Isaya 42:1 - KITAWO MALEŊ Catholic

¹ Neni ŋeca paran ee, m'athielo, dhano paran m'ayero, ma cunyan sangala gine, atieko ketho cuny paran kwoŋe, go lakelo tiro ri nonin.

KITAWO MALEŊ

¹ Neni ŋeca paran ee, m'athielo, dhano paran m'ayero, ma cunyan sangala gine, atieko ketho cuny paran kwoŋe, go lakelo tiro ri nonin.

Isaya 42:1 ပူးပေါင်းရင်းမြစ်များ

Cakirok 49:10

Yuda bino mako luth pa kere, aka nyikwaye wangi jobedo jodhum. Piny jobino kelo ri mic to jokule ruwaŋ go i wor.

Zabuli 72:4

Weyi kere wothum banja ri jocandi, wobothi ji ma bukony, to ŋinyo woko jadic.

Zabuli 89:4

Nyikwayin jobino bedo kere noknok, abino geto keri perin ri luse je.”

Isaya 2:4

Go lathumo banja i dier nonin, aka lakiosa ri ji kweth. Jolathedho abor pajo wolokere kwe dhok ma fur, aka tonge pajo wolokere apala nyangoda. Ongoye nono ma latiŋo abor kwoŋ nono man kendo, kosa fonjere lweny kendo.

Isaya 32:16

Kenyo tiro labedo i thim, aka timo gim'otire ladoŋ i ndelo olemo.

Isaya 41:8

To in, Isiraili, ŋeca paran, Yakobo, m'atieko yero, kodhi pa Abraham, mere paran,

Isaya 41:9

in m'akwanyin wok witum ma piny, t'alwoŋin wok i sonda mere mabor, k'awaco rin ni, “Ibedo ŋeca paran, atieko yerin, ak'obolin woko!”

Isaya 42:2

Go k'oywaki kosa otiŋ dwonde malo, kosa k'omiy wowinjere i yo.

Isaya 43:10

Wibedo jokony paran, Rwoth waco, gi ŋeca paran m'atieko yero, ŋey winyal ŋeyo to wiyeyan to winiaŋ ni Abedo go. Ongoye were m'otelo bedo ran, aka ongoye moro je ma labino yuŋeyan.

Isaya 50:10

Ŋa kwoŋ win ma lworo Rwoth, aka winjo dwondi ŋeca pere, ma wotho i mudho, aka ongoye gi lero, kucel ketho geno i nyingi Rwoth, aka goŋere kwoŋ Were?

Isaya 52:13

Neni, ŋeca paran labedo gi loyo i tic pere, ilaworo go t'imiyo go dwoŋ, aka labedo malo swa.

Isaya 53:11

Rumacen ma kwo ma candirok, go laneno kisangala; go laŋeyo ni k'ocandere ma nono. Ŋeca paran m'omiyere, aka ma sangala an, latiŋo gir'acula pa ji kweth, aka ro go alacwako rijo.

Isaya 59:21

Aka ri an, Rwoth waco, me cikirok paran gi jo. Cuny paran nitie kwoŋ win, aka wac paran m'atieko ketho i dhok win kilaeye i dhok win, kosa i dhok nyithindho mewin, kosa dhok nyikway win, wok pama kadho yuwaŋe gi cil gi cil.

Isaya 61:1

Cuny pa Rwoth Were nitie kwoŋan, kwoŋbedo Rwoth owiran gi mo, ooran kelo wac manyen maber ri ji m'idiyo, yomo cuny joma cuny jo otur, tito gonyirok pa joma jonitie i twec, gi gonyo joma jotudere.

Isaya 63:1

Me ŋa ma bino wok i Edom, wok i tindi madwoŋ Bozra gi nanga m'ocido m'obokere? Ŋa me m'orukere swa, ŋanjo gi meni ma teko pere? Obedo an, ma langa loyo pere, aka nigi meni ma botho.

Hagay 2:23

I ndelo no, Rwoth pa lwak jolweny waco, alaterin, Awi Zerubabel ŋeca paran, wod Salitiel, aka alalokin paka peta ma dhum; kole atieko yerin, apaka Rwoth pa lwak jolweny waco.

Zekaria 3:8

Mondo winji, Awi Yesuwa, in kodi wadin ma jobedo ruwaŋin, jobedo cwo ma gir'aura; kole neni, acegin kelo ri ŋeca paran jange.

Malaki 1:11

Ji wok i thenge ma piny tundo i gike jomiyo nyingan dwoŋ. Kisi kamoro jowaŋo ran buban aka jomiyan cowirok t'ajolo. Joje jomiyo nyingan dwoŋ, Rwoth pa lwak jolweny waco.

Matayo 17:5

Munyo go oyido fodi luwo, pondeponde matar obino to thoko jo aka dwondi moro m'owok i pondeponde owaco ni, “Me Wodan m'amaro kendo asangala gine; winji win go!”

Luka 3:22

Gikenyo Cuny Maleŋ oloro to pie kwoŋe i cal p'akuru, to dwondi jo moro wok i polo ma waco ni, “In i Wodan m'amaro; kendo asangala swa kodin.”

Luka 4:18

“Cuny pa Rwoth opoŋ kwoŋan, rupiri owiran gi mo ma tito Wac Manyen Maber ri jocandi. Ooran waco ri jom'otwey ni otiek gonyo jo, kendo ri joma waŋ jo otho, ni otiek yawo waŋ jo, aka ri jom'onwaŋo odiy jo ni onyo owey jo i siem.

Luka 4:19

Odoko ooran tito ni me a oro pa Rwoth ma nyutho ji both pere.”

Luka 9:35

Gikenyo dwondi jo moro owaco gi i pondeponde ni, “Me Wodan, m'ayero, winji win go!”

Yohana 16:32

Ndiri bino tundo, aka otieko kiri tundo ma wijoje wibino kedher'iye to dhano je dok peco pere, aka wibino weyan kendan. To akinitie kendan, rupiri Baba nitie kodan.

Yohana 3:34

Ŋata Were ooro, luwo wac pa Were, rupiri Were miyo go Cuny Maleŋ m'opoŋ ma k'obuyo.

Yohana 6:27

Wikiri witiy ri cemo ma nyekere piyo; to tiyi win ri cemo ma yindira to kelo kwo makirum. Me a cemo ma Wod Dhano bino miyo win, rupiri Were Baba won otieko ketho kwoŋ go ranyuth ma ridho wac no.”

Tim pa Jomoor 10:38

Paka Were okonjo kwoŋ Yesu ma Nazareth Cuny Maleŋ kodi meni; paka go okidho kamoro je munyo timo bero gi botho joma two je m'onwaŋo jonitie i acanda pa jwogi, rupiri Were oyido nigi go.

Tim pa Jomoor 11:18

Munyo jowinjo gime, joliŋ piem, to jopako Were munyo jowaco ni, “Kere Were otieko miyo Jopath bende hongo ma ŋuto gi bedo gi kwo.”

Tim pa Jomoor 28:28

Aka Paulo omedo ni, “Wiripo ŋeyo nike mikwenda pa Were kwoŋ both odhir ri Jopath; aka jobino winjo!”

Tim pa Jomoor 9:15

Rwoth owaco rigo ni, “Kidhi, rupiri atieko yero go wotiy ran, ma miyo nyingan ŋeyirok bongi Jopath kodi kerin, kodi nyithindho pa Isiraili.

Joefeso 1:4

Con ma piny fodi k'ocwey, go oyero wan bedo apere i Kristo, ni wabedi maleŋ, m'ongoye apuse ruwaŋ go.

Joefeso 1:6

Meno aka wopak dwoŋ ma nema pere, mic pere riwan, ma go omiyo wan ma nono i Wode ma migos.

Joefeso 3:8

Kad'oyido aŋat'aasa thin kwoŋ jomaleŋ je, omiyan nema me ma tito ri Jopath Wac Manyen Maber kwoŋ ŋaŋo pa Kristo ma bu gike.

Jofilipi 2:7

Kucel go oketho meni no gicen, to kwanyo kabedo pa ŋeca, munyo onywol go i cal pa dhano. Aka munyo go onwaŋere i cal pa dhano,

Jokolosia 1:13

Kole go otieko botho wan kwoŋ meni ma mudho to kelo wan i Ker pa Wode ma migos m'omaro,

1 Petero 2:4

Biye win bongi Rwoth, tele makwo ma ji jokwero nike bukony, to Were oyero paka dikony rigo.

1 Petero 2:6

Ato ndiko waco ni, “Neni, pama onyo aketho tele ma tielo ot i Zayon, tele m'oyer ma diwelo; aka nyatoro je m'oyey go wiye kilakwot.”