Isaya 31:2 - KITAWO MALEŊ Catholic

² Kucel Rwoth bende riek aka kelo teko, go kidwoki wac m'oluwo; to, laay malo kwoŋ ot pa joreco, gi jono ma jokonyo joma timo gimarac.

KITAWO MALEŊ

² Kucel Rwoth bende riek aka kelo teko, go kidwoki wac m'oluwo; to, laay malo kwoŋ ot pa joreco, gi jono ma jokonyo joma timo gimarac.

Isaya 31:2 ပူးပေါင်းရင်းမြစ်များ

Yobu 12:13

Rieko gi meni nitie bongi Were, aka mic rieko gi niaŋ nitie bongi go.

Yobu 12:16

Meni gi rieko nitie bongi Were, jotwodo gi ji m'iwondo je jobedo apere.

Yobu 5:13

Go mako jorieko i can pajo wegi, aka nyeko woko mito pajo piyo.

Isaya 1:4

Awi, piny m'opoŋ gi reco, ji mareco pajo pek rijo. Kodhi ma jotimo gimarac, nyithindho ma jodakana, jotieko jwango Rwoth, jotieko cayo Were maleŋ pa Isiraili, jotieko rwenyo kicutho!

Isaya 14:20

Ikilariwere gi jo i yikirok, kwoŋbedo itieko reyo woko lowo perin, ineko ji perin won. Weyi nyikway joreco, wokiri wocwoki nyingi jo kendo!

Isaya 21:17

aka jolweny g'atum abor ma joboth, cwo matek ma Kedar lanoko; kole Rwoth, Were pa Isiraili, otieko luwo.”

Isaya 22:14

Rwoth pa lwak jolweny oluwo m'awinjo gi ithan. Adieri reco me k'ocwaki riwin, cuka winotho, Rwoth pa lwak jolweny waco.

Isaya 28:21

Kole Rwoth laay malo, paka otimo wi got Perazim, kodi i milelo Gibeon; timo tim pere, tim pere ma dhier, kodi timo tic pere, tic pere ma kiniaŋere.

Isaya 28:29

Gime bende wok bongi Rwoth pa lwak jolweny; go jamic rieko ma gir'aura, aka jarieko ma malo swa.

Isaya 30:3

Riameno kikwonga pa Farawo labedo wickwot riwin, aka kabwok i tipo ma Misir labedo teko riwin.

Isaya 30:7

Kole kony pa Misir bukony aka nono. Riameno atieko miyo nyinge ni, “Rahab ma bedo liŋ.”

Isaya 31:3

Jomisir jobedo ji, makiweno Were, kayinin pajo jobedo del, makiweno cuny. Ka Rwoth oriey cinge, jakony lacer, aka ŋat'ikonyo lapodho, aka jolarere kanyacel.

Isaya 32:6

Kole jamiŋo joluwo miŋo, timo kidakana i cunye; timo gima bu Were, luwo twodo kwoŋ Rwoth, weyo kec neko ji, aka thwono joma riyo neko gir'amadha.

Isaya 45:7

Acweyo lero gi mudho, akelo kisangala gi kidamba; An, Rwoth, ma timo gigipiny me je.”

Isaya 9:17

Am'omiyo Rwoth kisangala gi nyithindho pajo, kosa maki wor gi nyithindho kic gi mon tho. Ato kisi dhano oyido bu Were aka jotimi gimarac, aka kisi dhok dhano luwo miŋo. Kucel nge pa Rwoth fodi k'orumo, aka go fodi orieyo cinge miyo gir'acula.

Yeremia 10:12

Obedo Rwoth m'ocweyo piny gi meni pere, go m'ocako piny gi rieko pere, aka gi niaŋ pere to yaro polo.

Yeremia 10:7

Ŋa m'oyido kinyal lworin, awi kere pa nonin? Kole iripo awora. I dier jomariek je ma nonin kodi i kerin pajo je ongoye ŋata cale kodin.

Yeremia 36:32

Kenyo Yeremia okwanyo kitawo man aka omiyo jandiko Baruk wod pa Neria, m'ondik'iye wac je m'oyido nitie i papila ma kere Yehoyakim owaŋo i mac, munyo Yeremia duma, kodi wac man bende ma cal gine.

Ezekiel 29:6

Kenyo ji ma jobedo i Misir je, jolaŋeyo ni An Abedo Rwoth, kwoŋbedo oyido ibedo luth midole, ri ot pa Isiraili.

Amos 3:6

Gwara bende ikutho i tindi madwoŋ, to ji joweyo ma jok'obwok? Teko nyalo podho i tindi madwoŋ, ma Rwoth k'odhiro.

Zefania 3:8

Riameno kuran win, Rwoth waco, ri ndelo m'abino ay paka jakony. Kole ayere coko nonin, ma coko kerin, konjo kwoŋ jo keme paran, lietho ma nge paran je, kole i mac ma nyeko paran, piny gibe larere.

Zekaria 1:6

To wac paran kodi cik paran, m'amiyo or kwoŋe ri ŋecin paran jotuci wac Were, jok'onyalo kwarere mewin? Ameno wegi joŋuto to jowaco ama: Paka Rwoth pa lwak jolweny oyido ocano timo riwan, luwo kwoŋ yo mawan kodi tim mawan, ameno apaka go otiyo gi wan.

Kwan 10:35

Kisi hongo ka otiŋ malo Kakan ma Cikirok, Musa oyido waco ni, “Ay malo, Awi Rwoth, weyi jokwor perin jowokedhere, aka jokwor perin jowoŋweci ruwaŋin.”

Kwan 23:19

Were k'obedo dhano, ma go nyalo twodo, kosa wod dhano, ma go owir paro pere. Ka go otieko waco, kilatimo? Ka go otieko luwo, kilaketho i kare?

Matayo 24:35

Polo gi piny bino rere woko, to wac paran k'orere woko.

Joroma 16:27

Ri Were manitie acel kende mariek, luwo i Yesu Kristo, dwoŋ wobedi rigo cil gi cil. Ameno.

Yosuwa 23:15

To paka gigipiny je mabeyo ma Rwoth Were mewin ociko ma mako win otieko tundo i kare riwin, onyo Rwoth lakelo kwoŋ win gigipiny mareco je, cuka otiek reyo win woko i lowo maber me ma Rwoth Were mewin otieko miyo win.

Yuda 1:25

ri Were ma Jaboth mawan acel kende: Wor, dwoŋ, meni, kodi dhum wobedi rigo, i ndir m'okadho, ma pama, kodi ma cil gi cil, i Yesu Kristo. Ameno.

1 Samwiri 2:3

Bol win kwoto gi delok mewin gicen; wikiri wiluw gi gero. Kole Rwoth obedo Were ma jaŋeyo, aka go thumo banja ri kisi nyatoro wok i tim.