Isaya 42:16 - KITAWO MALEŊ Catholic

¹⁶ Alatelo ji ma waŋ jo otho, gi royo ma jokuya, g'iger ma fodi jokuya, alatelo jo. Alawiro mudho ma ruwaŋ jo wobedi lero, kabedo m'onyany onyany wobedi lowo m'obipere. Me a gigipiny m'alatimo, aka ak'ojwangi jo.

KITAWO MALEŊ

¹⁶ Alatelo ji ma waŋ jo otho, gi royo ma jokuya, g'iger ma fodi jokuya, alatelo jo. Alawiro mudho ma ruwaŋ jo wobedi lero, kabedo m'onyany onyany wobedi lowo m'obipere. Me a gigipiny m'alatimo, aka ak'ojwangi jo.

Isaya 42:16 ပူးပေါင်းရင်းမြစ်များ

Zabuli 94:14

Kole Rwoth kilajwango ji pere, go k'owey jono ma jobedo apere.

Jafonji 1:15

Gim'okom kinyal twenyo, aka gim'ongoye kinyal kwano.

Jafonji 7:13

Par kwoŋ tic pa Were, ŋa manyalo loko m'otire gim'otieko timo m'oban?

Isaya 26:7

Royo pa joma timo gim'otire obipi, iŋat'iloko royo pajo mafoth.

Isaya 29:18

I ndelo no joma ithi jo otho jolawinjo, wac ma kitawo, aka joma waŋ jo otho m'oyido jobedo i mudho, waŋ jo layawere to joneno.

Isaya 29:24

Aka jono je ma jotimo gi komo i cuny jolaniaŋ, jono je ma joŋunyaŋunya, jolayeyo fonji.

Isaya 30:18

Riameno Rwoth kuro nyutho win wor; go laay malo nyutho win wor. Kole Rwoth obedo Were ma timo tiro, josilwany a jono je ma jokuro go.

Isaya 30:21

Ka winowire racuc kosa racam, ithi win lawinjo wac yuŋey win ka waco ni, “Me a yo; woth win i iye.”

Isaya 32:3

Kenyo waŋ jono ma joneno kilatho, aka ithi jono ma jowinjo lacikere.

Isaya 35:5

Joma waŋ jo otho waŋ jolayawere, aka joma ithi jo otho jolawinjo.

Isaya 35:8

Royo labedo kenyo, aka ilalwoŋo ni Royo Maleŋ. Ongoye jareco ma laluw'iye, jomamiŋ jok'orweny'iye dhano.

Isaya 40:4

Kama luŋ moro je wotiŋ malo, kisi got moro je i tendere wobipi; piny m'ogondere wotir, aka kam'onyany onyany wopiel.

Isaya 41:17

Ka jocandi gi joma bu gimoro jorango pi, aka ongoye moro, aka lew jo othwo gi riyo, An Rwoth aladwoko jo, An Were pa Isiraili ak'ojwangi jo.

Isaya 41:3

Go riemo jo to kadho ma bu teko, ma dwir ma kigey piny gi tiende.

Isaya 45:2

“Alatelo yuwiyin, alabipo gote. Alaturo woko waŋkace ma ywel, t'aŋinyo woko petin ma nywenye.

Isaya 45:7

Acweyo lero gi mudho, akelo kisangala gi kidamba; An, Rwoth, ma timo gigipiny me je.”

Isaya 48:17

Rwoth, Jaboth mewin, aka Were Maleŋ pa Isiraili waco, Abedo Rwoth, Were mewin, ma fonjo win ro bero mewin, aka telo win i yo ma wiripo luwo.

Isaya 52:12

Waŋin me wikilawok i kwakirok; wikilatemo kwalok. Kole Rwoth Were mewin latelo win, aka Were pa Isiraili lagwoko win gi yucen.

Isaya 54:13

“Rwoth lafonjo nyithindho perin je, aka nyithindho perin jolabedo joŋaŋo madwoŋ.

Isaya 58:10

Ka winomiy joma kec neko cemo, to widewo kwoŋ joma nitie i litho, nyaka lero mewin lawok i mudho, to kumo mewin bedo paka odieceŋ.

Isaya 62:12

Aka ilalwoŋo jo ni ji maleŋ mapa Were, ji ma Rwoth obotho, aka ilalwoŋin ni m'odwar, tindi madwoŋ ma k'ojwangi.

Ezekiel 14:23

Ilayomo cunyin k'ineno yo pajo kodi tim pajo, aka ilaŋeyo nike nitie atoŋa m'omiyo atimo gim'atieko timo je, Rwoth Were waco.”

Hoseya 2:14

Riameno, aladwoŋo go, t'akelo go i thim, t'aluwo gine gi mwolo.

Hoseya 2:6

Riameno alagoyo cel gi kudhin athoki gine go; aka alageto kor ot kwoŋe, ŋey wokiri wonwaŋi ger pere.

Amos 5:8

Rwoth am'ocweyo micalin ma ndir ma ŋico gi ndir ma lietho. Go loko mudho lero m'odieceŋ aka loko odieceŋ wor. Go lwoŋo pi ma nam aka konjo woko i lowo. Rwoth, meno nyingi go.

Luka 3:5

Kisi milelo woculi, gote gi tendere je woriew, royin je m'okom wotir, odoko royin ma di geŋin gi buce je wopiel.

Tim pa Jomoor 26:18

ni iyaw waŋ jo jowonyal wirok wok i mudho donjo i lero kodi wok i meni pa Sitan bino bongi Were, ŋey jowonyal limo cwaki kwoŋ reco pajo to jolimo kabedo i dier joma Were oyero munyo joyeyan.’ ”

Joefeso 5:8

Kole con oyido wibedo jomudho, to pama onyo wilokere joparo i Rwoth. Riameno woth win paka nyithindho ma lero.

Joebulaniya 13:5

Kur win kwo mewin ma wikimunyere i maro pesa, aka gima winigine worom win. Kole Were owaco ni. “Akibino weyo win; ak'ojala win.”

Yosuwa 3:4

ŋey nyaka winyal ŋeyo royo ma wiripo luwo, kole fodi wikiluwo royo me con mere. Kucel thwolo bino bedo i dier win kodi Kakan ma Cikirok, boro ma romo kilomita acel, wikiri wicore cegin gine.”

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.