Isaya 44:3 - KITAWO MALEŊ Catholic

³ Kole alakonjo pi i piny m'othwo, gi waŋ pi i lowo m'othwo, alakonjo cuny paran kwoŋ nyikwayin, gi silwany paran kwoŋ nyithindho perin.

KITAWO MALEŊ

³ Kole alakonjo pi i piny m'othwo, gi waŋ pi i lowo m'othwo, alakonjo cuny paran kwoŋ nyikwayin, gi silwany paran kwoŋ nyithindho perin.

Isaya 44:3 ပူးပေါင်းရင်းမြစ်များ

Yobu 5:25

Ilaŋeyo ni ilabedo gi nyikwayin kweth, aka jolacale lum ma piny.

Zabuli 107:35

Rwoth loko opalipat kidiwin ma pi, aka loko lowo m'othwo waŋ pi ma mol.

Zabuli 63:1

Awi Were, ibedo Were paran, aka arangin. Kwo paran gipi gomba in; paka kam'othwo, m'olacere, m'ongoye pi, riyo neko cunyan rin.

Agecin 1:23

Winji win apuse paran, alakonjo kwoŋ win paro paran, t'amiyo win ŋeyo wac paran.

Isaya 27:3

An, Rwoth, abedo jakur mere, akonjo rigo pi noknok. Akuro go wor g'odieceŋ, wongoye ŋata wonyeki.

Isaya 32:15

Tunado kama okonji kwoŋ wan cuny wok malo, to thim lokere ndelo olemo, aka ndelo olemo lalokere lul.

Isaya 32:2

Kisi acel kwoŋ jolabedo paka kapondo kwoŋ koyo, gi kabwok kwoŋ asur, paka waŋ pi kam'othwo, paka tipo tele madwoŋ i piny m'oloc.

Isaya 41:17

Ka jocandi gi joma bu gimoro jorango pi, aka ongoye moro, aka lew jo othwo gi riyo, An Rwoth aladwoko jo, An Were pa Isiraili ak'ojwangi jo.

Isaya 48:19

Nyithindho mewin dinyo jobedo kweth paka kwoyo, to nyikway win jobedo mathoth paka nyingi cemo. Dinyo nyingi jo k'orere woko, kosa di k'orey woko jo ruwaŋan.

Isaya 48:21

Riyo k'oneko jo munyo jowotho i thim, go omiyo pi mol rijo wok i tele, go obaro woko tele to pi bayere woko.

Isaya 49:10

Kec kosa riyo k'oneki jo, weyo malieth kosa ceŋ k'orwadhi jo piny, kole ŋata mako gi jo wor ama latelo jo, aka latelo jo kadho i waŋ pi ma mol.”

Isaya 55:1

Rwoth waco ni, Biye, ŋata riyo neko je, biye i pi! Biye, ŋat'ongoye gi pesa, biye nyewere t'icemo! Biye, nyew vini gi cak, m'ongoye pesa kosa cul.

Isaya 59:21

Aka ri an, Rwoth waco, me cikirok paran gi jo. Cuny paran nitie kwoŋ win, aka wac paran m'atieko ketho i dhok win kilaeye i dhok win, kosa i dhok nyithindho mewin, kosa dhok nyikway win, wok pama kadho yuwaŋe gi cil gi cil.

Isaya 61:9

Kisi nono laŋeyo nyikway jo, aka ji jolaŋeyo nyithindho pajo. Ji je ma joneno jolaŋeyo, ni jobedo ji ma Rwoth otieko miyo silwany.

Isaya 65:23

Jokilatiyo manono, kosa nywol nyithindho to jolimo teko, Rwoth lamiyo nyithindho pajo, kodi nyikway jo silwany.

Ezekiel 34:26

Alaloko jo kodi adec m'othoko tendere paran silwany; aka aladhiro rijo koth i hongo mere ma ripo; labedo rijo koth ma silwany.

Ezekiel 36:27

Alaketho cuny paran i win, t'amiyo win luwo cik to wigwokere ma kuro or paran.

Ezekiel 39:29

Ak'opan waŋan rijo kendo, k'akonjo woko cuny paran kwoŋ Joisiraili, Rwoth Were waco.

Ezekiel 47:8

Jacwo no owaco ran ama: Pi me mol kadho yuwok ceŋ aka kadho piny kiri i Araba. Aka ka odonjo i nam ma pi mere kimol, pi mere lokere maber.

Hoseya 10:12

Cwoy ri wiwegi tiro; wifon mar makiwire; cak win furo lowo mewin m'oyido wikoyo; me hongo ma dwaro Rwoth, cuka go obin to cwe both kwoŋ win paka koth.

Yowel 2:27

Aka wilaŋeyo adieri ni, i dier Isiraili, An, kendo an Rwoth, abedo Were mewin aka ongoye man. Wickwot k'omaki ji paran kendo cil gi cil.

Yowel 2:28

Rumacen, alakonjo cuny paran kwoŋ dhano je; wot win kodi nyiki win jolatuco wac Were, cwo mewin ma jotegino jolaleko lek, aka yac mewin jolaneno menyirok.

Yowel 3:1

Kole i ndelin no kodi hongo no, m'abino dwoko silwany pa Yuda gi Yerusalem;

Yowel 3:18

I ndelo no, gote jolathono vini mamit, tendere jolamol gi cak, aka jwombe je ma Yuda jolamol gi pi; pi ma mol lakitula wok i Ot pa Rwoth to dhieko milelo ma Sitim.

Mika 5:7

Kenyo ji pa Yakobo m'odoŋ jolabedo, i dier ji kweth, paka thoyo m'owok bongi Rwoth, paka nyidho kwoŋ lum, ma kikur ji.

Zekaria 12:10

Alakonjo kwoŋ ot pa Daudi kodi ji ma jobedo i Yerusalem, cuny ma wor kodi ma kwayo, aka jolanenan ŋata jocwowo to joywak paka ŋata ywako wode acel g'acel. Jolabedo gi geregere rigo, paka ŋata ywako kayo pere.

Matayo 12:43

“Ka cuny m'ocido owok kwoŋ dhano, wotho i piny m'othwo ka rango kabedo ma ywomirok to kinwaŋ.

Tim pa Jomoor 10:45

Joyuda ma joyeyo ma jobino wok Yopa gi Petero jodhier ni Were okonjo mic pere ma Cuny Maleŋ kwoŋ Jopath bende.

Tim pa Jomoor 2:17

Were waco ni, me a gima bino timere i ndelo macowe: Abino konjo Cuny paran kwoŋ ji je; wot win gi nyigi win jobino tuco wac Were, nyithindho mewin mayac ma soye jobino limo menyirok, aka jom'oti i dier win jobino leko lek.

Tim pa Jomoor 2:33

Otiek tiŋo go malo yuracuc pa Were aka onyo walimo bonge Cuny Maleŋ paka Bamere ociko; aka gim'onyo pama wineno aka odoko wiwinjo me, obedo mic pere ma go okonjo kwoŋ wan.

Tim pa Jomoor 2:39

Kole cikirok me obedo riwin kodi nyithindho mewin kodi ji je ma jonitie bor, ji je ma Were lwoŋo bonge.”

Menyirok ri Yohana 21:6

Aka owaco ran ni, “Otieko timere! An a Alifa kodi Omega, cakirok kodi gike. Ŋata riyo neko abino miyo pi amadha ma nono ma wok i waŋ pi ma kwo.

Menyirok ri Yohana 22:17

Cuny kodi Mweha, jowaco ni, “Biye.” Aka weyi moro je ma winjo wowaci ni, “Biye.” Aka weyi moro je ma riyo neko wobin. Weyi nyatoro je ma mito, womadhi pi ma kwo ma nono.