

Kucel aladwoko lim ma Mowab, i ndelo ma bino, Rwoth waco. Me apaka athumo ri Mowab banja.

Yeremia 50:28

Winji, jowiloka kodi ji ma jokwale wok i Babilon jobino tuco i Zayon culo kwor pa Rwoth Were mawan ri gima Jobabilon jotimo ri ot pere.

Joefeso 2:12

Poyi win ni i hongo no oyido fodi winitie bor gi Kristo. Onwaŋo wijokicar aka oyido wikikwanere paka jokweth pa Isiraili. Oyido wingoye i cikirok, kodi geno, kendo oyido wingoye gi Were i piny.

Joefeso 2:16

Tho pa Kristo wi musalaba oreyo woko dakirok; to riwo nonin ario no gi Were i del acel.