Isaya 40:5 - KITAWO MALEŊ Catholic

⁵ Kenyo dwoŋ pa Rwoth lanyuthere, aka ji je jolaneno go kanyacel, kole dhok Rwoth otieko luwo.”

KITAWO MALEŊ

⁵ Kenyo dwoŋ pa Rwoth lanyuthere, aka ji je jolaneno go kanyacel, kole dhok Rwoth otieko luwo.”

Isaya 40:5 ပူးပေါင်းရင်းမြစ်များ

1 Kerin 14:11

Ŋatimoro je ma peco perin m'otho i tindi madwoŋ gwokere jobino camo delkwoŋe, aka ma jotho kam'othangere acut jobino camo delkwoŋ jo. An, Rwoth, atieko waco.’ ”

Zabuli 102:16

Kole Rwoth bino geto Zayon kendo, go bino nenere i dwoŋ pere.

Zabuli 102:17

Go bino winjo ji pere m'ojwangi, aka k'ocay kwayo pajo.

Zabuli 72:19

Silwany wobedi ri nyingi go madwoŋ cil gi cil; weyi dwoŋ pere wopoŋ i piny gibe! Ameno, Ameno!

Zabuli 96:6

Dwoŋ gi dhum othoko go, meni gi ŋono opoŋ i Ot pere.

Zabuli 97:6

Polo tuco timo gitiro pere, aka nonin je joneno dwoŋ pere.

Kitawo mar'ario mapa Musa m'ilwoŋo ni Wok 16:7

aka odikin wibino neno dwoŋ pere, kwoŋbedo go owinjo kigeŋisa mewin kwoŋe. Kole wabedo aŋo ma wigeŋisa gi wan?”

Isaya 1:20

To ka wikwero to wigwenyere, ilakisika win g'abor, kole dhok Rwoth otieko luwo.

Isaya 11:9

Jok'omiy litho kosa rerok wi got maleŋ paran je. Piny lapoŋ ŋeyo Rwoth paka pi umo nam.

Isaya 26:15

To itieko miyo nono mawan omedere Awi Rwoth, itieko medo nono, ilimo dwoŋ, itieko loko malac kew je ma lowo.

Isaya 34:16

Rangi aka wisoma gima wok i kitawo pa Rwoth; ongoye kwoŋ cwec me ma kilabedo, je jolabedo ma jacwo gi madhako. Kole dhok Rwoth otieko wodho or, aka cuny pere otieko coko jo.

Isaya 35:2

Thim lawero to koko ri kisangala, labedo maŋon paka gote ma Lebanon; ma nyak cemo paka ndelin ma Kamel gi Saron. Kisi dhano laneno dwoŋ pa Rwoth, gi meni pa Were mawan.

Isaya 40:4

Kama luŋ moro je wotiŋ malo, kisi got moro je i tendere wobipi; piny m'ogondere wotir, aka kam'onyany onyany wopiel.

Isaya 41:20

Kenyo ji je jolaneno to joŋeyo, joje jowoteri paka gimadwoŋ to joniaŋ, ni cingi Rwoth am'otimo gime, Ŋataleŋ pa Isiraili am'ocweyo go.”

Isaya 49:6

Rwoth waco ran ni, “Obedo gima sew ni iripo bedo ŋeca paran, tiŋo malo nonin pa Yakobo, gi dwoko Joisiraili ma joboth. Alamiyo in paka lero ri nonin, ŋey both paran wotundi i tielo je ma piny.”

Isaya 52:10

Rwoth otieko rieyo bade maleŋ, ruwaŋ nonin je, aka tielo je ma piny laneno, both pa Were mawan.

Isaya 58:14

Kenyo nyaka wilakisangala i Rwoth, aka alamiyo win dwoŋ i piny, alamiyo win silwany gi lowo m'amiyo kwari win Yakobo, kole dhok Rwoth otieko luwo.

Isaya 6:3

Acel oyido lwoŋo nyawote to waco ni, “Maleŋ, Maleŋ, Maleŋ! Rwoth pa lwak jolweny! Dwoŋ pere opoŋ i piny gibe.”

Isaya 60:1

Ay, liel; Yerusalem, kole lero perin otieko bino, aka dwoŋ pa Rwoth otieko liel kwoŋin.

Isaya 66:16

Kole Rwoth lakelo tiro g'abor pere, go laneko ji kweth ma jonwaŋere ni jobanja aka ji kweth jolatho.

Isaya 66:18

Kole aŋeyo tim pajo gi paro pajo, aka abino coko ji ma joluwo dhodhok m'opokere opokere gi nonin nyutho jo dwoŋ paran.

Isaya 66:23

I kisi kalima ma dwe manyen, gi kisi ndelo ma Sabato, ji ma kisi piny, jolabino lamo ruwaŋan ka i Yerusalem, Rwoth waco.

Yeremia 32:27

Neni, An Abedo Rwoth, Were pa ji je, nitie gimatek swa ran?

Yeremia 9:12

T'apenjo ni “Ŋa mariek loyo manyalo niaŋ gime? Ŋa ma Rwoth otieko luwo gine manyalo tito? Raŋo piny odoŋ gunda ak'othangere paka thim m'ongoye ŋata luw'iye?”

Yowel 2:28

Rumacen, alakonjo cuny paran kwoŋ dhano je; wot win kodi nyiki win jolatuco wac Were, cwo mewin ma jotegino jolaleko lek, aka yac mewin jolaneno menyirok.

Mika 4:4

Kisi nyatoro bino bedo i siem i tiendi yath vini gi makuyu pere, aka ongoye ŋata bino miyo jo bedo gi lworo, kole dhok Rwoth pa lwak jolweny otieko luwo.

Habakuk 2:14

To piny lapoŋ kodi ŋeyo dwoŋ pa Rwoth, paka pi umo nam.

Zekaria 2:13

Kudere, win ji je, ruwaŋ Rwoth, kole go oay wok i kabedo pere maleŋ.

Luka 2:32

Lero ma bino menyo ri Jopath royo pa Were, to kelo dwoŋ ri ji perin Isiraili.”

Luka 3:6

Ji je jobino neno both pa Were!’ ”

Yohana 1:14

Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri.

Yohana 12:41

Isaya owaco ama rupiri oneno dwoŋ pa Ŋato, aka oluwo kwoŋe.

Yohana 17:2

Kole imiyo go meni kwoŋ ji je, ŋey go womiy joma imiyo go je kwo makirum.

Tim pa Jomoor 2:17

Were waco ni, me a gima bino timere i ndelo macowe: Abino konjo Cuny paran kwoŋ ji je; wot win gi nyigi win jobino tuco wac Were, nyithindho mewin mayac ma soye jobino limo menyirok, aka jom'oti i dier win jobino leko lek.

2 Jokorintho 3:18

Wajoje, onyo, wanyutho dwoŋ pa Rwoth gi waŋ wan ma k'oum; aka dwoŋ no, ma wok bongi Rwoth m'obedo Cuny, loko wan i cal pere, gi dwoŋ ma medere ameda.

2 Jokorintho 4:6

Kole Were m'owaco ni, “Lero woliel wok i mudho.” Am'omiyo lero pere liel i cuny wan, ma kelo riwan niaŋ kwoŋ dwoŋ pa Were, ma nenere i waŋ Kristo.

Joebulaniya 1:3

Go obedo lero ma nyutho dwoŋ pa Were; aka go obedo cal pa Were won gi kite, kendo go ama kuro polo gi piny gi wac pere ma dimeni. Munyo go otieko kelo lonyo kwoŋ reco je, go obedo piny i polo yu cingi Jadhum Madwoŋ maracuc.

Menyirok ri Yohana 21:23

Tindi no kiyeny ceŋ kosa dwe wokel'iye lero, rupiri dwoŋ pa Were am'obedo lero mere, aka Nyathi rombo a tala mere.