Isaya 34:3 - KITAWO MALEŊ Catholic

³ Ilabolo woko delkwoŋ jom'otho pajo, joriere kenyo m'otop aka maŋwe; gote lamol gi remo pajo.

KITAWO MALEŊ

³ Ilabolo woko delkwoŋ jom'otho pajo, joriere kenyo m'otop aka maŋwe; gote lamol gi remo pajo.

Isaya 34:3 ပူးပေါင်းရင်းမြစ်များ

Isaya 10:4

Ongoye gima doŋ, to guŋo i dier jotwec, kosa podho i dier jom'onek. Kole nge fodi omako Rwoth, go fodi orieyo cinge miyo gir'acula.

Isaya 34:7

Mirikwa madudi jolapodho gi jo, mirikwa pajo gi thwondhe pajo. Lowo pajo laduwere gi remo pajo, aka lowo pajo latop gi bor pajo.

Isaya 66:24

Aka ka jowok dok, jolaneno delkwoŋ ji ma jogwenyere kwoŋan. Kudin ma jocamo jo jokilatho, aka mac ma waŋo jokilaneko. Ji jokilamito kiri neno jo.

Yeremia 22:19

Ilayiko go paka iyiko punda, m'iywayo t'ibolo woko bor gi waŋkace ma Yerusalem.

Yeremia 25:33

I ndelo no del pa jono ma Rwoth oneko laywore wok i tielo gi tielo ma piny. Ongoye ŋata laywako jo, k'ocoki jo, aka k'oyiki jo. Jolabedo i wi lowo paka woyo.

Ezekiel 14:19

“Kosa kabedi adhiri two nundu i piny, t'akonjo keme paran i iye gi oyo remo, ma reyo woko ji kodi ogwaŋe i piny,

Ezekiel 32:4

Alafodin piny, alabolin i kisawe m'oŋamere, Alamiyo winyin je ma koyo jowopie kwoŋin, aka alaweyo ogwaŋe mager ma piny gipi jowopidhere kodin.

Ezekiel 35:6

Riameno, kafodi akwo, Rwoth Were waco, alayiko win ri neki, remo bino luwo win; paka wikikwero oyo remo, oyo remo bino luwo win.

Ezekiel 38:22

Alathumo rigo banja gi two nundu kodi nek; alamiyo koth wocwe gi pe, mac kodi tele laoy kwoŋe, jolweny pere kodi ji kweth ma jonitie gi go.

Ezekiel 39:11

Rwoth owaco ama: I ndelo no alamiyo Gog kayik i Isiraili, i milelo pa Jowoth yuwok ceŋ ma nam; bino geŋo ger pa jowoth, rupiri kenyo Gog kodi kitipa pere je ilayik'iye jo; ibino lwoŋo ni Milelo pa Hamon Gog.

Ezekiel 39:4

Ibino podho wi gote ma Isiraili, in kodi jolweny perin kodi ji ma jonitie kodin. Alamiyin ri winyin madudi ma nger gi nger kodi ri ogwaŋe madudi jowocamin.

Yowel 2:20

Alakwanyo woko tome bonyo ma yumalo bor gi win, t'agweyo jo woko i piny m'othwo, m'ojwangere, yuwaŋe mere i nam ma yuwok ceŋ; yucen mere i nam ma yupodho ceŋ; topo mere marac kodi ŋwece mere laay malo. Jotieko timo gigipiny madongo!

Amos 4:10

“Adhiro kwoŋ win two nundu, paka ma cango adhiro ri Misir. Aneko yac mewin gi toŋ, atiŋo woko kayina mewin, t'amiyo ŋwece ma kambi mewin donjo i ywor um win, kucel wikidwoko bongan.

Nahum 3:3

Jacwo ma gweyo kayina, tiŋo malo lew abor kodi toŋ ma pilin, kidhur ji m'oneki, peko ma delkwoŋ jom'otho, delkwoŋ jom'otho m'ongoye gike, ji jonyono delkwoŋ jom'otho.

Menyirok ri Yohana 14:20

Obiy vini m'onyak no i bur ma biyo vini ma tindi, aka remo omol wok i k'abiyo vini pa mikula ma boro mere oromo mayiro miya ario, aka thutho mere obedo macegin tundo i congi kayina (fut abic).