Isaya 30:22 - KITAWO MALEŊ Catholic

²² Kenyo wilakwanyo cal mewin m'oum gi feza kodi zahabu to wibolo woko paka oselo ma dhako oro ka ruko dwe, aka wilawaco ni, “Wikoci.”

KITAWO MALEŊ

²² Kenyo wilakwanyo cal mewin m'oum gi feza kodi zahabu to wibolo woko paka oselo ma dhako oro ka ruko dwe, aka wilawaco ni, “Wikoci.”

Isaya 30:22 ပူးပေါင်းရင်းမြစ်များ

2 Kigana kwoŋ Kerin 31:1

Munyo kalima orumo, ji je ma Isiraili jokidho i kisi tindi madwoŋ i Yuda to joturo sirin ma telin, jotoŋo piny cal pa were madhako Asera, to joreyo migame kodi kabedo ma lamo manyakafir. Jotimo gimoro acel no i Yuda paka rom, iy'adec pa Benyamin, Efrayim kodi Manase; nyaka to joje jodok peco.

Isaya 27:9

Riameno, gi gime ilaumo reco pa Yakobo, me labedo ranyak m'opoŋ ma kwanyo woko reco pere, ka go oloko telin je ma migam, paka coka m'oŋiny mathindho thindho, m'ongoye migam pa were madhako Asera kosa ma buban m'odoŋ.

Isaya 31:7

Kole i ndelo no wilabolo woko cal mewin je ma feza gi zahabu ma cingi win m'opoŋ reco am'otimo riwin.

Isaya 40:19

Cal, jatic ama timo, aka jathedhi nyweny ama umo gi zahabu, to timo rigo lijegere ma feza.

Isaya 46:6

Ji joyawo mugowa pesa pajo aka jokonjo zahabu, jopima feza i kilo. Jopangisa jandijo timo rijo were, aka jokule piny lamo.

Ywakirok 1:17

Zayon oyaro cinge, to ongoye ŋat'okwey cunye, Rwoth oyeko wodho or kwoŋ Yakobo, nike joger pere jolokere jokwor pere, Yerusalem otieko lokere, gimakoc i dier jo.

Ezekiel 14:6

“Riameno wac ri Joisiraili ni, Rwoth Were waco ama: Ŋuti win aka wire win woko kwoŋ lamo cal mewin, wire win wiwey como waŋ win kwoŋ amien mewin je.”

Ezekiel 18:6

kicam cemo m'ocowere gine wi gote, aka kitiŋi waŋe malo lamo cal ma ot pa Isiraili. Go kiweci gi cipa jacwo man kosa kinindi gi dhako ka ruko dwe.

Ezekiel 36:31

Kenyo wibino poyo tim mewin marac, gi gigipiny ma witimo ma k'ober; to wijok wiwegi ro reco mewin kodi tim mewin mar'amien.

Ezekiel 7:19

Jolawito feza pajo i royo, zahabu pajo lalokere gimakoc. Feza pajo kodi zahabu k'onyal konyo jo, i ndelo ma keme pa Rwoth. Jok'oyeŋ kec pajo, aka iy jo k'opoŋ, kwoŋbedo jolokere gi timo reco pajo.

Ezekiel 7:20

Wok i ŋono ma thiwino pajo, jotimo gi noro, wok i cal mar'amien pajo, jotimo gine gim'adak, riameno alaloko rijo gimakoc.

Hoseya 14:8

Efrayim lapenjere ni, aŋo man kendo m'alatimo gi cal? An aŋat'adwokin t'akurin. Acalo yath ma boke mere kioy; silwany mewin wok bongan.

Jolevi 13:52

Go bino waŋo nanga, obedi ni two nitie kam'odole, gima nyayer rombo kosa law, kosa i gimoro je m'otimi gi pien, obedo dhowo ma nyay, iripo waŋo i mac.

Zekaria 13:2

I ndelo no, Rwoth pa lwak jolweny waco, alakwanyo woko nyingi calin wok i piny, aka kilapoyo jo kendo. Alamiyo jotuci wac were kodi cuny m'ocido ngoye woko i piny.

Matayo 4:10

Gikenyo Yesu odwoko ni, “Eye bongan Sitan! Ondiki ni, ‘Lami Rwoth Were perin aka itiy rigo won kende.’ ”

Kitawo mar'abic mapa Musa m'ilwoŋo ni Cik 7:25

Cal ma werin pajo wiwaŋ woko gi mac. Wikiri wiwanya feza kosa zahabu manitie kwoŋ jo ma doŋ gine, kwoŋbedo labedo riwin bwo, kole obedo amien ri Rwoth Were mewin.

Menyirok ri Yohana 19:20

To omako ogwaŋ no, kanyacel kodi jatuci wac Were ma twodo m'oyido jotimo gir'aura rigo. (Gir'aura no ama go owondo gine ji m'onwaŋo jonitie gi ranyuth p'ogwaŋ no to jolamo cal p'ogwaŋ no.) Ogwaŋ no kodi jotuci wac Were ma twodo je obol jo makwo i wakawaka ma mac kodi telin ma gamo mac mayot pa kibiriti.