Isaya 43:7 - KITAWO MALEŊ Catholic

⁷ kisi dhano je m'ilwoŋo gi nyingan, m'acweyo ri dwoŋ paran, m'atimo t'acweyo.”

KITAWO MALEŊ

⁷ kisi dhano je m'ilwoŋo gi nyingan, m'acweyo ri dwoŋ paran, m'atimo t'acweyo.”

Isaya 43:7 ပူးပေါင်းရင်းမြစ်များ

Zabuli 100:3

Ŋey win ni Rwoth obedo Were! Go ocweyo wan aka wabedo apere; wabedo ji pere, aka rombo pere.

Zabuli 50:23

Ŋata kelo foyo pere paka cowirok pere miyan dwoŋ; ri ŋata wotho i yo m'otire, alanyutho go both pa Were!”

Isaya 27:11

Ka jangi yen jothwo, ituro, mon jobino dimo aka jomoko gine mac. Kole me ji ma jongoye gi niaŋ, riameno jacwec pajo kilamako gi jo wor, go m'ocweyo jo k'onyutho jo ŋono.

Isaya 29:23

Kole ka go onen nyithindho pere, tic ma cingan i dier go, jolatero nyingan maleŋ; jolamiyo Ŋataleŋ pa Yakobo dwoŋ, aka jolalworo Were pa Isiraili.

Isaya 43:1

T'onyo pama Rwoth waco, ŋat'ocweyin, Awi Yakobo, ŋat'otimin, Awi Isiraili. Ikir'ilwor, kole atieko bothin atieko lwoŋin gi nyingin, ibedo aparan.

Isaya 43:21

Ji m'atimo ri an won, ŋey jowotuci pak paran.

Isaya 44:23

Wer, awi polo, kole Rwoth otieko timo, koki awi thutho ma piny; bar dwondin gi wer, awi gote, awi lul, gi kisi yath ma iye! Kole Rwoth otieko botho Yakobo, aka go lalimo dwoŋ i Isiraili.

Isaya 46:13

Akelo both paran cegin, ki nitie bor, aka both paran kilagalo; Alaketho both paran i Zayon, aka i Isiraili dwoŋ paran.

Isaya 48:11

Ro an won, kendo ro an won, atimo, rupiri inyalo nedi koco nyingan? Dwoŋ paran ak'omiy moro.

Isaya 56:5

alamiyo wopoy nyingi jo i ot paran, gi i dier ji paran, loyo k'oyido jonitie gi nyithindho mayac gi manyir. Alamiyo nyingi jo wopoy kicutho, ma kilarere woko.

Isaya 60:21

Ji perin je jolabedo jom'otire, aka jolabedo gi lowo cil gi cil. Jobedo kolo m'apidho, tic ma cingan, ŋey anyal limo dwoŋ.

Isaya 63:19

Watieko lokere jono ma fodi ikidhumo, paka jono ma jokilwoŋere gi nyingin.

Yeremia 14:9

Raŋo ibedi paka ŋat'opodhi kwoŋe abwap, paka jalweny apondi ma kinyal miyo kony? Kucel in, awi Rwoth, initie i dier wan, aka walwoŋere gi nyingin; ikir'ijwangi wan!

Yeremia 33:16

I ndir no, ilabotho Yuda aka siem labedo i Yerusalem. Me a nyinge m'ilalwoŋo gine, “Rwoth, obedo tiro mawan.”

Amos 9:12

Jobino mako gim'odoŋ i piny Edom, kodi piny je m'ilwoŋo gi nyingan, Rwoth waco, go ma timo me.

Yohana 15:8

Me apaka Baba bino limo dwoŋ: Ka wiwodho gima nyak madit ma nyutho ni wibedo jofonjirok paran.

Tim pa Jomoor 11:26

Munyo onwaŋo go, okelo go Antiok. I hongo ma romo oro gipi jario me joromo gi kitipa pa jom'oyeyo, to jofonjo ji madit swa. I Antiok me ama open lwoŋ'iye jofonjirok ni Jokristo.

Joroma 9:23

Aka iŋeyo nedi, kole ka Were otimo ameno ma mito nyutho dwoŋ pere m'oŋaŋ ri joma go kidho nyutho jo wor pere, ma go oyiko jolo i dwoŋ pere.

2 Jokorintho 5:17

Am'omiyo ka moro nitie i Kristo, go obedo cwec manyen: Gima con okadho woko, manyen ama obino.

Jogalasia 6:15

Ki wac moro kosa dhano othumere kosa be. Kole gimadwoŋ a lokirok cwec manyen ayin.

Joefeso 1:12

Meno aka nyaka wan ma wapen geno Kristo, wanomiy dwoŋ pa Were wopak.

Joefeso 1:6

Meno aka wopak dwoŋ ma nema pere, mic pere riwan, ma go omiyo wan ma nono i Wode ma migos.

Joefeso 2:10

Wabedo cwec pa Were, aka ocweyo wan i Kristo Yesu, ni wabedi gi tim mabeyo, ma cango go oyiko con ni wabedi gine.

Yakobo 2:7

Ki jono ama joluwo marac kwoŋ nyingi ŋataber m'ilwoŋo win gine no?

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

1 Petero 4:11

Nyatoro je ma fonjo wac pa Were ripo fonjo paŋini obedo wac pa Were won; nyatoro je ma timo tic wotim gi meni ma Were miyo go, aka ŋey i gimoro je womiy Were pak kwoŋ Yesu Kristo, madwoŋ gi meni obedo apere, cil gi cil. Ameno.

1 Petero 4:14

Wijosilwany k'oyeti win ro oro nyingi Kristo; dwoŋ mere ni Cuny ma nigi dwoŋ aka apa Were, nitie i win.

Menyirok ri Yohana 3:12

Abino loko ŋat'oloy karatem siro ma Ot pa Were paran, aka go k'odoko owok i iye. Abino ndiko kwoŋe nyingi Were paran, kodi nyingi tindi pa Were paran, Yerusalem manyen, ma bino loro piny wok i polo bongi Were paran; kodi nyingan manyen won bende.

1 Samwiri 12:22

Rwoth kilabolo ji pere woko, ma miyo nyingi go dwoŋ, rupiri osangala Rwoth loko win ji pere.