Isaya 30:12 - KITAWO MALEŊ Catholic

¹² Riameno Were maleŋ pa Isiraili waco ama: Kwoŋbedo witieko kwero wac me, aka witieko ketho geno iy'akaka gi twodo, aka wigoŋere kwoŋe.

KITAWO MALEŊ

¹² Riameno Were maleŋ pa Isiraili waco ama: Kwoŋbedo witieko kwero wac me, aka witieko ketho geno iy'akaka gi twodo, aka wigoŋere kwoŋe.

Isaya 30:12 ပူးပေါင်းရင်းမြစ်များ

Zabuli 52:7

“Neni jal m'okwero Were bedo kapondo pere, to geno ŋaŋo pere madwoŋ, opondo i lim pere!”

Zabuli 62:10

Ikir'ikethi geno iy'akaka, ikir'ikethi geno m'ongoye i kwo; ka ŋaŋo omedere, ikir'ikethi cunyin kwoŋe.

Agecin 24:2

Kole timo teko kende ama joparo kwoŋe, aka dhok jo luwo can marac kende.

Isaya 26:21

Kole Rwoth bino wok i kabedo pere, miyo ji ma piny gir'acula ro reco pajo, piny laŋulo remo m'ooy i iye, aka kilaumo kendo jom'onek jo.

Isaya 28:15

Kwoŋbedo witieko waco ni, “Watieko timo cikirok gi tho, watieko yerok gi piny pa jom'otho, ka goco ma teko oluwi, kilatundo bongi wan, kole watieko loko gima k'adieri kapondo mawan, gi twodo kabwok mawan.”

Isaya 3:14

Rwoth bino ri thumo banja, gi jodongo kodi jodhum pa ji pere. Win wiŋati winyaga ndelo vini, udi mewin opoŋ gigipiny pa jocandi.

Isaya 3:15

Winyutho aŋo ka wiŋinyo ji paran, ka wirego nyim jocandi? Rwoth pa lwak jolweny waco.

Isaya 30:1

Kidamba ri nyithindho ma jogwenyere, Rwoth waco, ma jotimo can ma k'obedo aparan, ma jotimo cikirok, to k'owoki bongi cuny paran, medo reco i wi reco.

Isaya 30:7

Kole kony pa Misir bukony aka nono. Riameno atieko miyo nyinge ni, “Rahab ma bedo liŋ.”

Isaya 47:10

Iwinjo m'okwe i kidakana perin, t'iwaco ni, ongoye ŋata nenan. Rieko perin gi ŋeyo perin, orweyin woko, t'iwaco i cunyin ni, obedo an won kende, aka ongoye ŋatiman kendo.

Isaya 5:24

Riameno, paka lew mac reyo woko kanja, aka paka lum m'othwo munyere piny i mac maliel, ameno apaka fuc pajo latop, aka thiw joladuny paka fukefuke. Ato jokwero cik pa Rwoth pa lwak jolweny, aka jotieko cayo wac pa Were Maleŋ pa Isiraili.

Isaya 5:7

Kole ndelo vini pa Rwoth pa lwak jolweny, obedo ot pa Isiraili, aka ji ma Yuda, jobedo yen vini ma go pidho gi kisangala. Go oyido mito tiro, to oneno jooyo remo! Go oyido mito jowotimi gim'otire, to owinjo ywak pa ji!

Isaya 59:13

Wagwenyere to wakwedere kwoŋ Rwoth, aka wakwero luwo Were mawan. Waluwo wac mar'adica gi ma gwenyirok, waere gi wac ma twodo aka watuco jo wok iy'adundin mawan.

Isaya 59:4

Ongoye ŋata donjo i kapido g'adieri, aka wiluwo twodo i kapido; wigoŋere kwoŋ ywakirok ma twodo, joluwo twodo, witimo can mewin ma miyo joman litho.

Isaya 7:9

Wic Isiraili obedo Samaria, aka wic Samaria obedo wod pa Remalia. K'ikicungo matek i yeyo, ik'ocungi kada mathin.

Isaya 8:6

“Kwoŋbedo ji me jokwero pi ma wok i milelo Silowa ma mol moth, aka jokirin gi lworo ruwaŋ Rezin gi wod Remalia;

Yeremia 13:25

Me a gima latimere riwin, me a adec m'atieko kipima riwin, Rwoth waco, kwoŋbedo wiy win owil kodan to wigeno twodo.

Amos 2:4

Me apaka Rwoth waco: Ji ma Yuda jomedere timo reco kendo, aka ro gime, akibino wiro gir'acula pajo, rupiri jokwero cik pa Rwoth, aka jok'oluwo or pere. To twodo pajo omiyo jo rwenyo, ka jolamo werin makicar paka kwarere pajo.

Luka 10:16

Yesu owaco ri jofonjirok pere ni, “Ŋata winjo win, meno winjan; ŋata kwero win meno kweran; aka ŋata kweran, meno kwero Ŋat'ooran.”

1 Jothesalonika 4:8

Am'omiyo, ŋata kwero fonji me kikwer wac pa dhano, to kwero Were won, ma miyo win Cuny Maleŋ pere.