Isaya 32:17 - KITAWO MALEŊ Catholic

¹⁷ Timo gim'otire lakelo siem, lawok kudirok gi kwe piny cil gi cil.

KITAWO MALEŊ

¹⁷ Timo gim'otire lakelo siem, lawok kudirok gi kwe piny cil gi cil.

Isaya 32:17 ပူးပေါင်းရင်းမြစ်များ

Zabuli 119:165

Jono ma jomaro cik perin jonitie gi siem madwoŋ, ongoye gima miyo jo cer.

Zabuli 85:10

Mar makiwire g'adieri jobino romo, timo gim'otire gi siem jolapodho akor.

Zabuli 85:8

Weyi awinji gima Rwoth Were bino waco, kole go ciko siem ri ji pere won, ka jok'ogik i yo pajo ma miŋo.

Agecin 1:33

To jono ma jowinjan jolabedo maber. Teko k'omaki jo, m'ongoye lworo raco.”

Agecin 14:26

I lworo Rwoth dhano cungo ma kiyengere, aka nyithindho pa nger ŋato jolanwaŋo kapondo.

Isaya 11:10

I ndelo no kolo pa Yese lacungo paka ranyuth ri Nonin. Nonin joladwaro go, aka kabedo pere labedo ma didwoŋ.

Isaya 11:13

Nyeko pa Efrayim larumo, aka jono ma jotero Yuda gi gwayo ilakwanyo woko, Efrayim kilamako nyeko gi Yuda, aka Yuda kilatero Efrayim gi gwayo.

Isaya 26:3

Rwoth, ikuro go i siem ma gibe, ri ŋata ketho paro i in, kwoŋbedo oketho geno pere i in.

Isaya 28:12

m'otieko waco rijo ni, “Me kabedo ma ywomirok miy ywomirok ri jom'olacere me kabedo ma ywomirok, kucel jok'onyalo winjo.

Isaya 30:15

Kole Rwoth Were, Were Maleŋ pa Isiraili otieko waco ama: I dwoko bongan wilalimo ywomirok gi both, liŋ gi geno labedo meni mewin, to wikiyeyo.

Isaya 33:6

Go lakelo kwe piny i hongo perin, both ma gibe, rieko gi ŋeyo; aka lworo Rwoth obedo lim madwoŋ swa ri Zayon.

Isaya 48:18

Kabedi oyido wiwinji or paran! Dinyo siem mewin omol ma kicwiy, paka malawa! Dinyo loyo obino riwin paka ulok ma nam

Isaya 55:12

Kole wilaweyo Babilon gi kisangala, aka ilatelo win ka widok i siem. Gote gi tendere jolamwoc gi wer, aka yen madudi jolagoyo adhoŋ.

Isaya 57:19

Rwoth waco, siem, siem, ri joma nitie bor gi cegin, aka alacango jo.

Isaya 66:12

Kole me apaka Rwoth waco, Alacoro ri Yerusalem silwany paka malawa, gi lim ma piny man paka jwom ma mol. Zayon lapido win, larendo win i tiende.

Isaya 9:7

Dhum pere k'orumi, aka siem labedo cil gi cil, i wi kom ma dhum pa Daudi gi ker pere, cako gi mako matek, gi tiro kodi timo gim'otire, wok i hongo me kadho yuwaŋe aka cil gi cil. Rwoth pa lwak jolweny omiyere timo gime.

Ezekiel 37:25

Jolabedo i piny m'amiyo ŋeca paran Yakobo, ma kwarere pajo bed'iye; jo gi nyithindho pajo gi nyikway jo jobino bedo kenyo cil gi cil aka ŋeca paran Daudi labedo wod kere pajo cil gi cil.

Ezekiel 39:29

Ak'opan waŋan rijo kendo, k'akonjo woko cuny paran kwoŋ Joisiraili, Rwoth Were waco.

Joroma 14:17

Kole Ker pa Were k'obedo nyaka cemo gi oro gir'amadha, t'obedo tiro kodi siem kodi kisangala i Cuny Maleŋ.

2 Jokorintho 1:12

Me a gima wapakere gine: Paro ma cuny wan miyo waridho ni i kwo mawan i piny ka, tektek mere i riwirok mawan gi win kanyacel, wawotho i leŋo kodi i adieri pa Were. Aka watimo ameno gi meni ma nema pa Were, makiweno gi rieko pa dhano.

Joebulaniya 12:11

K'imiyo dhano gir'acula ma tiro go, i hongo no gir'acula no cal rigo gimoro ma kiber, ma kelo litho ayino, to rumacen, jom'otweny jo gi gir'acula ma kite no jolimo kemba gi siem ma kwo m'otire.

Joebulaniya 6:11

Wamito ni kisi dhano kwoŋ win wonyuthi kinen no kiri i gike, aka nyaka gigipiny ma wigeno bino bedo adieri.

1 Yohana 4:17

Ameno, mar bedo m'otire i dier wan, aka ŋey bedi gi miseni madwoŋ i ndelo ma thumo banja, rupiri kwo mawan i piny ka cale kodi apa Kristo.