Isaya 43:4 - KITAWO MALEŊ Catholic

⁴ Rupiri ibedo gima diwelo ruwaŋan, aka iworin, amarin, amiyo dhano i kabedo perin, t'awilo ji gi kwo perin.

KITAWO MALEŊ

⁴ Rupiri ibedo gima diwelo ruwaŋan, aka iworin, amarin, amiyo dhano i kabedo perin, t'awilo ji gi kwo perin.

Isaya 43:4 ပူးပေါင်းရင်းမြစ်များ

Cakirok 12:2

Abino miyin nyikwayin kweth, aka jobino lokirok piny madwoŋ. Abino miyin silwany t'aloko nyingin madwoŋ, ŋey ibedi jasilwany.

Zabuli 112:9

Go miyo ma nono, miyo jocandi, wor pere bedo cil gi cil go bino bedo jameni aka ibino woro go.

Zabuli 135:4

Kole Rwoth otieko yero Yakobo rigo won, Isiraili paka lim pere won.

Isaya 49:5

Onyo pama, Rwoth waco, go m'ocweyan i ici bedo ŋeca pere, ma dwoko Yakobo bonge, aka ni wonyali coko rigo Isiraili. Kole anwaŋo dwoŋ ruwaŋ Rwoth, aka Were paran otieko lokere meni paran.

Isaya 63:9

I litho pajo je, go olimo litho, to malaika pere botho jo. I mar pere gi wor pere, go obotho jo, otiŋo jo malo to rendo joje i hongo macene.

Yeremia 31:3

Rwoth onenere ran wok bor. Atieko marin gi mar ma cil gi cil, riameno amedo timo rin adieri.

Hoseya 11:1

Munyo Isiraili obedo nyathi, amaro go, aka wok i Misir alwoŋo wodan.

Malaki 1:2

Rwoth waco ri ji pere ni, “Atieko maro win, to wipenjo ni, ‘Imaro wan nedi?’ Kucel amaro Yakobo gi nyikwaye

Malaki 3:17

Rwoth pa lwak jolweny owaco ni, “Jobino bedo ji paran won, i ndelo m'anotimi gimoro, aka abino koyo jo paka ba nyathi nyutho wor ri wode ma tiyo rigo.

Yohana 16:27

rupiri Baba won omaro win rupiri wimaran aka wiyeyo nike awok bongi Were.

Yohana 17:23

abedi i jo aka ibedi i an, ŋey jowobedi acel kicutho, aka nyaka piny woŋey ni ioran aka ni imaro jo paka imaran.”

Yohana 17:26

Atieko miyo jo ŋeyin aka abino medo timo ameno, ŋey mar perin m'initie gine ran wobedi i jo, aka awon bende abedi i jo.”

Yohana 5:44

Onyo winyalo yeyo nedi ka wimito pak ma wok bongi wiwegi, aka wikitem limo pak ma wok bongi Were won.

Kitawo mar'abic mapa Musa m'ilwoŋo ni Cik 14:2

Kole wibedo ji maleŋ ri Rwoth Were mewin, obedo win ama Rwoth otieko yero kwoŋ nonin je i piny bedo ji pere, aka lim pere ma welo.

Kitawo mar'abic mapa Musa m'ilwoŋo ni Cik 26:18

Konon me Rwoth otieko waco nike wibedo ji pere m'omaro, paka go oluwo gi win, kuro or pere;

Kitawo mar'abic mapa Musa m'ilwoŋo ni Cik 4:37

Aka kwoŋbedo go omaro kwarere mewin, oyero nyikway jo. Go owodho win wok i Misir gi bedo pere, gi meni pere madwoŋ,

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

1 Petero 1:7

Candirok me obino r'atoŋa ma temo yeyo mewin. Kole kada zahabu ma nyekere je itemo gi mac. Am'omiyo yeyo mewin ma diwelo loyo zahabu, bende yenyere wotem wonen k'otire, ŋey gino wokel riwin pak kodi dwoŋ kodi wor i Ndelo m'ilanyuth'iye Yesu Kristo kamaler.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

Menyirok ri Yohana 3:9

Ere onyo akidho kelo kitipa ma ji pa Sitan, ma jotwodo aka joŋoyo nike jobedo Joyuda, ma to jok'obedo; abino kelo jo bongin to jogoyo congi gin piny ruwaŋin to joniaŋ ni kere amarin.