Isaya 41:19 - KITAWO MALEŊ Catholic

¹⁹ Alaketho yath sida i thim, kasia, yath mawuwa maŋwe kur kodi oliv, alaketho yath lwiyo i thim, yath ma timo sanduku kodi yath ma mbawo mere yom kanyacel.

KITAWO MALEŊ

¹⁹ Alaketho yath sida i thim, kasia, yath mawuwa maŋwe kur kodi oliv, alaketho yath lwiyo i thim, yath ma timo sanduku kodi yath ma mbawo mere yom kanyacel.

Isaya 41:19 ပူးပေါင်းရင်းမြစ်များ

Isaya 27:6

I ndelo ma bino, nyikway Yakobo jolarwako fuc, Isiraili lathiwo to ketho withe, aka lapoŋo piny gibe g'olemo.

Isaya 32:15

Tunado kama okonji kwoŋ wan cuny wok malo, to thim lokere ndelo olemo, aka ndelo olemo lalokere lul.

Isaya 35:1

Thim gi lowo m'othwo jolakisangala, thim lafore to jolikalika; paka mawuwa.

Isaya 43:19

Ere neni, atimo gimanyen; pama onyo tula, ikineni? Alatimo royo i thim, gi malawin iy'opalipat.

Isaya 51:3

Kole Rwoth layomo cuny Zayon; gi jono je ma jobedo i gundin mere. Go laloko thim mere paka Eden, aka opalipat mere paka ndelo pa Rwoth. Forok gi kisangala lanwaŋere i go, foyo kodi dwondi ma wer.

Isaya 55:13

Yen lwiyo latwi kama pama kudhin nitie i iye, aka yen ma lile malo latwi kama pama kayongo nitie i iye. Me labedo rapoy ri Rwoth, ri ranyuth ma cil gi cil ma k'orumi.

Isaya 60:13

Dwoŋ pa Lebanon labino rin, mbawin ma yen mabeyo, ma geto Yerusalem kendo, loko Kabedo Maleŋ paran maŋon, aka alamiyo kabedo ma keth'iye tiendan dwoŋ.

Isaya 60:21

Ji perin je jolabedo jom'otire, aka jolabedo gi lowo cil gi cil. Jobedo kolo m'apidho, tic ma cingan, ŋey anyal limo dwoŋ.

Isaya 61:11

Kole paka lowo miyo kodhi twi to dongo, paka ndelo miyo gim'ocwoy'iye twi, ameno apaka Rwoth Were lamiyo tiro gi pak kitula ruwaŋ nonin je.

Isaya 61:3

Miyo ji ma joywak i Zayon, kisangala gi forok i kabedo pa rem, mo ma wir i kabedo pa ywak, bujwenge ma pak i kabedo ma cuny manyap. Kenyo nyaka wonyali lwoŋo jo ni olwa ka jotimo gim'otire, ma Rwoth won am'opidho, ŋey wonyali miyo go dwoŋ.

Ezekiel 47:12

I kisi thenge ma malawa, ladongo kisi nger yath kodi cemo. Boke pajo kilathwo kosa olemo pajo kilarumo, to jolabedo kisi dwe kwoŋbedo pi mol rijo wok i Ot pa Were. Olemo pajo labedo cemo, aka boke pajo ma cango two.

Hoseya 14:8

Efrayim lapenjere ni, aŋo man kendo m'alatimo gi cal? An aŋat'adwokin t'akurin. Acalo yath ma boke mere kioy; silwany mewin wok bongan.

Zekaria 1:8

Aneno wor, to neni, jacwo oyido gweyo kayina m'obokere, aka go oyido ocungo i dier mawuwa m'ilwoŋo ni rosi m'oyido nitie i pende, aka yuŋey go oyido nitie kayinin m'obokere makicin, kodi matar.