Isaya 31:3 - KITAWO MALEŊ Catholic

³ Jomisir jobedo ji, makiweno Were, kayinin pajo jobedo del, makiweno cuny. Ka Rwoth oriey cinge, jakony lacer, aka ŋat'ikonyo lapodho, aka jolarere kanyacel.

KITAWO MALEŊ

³ Jomisir jobedo ji, makiweno Were, kayinin pajo jobedo del, makiweno cuny. Ka Rwoth oriey cinge, jakony lacer, aka ŋat'ikonyo lapodho, aka jolarere kanyacel.

Isaya 31:3 ပူးပေါင်းရင်းမြစ်များ

2 Kigana kwoŋ Kerin 32:8

Senakerib nitie gi meni ma nyadhano, to wanitie gi Rwoth Were mawan ma konyo wan gi lwenyo riwan.” To ji jonwaŋo miseni gi wac pa Kere Hezekia me.

Zabuli 118:8

Ber pondo i Rwoth, loyo ketho geno i ji.

Zabuli 33:17

Kayinin ma lweny jongoye kony ri loyo lweny, meni pajo madwoŋ kinyal botho.

Zabuli 9:20

Miy jo bedo gi lworo, Awi Rwoth, weyi nonin jowoŋey ni jobedo nyaka ji!

Isaya 10:3

Winotim aŋo i ndelo ma gir'acula, gi rerok ma labino wok bor? Winoŋwec bongi ŋa rango kony? Aka winowey lim mewin kune?

Isaya 20:4

Ameno apaka kere ma Asiria latero kinyoro jotwec ma go omaki wok i Misir gi Ethopiya, mathindho gi madongo, jolawoth kinyoro gi par tiendi gin, ma jok'oumo madeko gin, kelo wickwot kwoŋ Misir.

Isaya 20:6

I ndelo no, ji ma jobedo i thengi nam ma Filistia jolawaco ni, ‘Neni, me a gim'otimere ri jono m'oyido wageno aka waparo ni jolabotho wan kwoŋ kere ma Asiria! To onyo wan, walaboth nedi?’”

Isaya 30:16

To wiwaco ni, Be! Walakwale i wi kayina; riameno wilakwale i wi kayina. To jono ma joriemo win, jolabedo kiri mayil loyo.

Isaya 30:5

kisi dhano je wiye kwot, luwo i ji ma jongoye rijo cwe, ma jokikel kony kosa cwe, to wickwot kodi amien.

Isaya 30:7

Kole kony pa Misir bukony aka nono. Riameno atieko miyo nyinge ni, “Rahab ma bedo liŋ.”

Isaya 36:6

Neni, igeno ni kere ma Misir bino konyin, kedi maluth m'otur no, ma bino cwowo cingi ŋata thenere kwoŋe. Ameno apaka Farawo kere ma Misir nitie ri jono ma jogeno go.”

Isaya 36:9

Wikinyal kiri lweny gi jadhum mathin loyo i Asiria, aka kucel wiparo ni Misir bino dhiro riwin cawilin gi cwo ma jogweyo kayinin!

Isaya 9:17

Am'omiyo Rwoth kisangala gi nyithindho pajo, kosa maki wor gi nyithindho kic gi mon tho. Ato kisi dhano oyido bu Were aka jotimi gimarac, aka kisi dhok dhano luwo miŋo. Kucel nge pa Rwoth fodi k'orumo, aka go fodi orieyo cinge miyo gir'acula.

Yeremia 15:6

Witieko kweran, Rwoth waco, wigik aŋey; ameno atieko rieyo cingan kwoŋ win t'areyo woko win aol gi dwoko nge paran cen.

Yeremia 17:5

Me apaka Rwoth waco: Kwoŋ ri jono ma jogeno nyaka ji to joloko ji meni pajo, joma cuny jo bor gi Rwoth.

Ezekiel 28:2

Wod dhano, wac ri jadhum ma Tire ni, Rwoth Were waco ama: Kwoŋbedo cunyin opoŋ noro, aka iwaco ni, “Abedo were, abedo i kabedo pa werin, i cuny name.” Kucel ibedo nyaka dhano, makiweno were, makada nende ipima paro perin, gi paro pa were.

Ezekiel 28:9

Adieri inowaci kendo ni, “Abedo were.” Ruwaŋ jonek perin, makada nende ibedo nyaka dhano, makiweno were, i cingi jono ma jocwowin?

Amos 2:15

Kiri cwo ma jor'aserin je jok'onyal cungo, aka ŋata tiende yilyil kilabotho kwo pere, kosa ŋata gweyo kayina kilabotho kwo pere.

Matayo 15:14

Weyi riwin jo! Jobedo jotel ma waŋ gin otho; aka ka jathowaŋ acel ama kodo jathowaŋ man, jario je jopodho i bur.”