Isaya 30:9 - KITAWO MALEŊ Catholic

⁹ Kole jobedo ji ma jogwenyere, nyithindho ma jotwodo, nyithindho ma jokiwinji, cik pa Rwoth;

KITAWO MALEŊ

⁹ Kole jobedo ji ma jogwenyere, nyithindho ma jotwodo, nyithindho ma jokiwinji, cik pa Rwoth;

Isaya 30:9 ပူးပေါင်းရင်းမြစ်များ

2 Kigana kwoŋ Kerin 33:10

Rwoth oluwo gi Manase kodi ji pere to jok'owinjo.

Zabuli 78:8

aka ŋey jokiri jowocal gi kwarere pajo, ji ma wiy gin tek gi luse ma jogwenyirok, luse ma adundo pajo oyido k'oridhere, ma cuny gin oyido k'ogeno Were.

Zabuli 81:12

Ameno aweyo jo luwo yo pajo ma wictek, gi timo gima joyenyo.

Agecin 28:9

Ka dhano kiwinji cik, kiri kwayo pere obedo amien.

Isaya 1:10

Winji win wac pa Rwoth, awi jotel ma Sodom! Ciki ithi win ri fonji pa Were mawan awi ji ma Gomora!

Isaya 1:2

Winji, awi polo, ciki ithin, awi piny, kole Rwoth otieko luwo. Nyithindho m'apidho t'adongo, jogwenyere kwoŋan.

Isaya 1:4

Awi, piny m'opoŋ gi reco, ji mareco pajo pek rijo. Kodhi ma jotimo gimarac, nyithindho ma jodakana, jotieko jwango Rwoth, jotieko cayo Were maleŋ pa Isiraili, jotieko rwenyo kicutho!

Isaya 10:5

Awi Asiria, luth ma nge paran, Rwoth waco, abiro ma cingi jo obedo keme paran!

Isaya 10:6

Aoro Asiria monjo piny ma bu Were, amiyo go or kwoŋ ji ma jomiyan nge, kinyaga gi kwalo, gi nyono jo piny paka cwodho ma royo.

Isaya 24:5

Piny oduwere, i cingi ji ma jobed'iye, joturo cik, jok'oluwo fonji, joturo cikirok m'oyido ripo bedo cil gi cil.

Isaya 28:15

Kwoŋbedo witieko waco ni, “Watieko timo cikirok gi tho, watieko yerok gi piny pa jom'otho, ka goco ma teko oluwi, kilatundo bongi wan, kole watieko loko gima k'adieri kapondo mawan, gi twodo kabwok mawan.”

Isaya 30:1

Kidamba ri nyithindho ma jogwenyere, Rwoth waco, ma jotimo can ma k'obedo aparan, ma jotimo cikirok, to k'owoki bongi cuny paran, medo reco i wi reco.

Isaya 48:4

Rupiri oyido aŋeyo ni wijowictek, cuny win tek paka nyweny, aka wikitoy paka ywel.

Isaya 5:24

Riameno, paka lew mac reyo woko kanja, aka paka lum m'othwo munyere piny i mac maliel, ameno apaka fuc pajo latop, aka thiw joladuny paka fukefuke. Ato jokwero cik pa Rwoth pa lwak jolweny, aka jotieko cayo wac pa Were Maleŋ pa Isiraili.

Isaya 63:8

Kole go owaco ni, adieri jobedo ji paran, nyithindho ma jokinyal wondan, to go lokere jaboth pajo.

Isaya 65:2

Arieyo cingan ndelo gipi, ri ji ma jogwenyere, ma jowotho i yo ma kiber, joluwo rieko pajo wegi.

Yeremia 35:14

Yonadab owodho or ri nyikway Rekab nike jokiri jowomadhi vini, aka jokimedhi kiri konon me, kwoŋbedo jowinjo or pa kwari jo. To an won atieko luwo gi win mar'amen aka wikiwinjan.

Yeremia 7:13

Aka onyo, kwoŋbedo witieko timo gigipiny me je, Rwoth waco, munyo aluwo gi win g'amen, wikwero winjo, aka munyo alwoŋo win, wikidwoko.

Yeremia 7:28

Ilawaco rijo ni: Me nono ma jokwero winjo dwondi Rwoth Were pajo, aka jokwero winjo fonji; adieri ongoye kwoŋ jo; otiek kwanyo woko wok i dhok jo.

Yeremia 9:3

Jodolo lew gin paka asere; jotieko dongo matek i piny ma twodo, makiweno adieri; kole jomedere wok i gimarac tundo i gimarac, aka jokuya an, Rwoth waco.

Ezekiel 24:3

Waci ageca me ri ji paran ma jogwenyirok aka iwaci rijo ni, Rwoth Were waco ama: Jengi dak i mac, aka ikonji pi i iye bende.

Hoseya 4:2

Nitie kwoŋirok, twodo, kodi nek, aka kwo gi cot cakere; oyo remo medere ameda.

Zefania 3:2

Go k'owinjo dwondi Rwoth, go k'oyeyo wotir go, go k'oketho geno pere i Rwoth, go k'ocore cegin gi Were pere.

Tim pa Jomoor 7:51

“Wiy win tek swa! Dwoŋ thumirok ongoye i cuny win kodi i ithi win. Wicale kwarere mewin; wibende noknok wipiemo gi Cuny Maleŋ!

Kitawo mar'abic mapa Musa m'ilwoŋo ni Cik 32:20

Go owaco ni: Alapano waŋan kwoŋ jo, Alaneno gima gike pajo obedi; kole jobedo luse m'orwenyo, nyithindho m'adieri kinwaŋere i jo.

Menyirok ri Yohana 21:8

To joma lwor, joma jok'oyeyo, joreco, jonek, jocot, jothieth gi yido, joma lamo cal makicar, kodi jotwodo je, kabedo pajo bino bedo wakawaka mac ma waŋ gi telin ma wodho mac kibiriti, m'obedo tho mar'ario.”

Menyirok ri Yohana 22:15

To woko koro nitie gwokere kodi jothieth, jocot kodi jonek, joma lamo cal makicar, kodi jotwodo je, i wac kodi i kwo pajo