Isaya 42:10 - KITAWO MALEŊ Catholic

¹⁰ Wer ri Rwoth wer manyen, pak pere wok i tum ma i piny! Weyi nam womor, kodi gima kwo i iye je, piny ma yuthengi nam gi ji ma jobed'iye je.

KITAWO MALEŊ

¹⁰ Wer ri Rwoth wer manyen, pak pere wok i tum ma i piny! Weyi nam womor, kodi gima kwo i iye je, piny ma yuthengi nam gi ji ma jobed'iye je.

Isaya 42:10 ပူးပေါင်းရင်းမြစ်များ

1 Kigana kwoŋ Kerin 16:32

Weyi nam kodi cwec mere je jowohola, weyi ndelin kodi dudi mere jowosangala

Zabuli 150:6

Weyi kisi gima kwo je wopak Rwoth! Rwoth wopak.

Zabuli 33:3

Wer win rigo wer manyen, goy win tongol gi ndijo, aka wikoki ri kisangala.

Zabuli 40:3

Go oketho wer manyen i dhokan, wer ma pak ri Were mawan. Ji mathoth ma joneni jobino bedo gi lworo, aka jolaketho geno pajo i Rwoth.

Zabuli 65:5

Gi tim ma kelo lworo idwoko wan, t'ibotho wan, Awi Were jaboth mawan. Ibedo geno pa gike je ma piny, gi thoko nam ma jonitie bor loyo.

Zabuli 72:10

Weyi kerin ma Tarsis gi ma kigodin, jowomiy go mic, weyi kerin ma Seba gi Seba jowokeli mic.

Zabuli 96:11

Weyi polo wosangala, aka weyi piny wofore, nam gi cwec mere je jowohola,

Zabuli 97:1

Rwoth dhumo, weyi piny wofore, sangala win kigoda lowo ma nam.

Kitawo mar'ario mapa Musa m'ilwoŋo ni Wok 15:1

Kenyo Musa gi Joisiraili jowero ri Rwoth wer me. “Abino wero ri Rwoth kwoŋbedo olimo loyo madwoŋ, obolo kayinin gi jogwey i nam.

Kitawo mar'ario mapa Musa m'ilwoŋo ni Wok 20:11

I ndelo aucel An, Rwoth, acweyo polo gi piny, nam gi gima nitie iye je, to aywomere i ndelo mar'abirio. Riameno Rwoth omiyo ndelo ma Sabato silwany to loko maleŋ.”

Isaya 11:11

I ndelo no Rwoth lacoro cinge kendo madirio dwoko peco ji pere ma joboth, wok i Asiria gi Misir, wok i Pathiros, wok i Ethopiya, wok i Elam, wok i Babilon, wok i Hamath, gi wok i kigoda ma nam.

Isaya 12:5

Wer win pak ri Rwoth, kole go otieko timo gigipiny madongo, weyi gime woŋeyere i piny gibe.

Isaya 42:4

Go k'ojok kosa k'odwokere cen, cuka okeli tiro i piny, aka piny ma yuthengi nam kuro cik pere.

Isaya 44:23

Wer, awi polo, kole Rwoth otieko timo, koki awi thutho ma piny; bar dwondin gi wer, awi gote, awi lul, gi kisi yath ma iye! Kole Rwoth otieko botho Yakobo, aka go lalimo dwoŋ i Isiraili.

Isaya 48:20

Wok win i Babilon, ngoye win kwoŋ Jokaldin! Koki win gi wac ma kisangala, tuci win, dhiri win wac kiri witum ma piny, wac win ni, “Rwoth otieko botho Yakobo ŋeca pere!”

Isaya 49:13

Wer, Awi polo! Koki ro kisangala, Awi piny! Weyi gote jowomwoci gi wer, kole Rwoth otieko yomo cuny ji pere, aka lamako wor gi ji pere ma jocandere.

Isaya 49:6

Rwoth waco ran ni, “Obedo gima sew ni iripo bedo ŋeca paran, tiŋo malo nonin pa Yakobo, gi dwoko Joisiraili ma joboth. Alamiyo in paka lero ri nonin, ŋey both paran wotundi i tielo je ma piny.”

Isaya 51:5

Alabino piyo botho jo, both paran nitie cegin. An won aladhumo ji. Piny ma thengi nam jokuran, jokuran adhum jo.

Isaya 60:6

Ŋamin kweth ma kikwanere jolaumin, ŋamin ma nyaka joay ma Midian gi Efa, gi ma jowok i Seba je jolabino. Jolakelo zahabu kodi buban, aka jolatuco pak pa Rwoth.

Isaya 60:9

Kole piny ma yuthengi nam jolakuran, mele ma Tarsis marapena, ma lakelo wotin wok bor, jolabedo gi feza gi zahabu pajo, ma miyo nyingi Rwoth Were perin dwoŋ, ri Ŋataleŋ pa Isiraili, rupiri go otieko miyin dwoŋ.

Isaya 62:11

Neni win, Rwoth otieko tito ri witum ma piny. Waci win ri nyar Zayon ni, “Neni, both perin bino, kemba pere nitie gi go, kodi cul pere ruwaŋe.”

Isaya 65:14

Ŋecin paran jolawero ri kisangala ma cuny jo, to wilaywak ro arama cuny, aka wilaywak gi cuny win m'otur.

Zefania 2:11

Rwoth lakelo lworo kwoŋ jo. Go lasewo werin je ma piny kisi nono lalamo go, kisi acel i piny pere won.

Menyirok ri Yohana 14:3

Oyido jowero wer manyen, ruwaŋ kom pa Were ma dhum no kodi cwec aŋwen no kodi jodongo no, aka jowero wer manyen ma ŋatiman je k'onyalo fonjirok kwanyo woko ji gana miya acel piero aŋwen g'aŋwen (144,000) m'onyew jo gi remo pa Yesu wok i piny.

Menyirok ri Yohana 5:9

Jowero wer manyen ni, “Iripo gi kwanyo kitawo gi halo woko gim'omwon gine. Kole onekin, aka gi remo perin, inyewo ri Were ji maleŋ, wok i nonin je, dhodhok je, piny je kodi ji ma piny gipi.