Isaya 42:6 - KITAWO MALEŊ Catholic

⁶ An Rwoth, atieko lwoŋin i tiro, atieko kwanyin gi cingan t'akurin, atieko miyin paka cikirok ri ji, gi lero ri nonin.

KITAWO MALEŊ

⁶ An Rwoth, atieko lwoŋin i tiro, atieko kwanyin gi cingan t'akurin, atieko miyin paka cikirok ri ji, gi lero ri nonin.

Isaya 42:6 ပူးပေါင်းရင်းမြစ်များ

Isaya 26:3

Rwoth, ikuro go i siem ma gibe, ri ŋata ketho paro i in, kwoŋbedo oketho geno pere i in.

Isaya 27:3

An, Rwoth, abedo jakur mere, akonjo rigo pi noknok. Akuro go wor g'odieceŋ, wongoye ŋata wonyeki.

Isaya 32:1

Neni, kere ma timo gim'otire ladhumo, jodhum ma jotimo tiro joladhumo.

Isaya 41:13

Kole An, Rwoth Were mewin, amako cingi win maracuc, aŋat'awaco riwin ni, “Wikiri wilwor, alakonyo win.”

Isaya 41:2

Ŋa m'okelo jatur lweny wok yuwok ceŋ, ma nwaŋo loyo i kisi madala, to lwoŋo go i tic pere? Go gonyo nonin je rigo, to nyono kerin je gi par tiende; go loko jo fukefuke g'abor pere, asere pere kedho jo paka kanja ma duny gi weyo.

Isaya 42:1

Neni ŋeca paran ee, m'athielo, dhano paran m'ayero, ma cunyan sangala gine, atieko ketho cuny paran kwoŋe, go lakelo tiro ri nonin.

Isaya 43:1

T'onyo pama Rwoth waco, ŋat'ocweyin, Awi Yakobo, ŋat'otimin, Awi Isiraili. Ikir'ilwor, kole atieko bothin atieko lwoŋin gi nyingin, ibedo aparan.

Isaya 45:1

Me apaka Rwoth waco ri ŋat'owir pere, ri Siras, go m'atieko mako cinge maracuc wokengila piny kweth ruwaŋe, mayo kerin dhum pajo. Rwoth layawo rigo waŋkace ma tindi madongo. Rwoth waco ri Siras ni,

Isaya 45:13

Atieko ico Siras timo gim'otire, alatiro royo pere. Go lageto Yerusalem tindi paran madwoŋ, to gonyo ji paran ma wiloka, m'ongoye cul kosa kemba. Rwoth pa lwak jolweny waco.

Isaya 49:6

Rwoth waco ran ni, “Obedo gima sew ni iripo bedo ŋeca paran, tiŋo malo nonin pa Yakobo, gi dwoko Joisiraili ma joboth. Alamiyo in paka lero ri nonin, ŋey both paran wotundi i tielo je ma piny.”

Isaya 49:8

Me apaka Rwoth waco, “I hongo ma ŋono atieko dwokin, itieko ndelo ma both akonyin, atieko kurin t'amiyin, paka cikirok ri ji, ma cako piny, ma poko lim m'ojwangere.

Yeremia 12:16

Aka nyaka, ka jofonjere tim pa ji paran, kwoŋirok gi nyingan ni, “Paka Rwoth kwo.” Paka jofonjo ji paran kwoŋirok gi Bal, nyaka jobino getere i dier ji paran.

Matayo 26:28

“Madhi win giman'iye, wijoje; rupiri vini me obedo remo paran ma ridho cikirok manyen ma Were otimo gi ji pere, m'ooy ri ji mathoth ma cwako reco.

Luka 2:32

Lero ma bino menyo ri Jopath royo pa Were, to kelo dwoŋ ri ji perin Isiraili.”

Yohana 8:12

Yesu odoko oluwo gi jo ni, “Abedo lero ma piny; ŋata luwan bino bedo gi lero ma kelo kwo aka k'owothi i mudho.”

Tim pa Jomoor 13:47

Kole meno a or ma Rwoth omiyo wan munyo owaco ama.” “ ‘Aketho win paka lero pa Jopath, ni winyal kelo both ri piny gipi.’ ”

Tim pa Jomoor 26:23

nike Kristo ripo candere, aka ka otieko bedo marapena i cerino kwoŋ jom'otho, wokel lero ma both ri Joyuda kodi Jopath.”

2 Jokorintho 1:20

Am'omiyo cikirok pa Were je, kada mathoth nedi, i Kristo bed'abeda Ey. Meno am'omiyo i Yesu Kristo, wawaco Ameno mawan, ma miyo Were dwoŋ.

Joebulaniya 12:24

Wibino bongi Yesu, m'ocano cikirok manyen, kodi gi bongi remo ma nyutho wac maber loyo remo pa Abel.

Joebulaniya 13:20

Onyo weyi Were ma jasiem, m'ocerino Rwodhiwan Yesu kwoŋ jom'otho, Yesu m'obedo Jakwath rombo Madwoŋ ro remo pere ma ridho cikirok makirum,

Joebulaniya 7:2

Gikenyo, Abraham omiyo go acel wiy apar ma gimoro je m'oyido go nitie gine. (Dwoŋ nyingi Melikizedek marapena obedo, “Kere ma Tiro.” Aka go oyido odoko obedo kere ma Salem, madwoŋ mere nyutho ni, “Kere ma Siem.”)

Joebulaniya 7:26

Jadwoŋ pa jocway ri Were i wi migam, ma kite no, ama nyalo konyo wan i gima wayenyo. Ato go leŋ, ongoye kodi kibenga kosa gimarac moro, olony, m'opok kwoŋ joreco, aka otiŋ go malo kalo polo.

Joebulaniya 8:6

To, paka nitie, omiy Kristo tic ma bedo jadwoŋ pa jocway ri Were i wi migam madwoŋ swa loyo apajo, paka cikirok ma go otimo i dier ji kodi Were bende ber loyo macon, kwoŋbedo ocungo kwoŋ cikirok ma gigipiny mabeyo loyo.

Joebulaniya 9:15

Ro wac me Kristo obedo jatim can ma miyo cikirok manyen wotiy, ŋey joma Were olwoŋo jowonyal limo silwany ma Were ociko. Kole go otieko tho paka cul ma gonyo ji woko kwoŋ kibenga ma jotimo munyo oyido jonitie i cikirok marapena.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.