Isaya 45:19 - KITAWO MALEŊ Catholic

¹⁹ Akiluwo nyaliŋliŋ, i piny ma mudho, kosa akipano atoŋa paran. Akiwaco ri nyikway Yakobo, ni joworangan kam'othangere. An, Rwoth aluwo adieri, Atuco gim'otire.

KITAWO MALEŊ

¹⁹ Akiluwo nyaliŋliŋ, i piny ma mudho, kosa akipano atoŋa paran. Akiwaco ri nyikway Yakobo, ni joworangan kam'othangere. An, Rwoth aluwo adieri, Atuco gim'otire.

Isaya 45:19 ပူးပေါင်းရင်းမြစ်များ

1 Kigana kwoŋ Kerin 28:8

“Onyo riameno i waŋ Joisiraili je, cokirok pa Rwoth, aka paka Rwoth winjo, kur aka rangi or pa Rwoth Were perin, ŋey imedere bedo i lowo maber me, aka iwey paka gir'alunja ri nyithindho mewin cil gi cil.”

2 Kigana kwoŋ Kerin 15:2

aka okadho romo gi Asa to waco rigo ni, “Winjan, Asa, kodi ji je ma Yuda kodi Benyamin: Rwoth nitie gi win tekin winitie gi go. Ka wirango go, wilanwaŋo, to ka ijwango go, go lajwango win.

2 Kigana kwoŋ Kerin 7:14

ka ji paran ma jolwoŋere gi nyingan jomwole, jokway, jorangan, to joweyo yo pajo ma kidakana, kenyo alawinjo gi polo, alacwako reco pajo t'abotho piny pajo.

Ezira 8:22

Kole wiyan okwot kwayo kere womiy wan jokur kwoŋ jokwor i woth mawan, paka oyido atieko waco ri kere ni Rwoth miyo silwany ŋata geno i go, to go kisangala gi ŋata kwedere kwoŋe aka miyo go gir'acula.

Zabuli 12:6

Cikirok pa Rwoth obedo cikirok macil, paka feza mangil m'oyuy i mac dibirio.

Zabuli 24:6

Meno a luse ji ma jorango go, ma jobino ruwaŋ Were pa Yakobo.

Zabuli 69:13

To ri an, kwayo paran rin, Awi Rwoth, i hongo ma ripo, Awi Were, i mar perin makiwire m'oasere dwokan. Gi kony perin ma genere

Zabuli 69:32

Weyi jom'odiy jowoneni to josangala; win ma wirango Rwoth, weyi cuny win wodwoki.

Zabuli 78:34

Munyo oneko jomegi kwoŋ jo, jom'odoŋ jorango go; joŋuto reco to jorango Were gi cuny jo je.

Zabuli 9:10

Jono ma joŋeyin, Rwoth, joketho geno pajo i in, kole ikijwangi ŋata bino bongin.

Agecin 1:21

Go lwoŋo gi dwonde ma malo, i waŋkac ma tindi madwoŋ go tuco wac pere.

Agecin 15:8

Cowirok pa jokidakana obedo amien ri Rwoth, to kwayo pa ŋataber obedo kisangala pere.

Agecin 30:5

Kisi wac pa Were tundo i kare, go obedo kwot ri jono ma jopondo i go.

Agecin 8:6

Winji, kole alaluwo wac maber, aka gima lawok i dhokan otire.

Isaya 1:15

Ka witiŋo cingi win malo i kwayo, alakano waŋan kwoŋ win; makada nende winokway i thotho, akilawinjo; cingi win opoŋ oyo remo.

Isaya 43:12

Awodho kamaler, abotho t'atuco, munyo oyido ongoye were makicar i dier win, aka wibedo jokony paran Rwoth waco.

Isaya 44:8

Wikiri wikirin, kosa wibwok, fodi akiwaco riwin wok cene t'awodho kamaler? Wibedo jokony paran! Nitie were man je kwanyowoko an? Ongoye tele man, ongoye m'aŋeyo.”

Isaya 45:23

An won atieko kwoŋirok, aka atuco gi dhokan gim'otire, wac ma kilawire ni, “Kisi nyatoro laguro ran conge, to tuco gi lewe ni An abedo Rwoth.”

Isaya 45:25

I Rwoth, nyikway Isiraili je, jolalimo loyo to josiemere.

Isaya 48:16

Core win cegin kodan, winji win gime! Wok i cakirok akiluwo aponda, aka je timere ma an bende aneno. Aka onyo pama Rwoth Were ooran gi Cuny pere.

Isaya 63:1

Me ŋa ma bino wok i Edom, wok i tindi madwoŋ Bozra gi nanga m'ocido m'obokere? Ŋa me m'orukere swa, ŋanjo gi meni ma teko pere? Obedo an, ma langa loyo pere, aka nigi meni ma botho.

Isaya 65:9

Alayero nyikway Yakobo, aka nyikway Yuda jolalunjo gote paran. Ji paran m'ayero jolalunjo, aka ŋecin paran jolabedo kenyo.

Isaya 8:19

To ka jowaci riwin penjo mikwenda wok bongi jothieth gi jojwok ma jomwoŋo aka jocur. To kere ji jokiripi rango Were pajo? Kendo joluw gi jom'otho ri jomakwo?

Yeremia 2:31

Win, Joisiraili, par win kwoŋ wac pa Rwoth! Oyido abedo thim ri Isiraili, kosa piny ma mudho m'opoto? Raŋo onyo ji paran jowaco ni, “Wanitie gi thwolo, wak'odwoki bongin kendo?”

Amos 5:4

Me apaka Rwoth waco ri Joisiraili: Rangan win ŋey wibedi gi kwo.

Yohana 18:20

Yesu odwoko ni, “Ndiri je aluwo kamaler ri piny, aka afonjo i kitipa pa jom'oyeyo pa Joyuda kodi i Ot pa Were, kama Joyuda je jocokere iye, aka ongoye gima fodi awaco nyaliŋliŋ.

Yohana 7:26

Neni! Kole go ee luwo i dier ji, aka ongoye kiri ŋata luwo kwoŋe. Kosa jotel joŋeyo nike go a Kristo?

Yohana 7:28

Munyo Yesu fodi medere fonjo i Ot pa Were, owaco gi dwonde ma malo ni, “Wiparo ni wiŋeyan, aka wiŋeyo kiri kama awok'iye? To kole akibino ka gi meni paran won. Aka ŋat'ooran obedo jar'adieri. Wikuya go,

Kitawo mar'abic mapa Musa m'ilwoŋo ni Cik 29:29

“Gigipiny m'opanere obedo apa Rwoth Were mawan, aka gigipiny m'omenyere obedo mawan kodi nyikway wan cil gi cil, timo wac je ma cik me.”

Kitawo mar'abic mapa Musa m'ilwoŋo ni Cik 32:4

Go tele, tic pere nitie i kare, yo pere je otire. Were ma timo adieri, m'ongoye gi banirok, go jatiro aka timo gim'otire.

Yakobo 4:3

Aka ka wikwayo wikilim, rupiri wikwayo gi atoŋa mareco: Wikwayo gigipiny mar'aora ma kisangala mewin won.