Isaya 45:11 - KITAWO MALEŊ Catholic

¹¹ Rwoth, Were Maleŋ pa Isiraili, aka jacwec pere waco, Wilapenjan kwoŋ nyithindho paran, kosa wilamiyan or kwoŋ tic paran?

KITAWO MALEŊ

¹¹ Rwoth, Were Maleŋ pa Isiraili, aka jacwec pere waco, Wilapenjan kwoŋ nyithindho paran, kosa wilamiyan or kwoŋ tic paran?

Isaya 45:11 ပူးပေါင်းရင်းမြစ်များ

Cakirok 32:26

Kenyo jalo owaco ni, “Weyan akadhi; rupiri piny oyawere.” Yakobo odwoko ni, “Ak'oweyin ikadhi, kwanyo woko k'imiyan silwany.”

Isaya 19:25

ma Rwoth pa lwak jolweny omiyo silwany ka waco ama: “Silwany wobedi ri ji paran ma Misir, Asiria tic ma cingan, kodi Isiraili alunja paran.”

Isaya 29:23

Kole ka go onen nyithindho pere, tic ma cingan i dier go, jolatero nyingan maleŋ; jolamiyo Ŋataleŋ pa Yakobo dwoŋ, aka jolalworo Were pa Isiraili.

Isaya 43:1

T'onyo pama Rwoth waco, ŋat'ocweyin, Awi Yakobo, ŋat'otimin, Awi Isiraili. Ikir'ilwor, kole atieko bothin atieko lwoŋin gi nyingin, ibedo aparan.

Isaya 43:15

An abedo Rwoth, Ŋataleŋ perin, Jacwec pa Isiraili, Kere perin.

Isaya 43:21

Ji m'atimo ri an won, ŋey jowotuci pak paran.

Isaya 43:3

Kole abedo Were perin, Ŋataleŋ pa Isiraili, jaboth perin. Amiyo Misir paka mic mareco perin, awilo Ethopiya gi Seba kodin.

Isaya 43:7

kisi dhano je m'ilwoŋo gi nyingan, m'acweyo ri dwoŋ paran, m'atimo t'acweyo.”

Isaya 44:2

Rwoth m'ocweyin waco ama, go m'otimin i ici aka lakonyin. Ikir'ilwor, awi Yakobo ŋeca paran, Yesurun m'atieko yero.

Isaya 45:10

Kidamba ri ŋata waco ri bamere ni, “Inywolo aŋo?” Kosa ri dhako ni, “Ŋedi ramin g'aŋo?”

Isaya 48:17

Rwoth, Jaboth mewin, aka Were Maleŋ pa Isiraili waco, Abedo Rwoth, Were mewin, ma fonjo win ro bero mewin, aka telo win i yo ma wiripo luwo.

Isaya 54:5

Kole jacwec perin obedo cworin, Rwoth pa lwak jolweny obedo nyinge; Were Maleŋ pa Isiraili obedo Jaboth perin, ilwoŋo go ni Were ma piny gibe.

Isaya 60:21

Ji perin je jolabedo jom'otire, aka jolabedo gi lowo cil gi cil. Jobedo kolo m'apidho, tic ma cingan, ŋey anyal limo dwoŋ.

Isaya 63:16

Kole in a Bawan, makada nende Abraham okuya wan, aka Isiraili kiyey wan, in, Awi Rwoth, ibedo Bawan, jaboth mawan wok cango obedo nyingin.”

Isaya 64:8

Kucel, Awi Rwoth, ibedo Bawan, wabedo lowo nyamasiga, aka ibedo jacwec degi, wajoje wabedo tic ma cingin.

Isaya 8:19

To ka jowaci riwin penjo mikwenda wok bongi jothieth gi jojwok ma jomwoŋo aka jocur. To kere ji jokiripi rango Were pajo? Kendo joluw gi jom'otho ri jomakwo?

Yeremia 3:19

Rwoth waco ni, “Isiraili, oyido amito jolo win paka nyithindho paran, t'amiyo win lowo ma sangala win, gir'alunja maŋon loyo ma nonin je. Aka oyido aparo ni winyalo lwoŋan ni baba, to wikwero weyan.

Yeremia 31:1

I hongo no, Rwoth waco, alabedo Were pa pecin je i Isiraili, aka jolabedo ji paran.

Yeremia 31:9

Joladwoko kareno joywak, aka alatelo jo dwoko k'adiyo cuny jo. Alamiyo jo woth i thengi waŋ pi, i royo m'otire ma jokinyal cer, kwoŋbedo atieko bedo ba Isiraili, Efrayim obedo okayo paran.

Yeremia 33:3

Lwoŋan aka aladwokin, alawaco rin gigipiny madongo m'opanere ma fodi ikiŋeyo.

Ezekiel 36:37

Rwoth Were waco ama: Alayeyo bende Joisiraili jowokwayan ni atim rijo gime: Ni amedi welo pajo paka mwendi.

Ezekiel 39:7

Alamiyo nyingan woŋeyere i dier ji paran Isiraili; aka ak'oyey nyingan wokoc kendo; aka nonin jobino ŋeyo ni An Abedo Rwoth, Ŋataleŋ pa Isiraili.

Hoseya 1:10

Kucel welo pa Joisiraili lacale paka kwoyo ma nam, ma kipimere kosa kwanere; aka i kabedo m'owac'iye rijo ni, “Wikibedo ji paran.” Ilalwoŋo jo ni, “Nyithindho pa Were makwo.”

Hoseya 12:4

Go olwenyo gi malaika to loyo malaika gi meni, go oywaki to rango silwany pere; go oromo gine i Bethel, aka oluwo gine kenyo.

Mariko 11:24

Am'omiyo awaco riwin, ka wikwayo gimoro, yey win ni witieko limo aka ibino miyo win gimoro je ma wikwayo.

2 Jokorintho 6:18

Abino bedo Bawin, aka wibino bedo wotan gi nyingan. Rwoth Majameni je waco.”

Joefeso 2:10

Wabedo cwec pa Were, aka ocweyo wan i Kristo Yesu, ni wabedi gi tim mabeyo, ma cango go oyiko con ni wabedi gine.

Yosuwa 10:12

Kenyo to Yosuwa luwo gi Rwoth i ndelo ma Rwoth omiy'iye Joamor ri cwo ma Isiraili; to waco ruwaŋ Isiraili ni, “Waŋceŋ, cungi m'ikikithin i Gibeon, aka in Dwe i milelo Ayijalon.”

Jothum Banja 16:23

Jodhum pa Jofilistia jocokere ma miyo cowirok madwoŋ ri were pajo Dagon, kodi kisangala; kole jowaco ni, “Were mawan omiyo Samson jakwor mawan i cingi wan.”