Isaya 41:20 - KITAWO MALEŊ Catholic

²⁰ Kenyo ji je jolaneno to joŋeyo, joje jowoteri paka gimadwoŋ to joniaŋ, ni cingi Rwoth am'otimo gime, Ŋataleŋ pa Isiraili am'ocweyo go.”

KITAWO MALEŊ

²⁰ Kenyo ji je jolaneno to joŋeyo, joje jowoteri paka gimadwoŋ to joniaŋ, ni cingi Rwoth am'otimo gime, Ŋataleŋ pa Isiraili am'ocweyo go.”

Isaya 41:20 ပူးပေါင်းရင်းမြစ်များ

Yobu 12:9

Ŋa kwoŋ jome je m'okuya, ni cingi Rwoth otieko timo gime.

Zabuli 109:27

Weyi jowoŋey ni me cingin; in Rwoth, iŋat'itieko timo.

Kitawo mar'ario mapa Musa m'ilwoŋo ni Wok 6:7

Abino loko win ji paran, aka abino bedo Were mewin. Wibino ŋeyo ni An Abedo Rwoth Were mewin k'anogony win wok i twec i Misir.

Kitawo mar'ario mapa Musa m'ilwoŋo ni Wok 9:16

T'aweyo wikwo r'atoŋa me, nyutho meni paran, ŋey nyingan wotuci i piny gibe.

Isaya 28:29

Gime bende wok bongi Rwoth pa lwak jolweny; go jamic rieko ma gir'aura, aka jarieko ma malo swa.

Isaya 29:24

Aka jono je ma jotimo gi komo i cuny jolaniaŋ, jono je ma joŋunyaŋunya, jolayeyo fonji.

Isaya 40:5

Kenyo dwoŋ pa Rwoth lanyuthere, aka ji je jolaneno go kanyacel, kole dhok Rwoth otieko luwo.”

Isaya 41:4

Ŋa m'otimo to miyo gime timirok, lwoŋo lusin wok i cakirok? An, Rwoth, abedo marapena, aka alabedo macowe.

Isaya 43:15

An abedo Rwoth, Ŋataleŋ perin, Jacwec pa Isiraili, Kere perin.

Isaya 43:21

Ji m'atimo ri an won, ŋey jowotuci pak paran.

Isaya 44:23

Wer, awi polo, kole Rwoth otieko timo, koki awi thutho ma piny; bar dwondin gi wer, awi gote, awi lul, gi kisi yath ma iye! Kole Rwoth otieko botho Yakobo, aka go lalimo dwoŋ i Isiraili.

Isaya 49:23

Kerin gi nyamicalin jolabedo jonywol rin, jolakule piny rin miyin dwoŋ, jolamwole nyutho wor pajo rin, to jonaŋo fukefuke ma tiendin. Kenyo ilaŋeyo ni Abedo Rwoth, aka jono ma jokuro kony paran jok'obedi i wickwot.

Isaya 66:14

Wilaneno gime timere, aka cuny win lafore; lamiyo win bedo matek gi kwo maber. Aka wilaŋeyo ni Rwoth, konyo jono ma jowinjo go, aka nyutho jokwor pere nge.

Isaya 66:18

Kole aŋeyo tim pajo gi paro pajo, aka abino coko ji ma joluwo dhodhok m'opokere opokere gi nonin nyutho jo dwoŋ paran.

Isaya 66:2

An, aŋat'acweyo gigipiny me gi cingan, aka je jobedo aparan, Rwoth waco. To me a ŋat'aladwaro, ŋata mwole aka bwonere i cuny ma kirin i wac paran.

Kwan 23:23

Adieri ongoye yido ma mako Yakobo, ongoye thieth kwoŋ Isiraili. Onyo pama ji jolawaco kwoŋ Yakobo kodi Isiraili, neni, gima Were otieko timo!

2 Jothesalonika 1:10

munyo go bino Ndelo no limo dwoŋ wok bongi ji pere maleŋ je, kodi nwaŋo wor bongi jom'oyeyo je. Wibende wibino bedo i dier jo, rupiri witieko yeyo mikwenda ma wakelo riwin.