Isaya 42:24 - KITAWO MALEŊ Catholic

²⁴ Ŋa m'omiyo Yakobo ri janyeki, gi Isiraili ri jokwo? K'obedo Rwoth, ma watieko timo reco kwoŋe, k'obedo go ma jok'onyalo woth i royo pere, ma bende jok'onyalo kuro or pere?

KITAWO MALEŊ

²⁴ Ŋa m'omiyo Yakobo ri janyeki, gi Isiraili ri jokwo? K'obedo Rwoth, ma watieko timo reco kwoŋe, k'obedo go ma jok'onyalo woth i royo pere, ma bende jok'onyalo kuro or pere?

Isaya 42:24 ပူးပေါင်းရင်းမြစ်များ

2 Kigana kwoŋ Kerin 15:6

Oyec jo mathindho thindho, piny olwenyo gi piny aka tindi madwoŋ odiyo tindi madwoŋ man, rupiri Were okelo rijo candirok kodi kidamba ma nger je.

2 Kigana kwoŋ Kerin 36:17

Riameno Rwoth miyo kere ma Babilon monjo jo, to neko soye pajo g'aserin i Ot pa Were ma k'omako wor gi dhano moro je, nyathi kosa jadwoŋ, ma two kosa maber. Were omiyo joje i cingi kere ma Babilon.

Zabuli 81:12

Ameno aweyo jo luwo yo pajo ma wictek, gi timo gima joyenyo.

Zabuli 81:13

Kabedi nende ji paran oyido jowinjan, ka bedi nende oyido joluw cik paran!

Isaya 30:15

Kole Rwoth Were, Were Maleŋ pa Isiraili otieko waco ama: I dwoko bongan wilalimo ywomirok gi both, liŋ gi geno labedo meni mewin, to wikiyeyo.

Isaya 42:23

Ŋa kwoŋ win m'ocik ithe ri gime, ŋa m'okidhi rigo to winjo gime i hongo ma labino?

Isaya 45:7

Acweyo lero gi mudho, akelo kisangala gi kidamba; An, Rwoth, ma timo gigipiny me je.”

Isaya 47:6

Oyido amako nge gi ji paran, t'akoco alunja paran, aketho jo i cingin, aka ikinyutho jo ŋono, kiri jom'oti je iketho kwoŋ jo okol mapek ma kiwacere.

Isaya 48:18

Kabedi oyido wiwinji or paran! Dinyo siem mewin omol ma kicwiy, paka malawa! Dinyo loyo obino riwin paka ulok ma nam

Isaya 57:17

Amako nge gi jo ro awanya gi reco pajo, amiyo jo gir'acula, apondo rijo aka oyido amako nge; to jomedo gik cen i yo ma cuny jo wegi.

Isaya 63:10

To jogwenyere kwoŋ Rwoth, aka jomiyo cuny maleŋ pere nge. Riameno go olokere jakwor pajo, aka go won gipi olwenyo gi jo.

Yeremia 44:10

Jok'obwonere kosa bedo gi lworo kiri gunyo ni, kendo jok'owotho i cik paran kodi or paran m'amiyo kwarere mewin kodi win.

Yeremia 5:15

Akidho kelo kwoŋ win, nono ma wok bor, awi Joisiraili. Obedo nono ma jociro, obedo nono macene, nono ma wikuya dhodhok pajo, ma wikinyal niaŋ gima jowaco.

Ywakirok 1:14

Go otweyo kibenga paran kanyacel i bieto, to tudo kanyacel gi cinge, jopek i ŋutan, aka olokan manyap; Rwoth okethan, i cingi jono m'akinyal ciro jo.

Ywakirok 1:18

Rwoth otire, kwoŋbedo agwenyere kwoŋ wac pere, to mondo winji win, nonin je, neni kwoŋbedo litho paran, yac paran kodi nyir paran, jokadho i twec.

Amos 3:6

Gwara bende ikutho i tindi madwoŋ, to ji joweyo ma jok'obwok? Teko nyalo podho i tindi madwoŋ, ma Rwoth k'odhiro.

Matayo 22:7

Nge omako kere no swa, to oro jolweny pere to joneko woko jonek no, kiri gi waŋo tindi pajo.

Kitawo mar'abic mapa Musa m'ilwoŋo ni Cik 28:49

Rwoth lakelo nono wok bor swa, wok i gike ma piny, ma dwir paka ango, nono ma wikiniaŋ dhodhok pajo.

Kitawo mar'abic mapa Musa m'ilwoŋo ni Cik 32:30

Ŋat'acel oyido d'oriem nedi gana, aka jario jomiy nedi gana apar ŋwec, kwanyowoko ka Tele pajo am'otana jo, Rwoth oyido ojala jo?

Jothum Banja 10:7

Nge pa Rwoth oliel kwoŋ Joisiraili, aka ojwango jo i cingi Jofilistia kodi Joamon.

Jothum Banja 2:14

Ameno nge pa Rwoth oliel kwoŋ Isiraili to miyo jo i cingi jokinyaga ma jonyaga jo, aka otana jo i cingi jokwor pajo thoko jo, ŋey jok'onyalo cungo ruwaŋ jokwor pajo.

Jothum Banja 3:8

Nge pa Rwoth oliel kwoŋ Joisiraili, aka otana jo i cingi Kere Kusan Risathayim ma Mesopotamia, to Joisiraili jotiyo rigo ma oro aboro.