Isaya 40:28 - KITAWO MALEŊ Catholic

²⁸ Fodi ikiŋeyo? Fodi ikiwinjo? Rwoth obedo Were ma cil gi cil, jacwec ma witum ma piny. Go kiol kosa lacere, niaŋ pere kiŋeyere.

KITAWO MALEŊ

²⁸ Fodi ikiŋeyo? Fodi ikiwinjo? Rwoth obedo Were ma cil gi cil, jacwec ma witum ma piny. Go kiol kosa lacere, niaŋ pere kiŋeyere.

Isaya 40:28 ပူးပေါင်းရင်းမြစ်များ

Cakirok 21:33

Abraham opidho yath m'ilwoŋo ni tamarisk i Berseba, aka olamo Rwoth Were ma cil gi cil kenyo.

Yobu 38:18

Itieko ŋeyo laco ma piny gibe? Dwokan, k'inen iŋeyo gime je.

Zabuli 138:8

Rwoth laketho i kare atoŋa pere ran, mar perin makiwire, Awi Rwoth, bedo cil gi cil, ikir'ijwangi tic ma cingin.

Zabuli 139:6

Nger niaŋ no obedo ma gir'aura swa ran, oŋawere swa, yombo niaŋ paran.

Zabuli 145:3

Rwoth dwoŋ, aka iripo pako go gi pak ma malo, aka dwoŋ pere kiniaŋere.

Zabuli 147:5

Rwoth mawan dwoŋ, aka thoth gi meni; niaŋ pere kipimere.

Zabuli 90:2

Mafodi ikicweyo gote kosa icweyo piny gibe, oyido ibedo Were makwo cil gi cil, aka ibino bedo Were cil gi cil.

Isaya 37:26

Fodi oyido ikiwinjo ni acano gime con? Acano wok i hongo macene, gim'onyo amiyo wotundi i kare, ni winyal timo tindin madongo m'otinda, woŋinyere i wic gundin,

Isaya 40:21

Fodi ikuya? Fodi ikiwinjo? Fodi k'owaci rin wok i cako? Fodi ikiniaŋ wok i misingi ma piny?

Isaya 42:4

Go k'ojok kosa k'odwokere cen, cuka okeli tiro i piny, aka piny ma yuthengi nam kuro cik pere.

Isaya 45:22

Wire win bongan aka wibothi, ji je ma piny gibe! Kole an abedo Were, aka ongoye man kendo.

Isaya 57:15

Kole Jamalo swa, ŋataleŋ waco, go makwo cil gi cil, ma nyinge Leŋ. Abedo kam'oŋawere, kamaleŋ, gi jono bende ma joŋuto aka jobwonere i cuny, dwoko cuny jomamwol, gi dwoko cuny joma ŋuto reco.

Isaya 59:1

Neni, cingi Rwoth kicek ma kinyal botho, kosa ithe k'ocule ma kinyal winjo.

Isaya 66:9

Anyalo kelo ji paran dhu nywol, t'akwero colo jowonywolere? Rwoth waco; an ma miyo jo nywol, anocegi ici? Were waco.

Yeremia 10:10

To Rwoth obedo Were mar'adieri; go obedo Were makwo kodi Kere ma cil gi cil. I keme pere piny yengere, aka nonin kinyal ciro nge pere.

Yeremia 32:17

Awi Rwoth Were, Obedi in iŋat'icweyo polo kodi piny gi meni perin madwoŋ kodi cingin m'oyare! Ongoye gimatek rin swa.

Yeremia 4:22

Kole ji paran jomiŋ, jokuya an; jobedo nyithindho mamiŋ, jongoye gi niaŋ. Jonitie gi ndijo ma timo reco ayin, to jokuya nger ma timo bero.

Mariko 16:14

Macowe, Yesu omenyere ri jofonjirok apar g'acel wegi munyo jocemo. Go opusa jo paka jok'obedo gi yeyo, aka odoko jobedo g'adundo manwaŋ, rupiri jokwero yeyo joma onwaŋo jotieko neno go munyo ocerino.

Mariko 9:19

Yesu owaco rijo ni, “A luse ji m'ongoye gi yeyo! Anobedi gi win kiri keraŋo? Anodiy cunyan gi win kiri keraŋo? Keli win go bongan ka.”

Luka 24:25

Gikenyo Yesu owaco rijo ni, “A ji mamiŋ, aka wiboli i yeyo g'icuny win gimoro je ma jotuci wac Were jowaco!

Yohana 14:9

Yesu odwoko ni, “Atieko bedo gi win hongo malac ama je, to fodi ikuya an, Filipo? Moro je m'otieko nenan meno otieko neno Baba. To raŋo ma wiwaco ni, ‘Nyuthi wan Were Bawan?’

Yohana 5:17

To Yesu odwoko jo ni, “Kole Baba tiyo noknok, aka abende onyo atiyo.”

Tim pa Jomoor 13:47

Kole meno a or ma Rwoth omiyo wan munyo owaco ama.” “ ‘Aketho win paka lero pa Jopath, ni winyal kelo both ri piny gipi.’ ”

Joroma 16:26

To pama adieri no otiek wodho kamaler i ndiko pa jotuci wac Were; kodi i or pa Were ma cil gi cil, ma onyo imiyo nonin je ŋeyo, aka ji je jowoŋey odoko jowowinji.

1 Jokorintho 2:16

Ato ndiko waco ni, “Ŋata diŋey paro pa Rwoth aka womedi miyo go rieko?” To wan, wanitie gi paro pa Kristo.

1 Jokorintho 6:16

Kosa miti wikuya ni ŋata riwo delkwoŋe kodi apa ŋata cale ameno lokere acel gine? Ndiko waco ni, “Jario jobino lokere del acel.”

1 Jokorintho 6:19

Ikuya ni delkwoŋin obedo Ot pa Cuny Maleŋ ma bedo i in, ma Were omiyin? Ikibedo aperin won, to apa Were.

1 Jokorintho 6:9

Wikuya ni joreco jokibino donjo i Ker pa Were? Moro wokiri wowondi win: Ongoye jokidakana, kosa jolami cal makicar, kosa mon ma jotana delkwoŋ jo i timo giwickwot, kosa jotimi cot, kosa joma timo kidakana cwo gi cwo wadi gin aka mon bende gi mon wadi gin,

Kitawo mar'abic mapa Musa m'ilwoŋo ni Cik 33:27

Were ma cil gi cil obedo kabwok perin, cinge ma cil gi cil nitie i pendi piny, go lariemo woko jakwor perin ruwaŋin, aka owaco ni, “Reyi woko.”

Jofilipi 1:6

Am'omiyo aŋeyo gime nike: Were m'ocako tic maber i win, bino medere gine cuka orum i Ndelo pa Kristo Yesu.

1 Timothe 1:17

Ri Kere ma cil gi cil, makitho aka kinenere, m'obedo Were kende, wor gi dwoŋ wobedi cil gi cil. Ameno.

Joebulaniya 9:14

Kosa to remo pa Kristo m'omiyere i leŋo cungo kwoŋ tic pa Cuny ma cil gi cil, nyalo lonyo paro ma cuny wan kalo kenyo didi, kwoŋ tim m'othotho, ŋey watiy ri Were makwo!

1 Samwiri 2:10

Rwoth bino reyo jokwor pere; go bino mwoc kwoŋ jo wok i polo. Rwoth bino thumo banja ri piny gibe; go bino miyo kere pere meni, go bino miyo kere pere ma go won oyero loyo.”