Isaya 30:30 - KITAWO MALEŊ Catholic

³⁰ Rwoth lamiyo dwoŋ ma dwondi go wowinji, aka ilaneno cinge oloro ma goco, i nge mager kodi mac ma reyo woko jo, gi mwoc koth kodi cwe pe.

KITAWO MALEŊ

³⁰ Rwoth lamiyo dwoŋ ma dwondi go wowinji, aka ilaneno cinge oloro ma goco, i nge mager kodi mac ma reyo woko jo, gi mwoc koth kodi cwe pe.

Isaya 30:30 ပူးပေါင်းရင်းမြစ်များ

Yobu 38:22

Itieko ye donjo i kakan ma tor, kosa itieko neno kakan ma pe?

Yobu 38:23

Akano jo ri hongo ma teko, ri ndelo ma lweny gi gorok.

Yobu 40:9

Cingin cal gi cingi Were, aka dwondin bende nitie derino paka apere?

Zabuli 2:5

Kenyo Rwoth luwo gi jo i keme pere aka bwoko jo gi nge pere.

Zabuli 46:6

Nonin jobwok, kerin joyengere; Were mor, aka piny leny.

Zabuli 98:1

Wer ri Rwoth wer manyen, kole otimo gir'aura! Cinge maracuc gi cinge maleŋ, omiyo go loyo.

Kitawo mar'ario mapa Musa m'ilwoŋo ni Wok 15:16

Jopoŋ gi lworo aka jokirin. Joneno meni perin, a Rwoth, aka jocungo m'ongoye kony gi lworo cuka ji perin joŋanjo jokadho, ji ma ibotho bedo ŋecin.

Kitawo mar'ario mapa Musa m'ilwoŋo ni Wok 9:23

Kenyo Musa orieyo luth pere yupolo, aka Rwoth odhiro mwoc koth, pe, aka lithkoth ogoyo piny. Rwoth odhiro

Kitawo mar'ario mapa Musa m'ilwoŋo ni Wok 9:24

pe mapek gi lithkoth ma kicoki. Manago obedo pe m'oyido fodi k'ocwe i Misir wok con.

Isaya 10:16

Riameno Rwoth pa lwak jolweny, ladhiro two kwoŋ jolweny pere ma jokor gin, aka dwoŋ pere laliel paka liel pa mac.

Isaya 10:26

Rwoth pa lwak jolweny lacwado jo gi luth pere paka i hongo m'ocwad'iye ji ma Midian i got ma Oreb. Aka luth pere ma nyweny labedo i wi nam, aka latiŋo malo paka otimo i Misir.

Isaya 10:5

Awi Asiria, luth ma nge paran, Rwoth waco, abiro ma cingi jo obedo keme paran!

Isaya 28:2

Neni, Rwoth nigi jameni aka tek; paka asur pe, ma reyo woko ŋawirok, paka asur matek, paka pi ma poŋ de oy; go laredho jo piny gi cinge.

Isaya 29:6

Rwoth pa lwak jolweny lawendo rin, gi mwoc koth kodi yengirok pa piny kodi woy madwoŋ, g'asur kodi mac ma reyo woko.

Isaya 30:29

Wilawero paka witimo wor ma kalima maleŋ, aka cuny win lakisangala paka ŋata wotho gi milowe ka kadho wi got pa Rwoth, Tele pa Isiraili.

Isaya 30:31

Joasiria jolabwok ka jowinji dwondi Rwoth to joneno go ka gore gi luth pere ma nyweny.

Isaya 31:4

Kole Rwoth otieko waco ran ni, paka simbwor kosa nyathi mere hola kwoŋ cemo pere, aka makada nende jokwath rombo ma jotemo kikwonga rombo jokoki nedi, kibwoki ro koko pajo, kosa bwonere ro woy pajo; ameno apaka Rwoth pa lwak jolweny laloro piny, lweny wi Got Zayon gi i wi tendere mere.

Isaya 32:19

Lul gi tindi madwoŋ, jolapodho kicutho.

Isaya 33:14

Joreco i Zayon jobwok, ji ma bu Were jokirin. Jowaco ni, “Ŋa i dier wan manyalo bedo kanyacel gi mac ma reyo jo? Ŋa i dier wan manyalo bedo kanyacel gi mac makitho cil gi cil?”

Isaya 4:6

Labedo tipo ma bwok kwoŋ lietho m'odieceŋ, kapondo gi kabwok kwoŋ asur gi koth.

Isaya 51:9

Cew, cew, ruk meni, Awi cingi Rwoth, cew paka ndelo macene, ri luse ji ma cango con! Iŋati cango ikitoŋo Rahab mathindho thindho, iŋat'ikicwowo bulir?

Isaya 52:10

Rwoth otieko rieyo bade maleŋ, ruwaŋ nonin je, aka tielo je ma piny laneno, both pa Were mawan.

Isaya 62:8

Rwoth otieko kwoŋere gi cinge maracuc, gi bade ma meni ni, “Ak'omiy kendo ŋano mewin, wobedi cemo ri jokwor mewin, aka jokicar jokilamadho vini mewin, ma witieko oyo rigo kwok.

Isaya 66:15

Kole Rwoth labino gi mac, gi cawilin pere ma cal asur, go lamiyo jokwor pere, gir'acula gi mac.

Isaya 66:16

Kole Rwoth lakelo tiro g'abor pere, go laneko ji kweth ma jonwaŋere ni jobanja aka ji kweth jolatho.

Yeremia 25:32

Rwoth pa lwak jolweny waco ama: Eno teko bino wok i nono tundo i nono, aka koyo madwoŋ cokere wok i witum ma piny.

Ezekiel 10:5

Derino ma bwombi kerubim owinjere i diedipo ma woko, paka dwondi Were Majameni je ka luwo.

Ezekiel 13:13

“Riameno, Rwoth Were waco ama: I keme paran aladhiro koyo matek, aka i nge paran labedo koth madwoŋ swa, aka i gero paran pe lareyo woko kicutho.

Yowel 2:5

Paka derino pa cawilin, josala wi gote, paka derino pa mac, ma waŋo woko kanja, paka ji ma jomeni m'ocan jo ri lweny.

Amos 1:14

Ameno abino dhiro mac i kor ot ma tindi madwoŋ Raba, aka bino reyo kapondo pere. Kenyo bino bedo koko i ndelo ma lweny, lweny bino bedo malieth p'asur.

Mika 1:4

Aka gote jobino leny i ŋange p'odok manitie i mac; jobino oy piny i milelo, paka pi oy piny wok i wi tendere.

Matayo 24:7

Kole nono bino lwenyo gi nono man, to ker acel lwenyo gi ker man, aka kec bino bedo kodi yengirok pa piny i kabedo m'omore;

Luka 1:51

Go orieyo cinge ma nyutho meni pere, aka otieko kedho woko joma pakere i paro ma cuny jo.

2 Jothesalonika 1:8

gi mac maliel, ma miyo joma kuya Were kodi joma kiwinji Wac Manyen Maber mapa Rwoth Yesu gir'acula.

Yosuwa 10:10

To Rwoth bolo jo i kirin ruwaŋ Isiraili, to neko jo gi yaŋ madwoŋ i Gibeon, to riemo jo i royo ma loro ma Bethhoron, to rwadho jo piny tundo kiri Azeka kodi Makeda.

Yosuwa 10:11

Aka munyo oyido joringo ruwaŋ Isiraili, munyo oyido joloro piny i kamaloro ma Bethhoron, to Rwoth dwiro piny telin madongo wok i polo kwoŋ jo tundo kiri Azeka, to jotho; nitie megi m'oromo ma jotho ro pe loyo ji meno ma Isiraili m'oneki jo g'abor.

Menyirok ri Yohana 1:15

tiende oyido pilin pa nyweny m'onyel i kendo malieth, aka dwonde oyido cale derino ma gorok pa pi i nam.

Menyirok ri Yohana 11:19

Ot pa Were ma polo oyido oyaw to sanduku ma cikirok nener'iye. Gikenyo pilin pa lithkoth, derino, mwoc pa koth, yengirok pa piny, kodi pe m'oasere otimere.

1 Samwiri 7:10

To munyo nyaka Samwiri miyo cowirok awaŋa no, Jofilistia jocore cegin monjo Joisiraili; to Rwoth mor gi dwonde ma meni wok i polo kwoŋ jo to jonywowere; aka Were omiyo Jofilistia ringo.