Isaya 29:9 - KITAWO MALEŊ Catholic

⁹ Miŋere win aka bedi win mamiŋ, rwenyi win aka weyi waŋ win wotho! Mer win, to ki gi vini; tangatanga win, to ki gi medho matek!

KITAWO MALEŊ

⁹ Miŋere win aka bedi win mamiŋ, rwenyi win aka weyi waŋ win wotho! Mer win, to ki gi vini; tangatanga win, to ki gi medho matek!

Isaya 29:9 ပူးပေါင်းရင်းမြစ်များ

Isaya 1:2

Winji, awi polo, ciki ithin, awi piny, kole Rwoth otieko luwo. Nyithindho m'apidho t'adongo, jogwenyere kwoŋan.

Isaya 19:14

Rwoth otieko konjo kwoŋ jo, cuny ma nywowirok, aka jomiyo Misir kimudamuda i gima timo je, paka jamero tangatanga i ŋok pere.

Isaya 29:1

Kidamba ri Ariel, kidamba ri Ariel! Tindi madwoŋ kama Daudi oketh'iye kambi, oro gi oro timo kalima thoko.

Isaya 29:10

Kole Rwoth okonjo kwoŋ win cuny ma nindo, go oumo waŋ win, jotuci wac Were, to umo wiy win, win ma wineno gima latimere yuwiye.

Isaya 49:26

Alamiyo jono ma jodiyin camo delkwoŋ jo, aka jolamer gi remo pajo paka jomer gi vini. Kenyo ji je jolaŋeyo ni, Abedo Rwoth, Jaboth perin, aka Jagony perin, Jameni pa Yakobo.

Isaya 51:17

Cew, cew! Ay malo, awi Yerusalem, witieko madho i cingi Rwoth, kikopo ma keme pere, witieko madho to wiloko thiŋ, acero m'omiyo win kitangatanga.

Isaya 56:10

Jokur pa Isiraili waŋin otho joje jongoye gi ŋeyo; joje jobedo gwokere m'obadha, ma jokinyal gwe, jomaro swa rierok piny gi lek, jomaro swa nur.

Isaya 6:10

“Loki paro pa ji mamiŋ, cul ithi gin, neki waŋ gin, ŋey jokiri jowoneni gi waŋ gin, jokiri jowowinji gi ithi gin, aka jokiri jowoniaŋ gi paro pajo, aka jowire wobothi jo.”

Isaya 63:6

Anyono ji piny i nge paran, amero jo i keme paran, aka akonjo remo ma kwo pajo piny.

Yeremia 13:13

Kenyo ibino dwoko jo ni: Rwoth waco ama: “Acegin poŋo joma bedo i piny me je, kerin ma jobedo i kom ma dhum pa Daudi, jocway ri Were i wi migam, jotuci wac Were, kodi joma bedo i Yerusalem je gi mero.

Yeremia 2:12

Dhier win, awi polo, kwoŋ gime, bwoki, aka wijwangere makicutho, Rwoth waco.

Yeremia 23:9

Ma mako kwoŋ jotuci wac Were: Adundo paran oŋidhere woko, aka cokin paran yengere; alokere paka jamero, paka ŋat'omer gi vini, kwoŋbedo Rwoth kodi kwoŋbedo wac pere maleŋ.

Yeremia 25:27

Kenyo to Rwoth waco ran ama: Waci ri ji ni Rwoth pa lwak jolweny, Were pa Isiraili waco ama: Medhi win, mer win to wiŋok. Podhi win piny to meni loyo win ma ay, kwoŋbedo abor m'adhiro i dier win.

Yeremia 4:9

I ndelo no, Rwoth waco, miseni bino loyo kere kodi jotel; jocway ri Were i wi migam jolabwok to jotuci wac Were jodhier.

Yeremia 51:7

Babilon oyido cal kikopo ma zahabu i cingi Rwoth, m'amiyo piny gipi mer. Nonin jomadho vini mere, riameno jotimere paka joneko.

Ywakirok 4:21

Siemere, aka sangala, Awi ji ma Edom, win ma wibedo i lowo ma Uz, to teko mewin bende bino, win bende wilamero to wilunyere kinyoro.

Habakuk 1:5

Ŋiy win nonin, aka winen, wilauro to widhier, kole gim'acegin timo i hongo mewin, wikilayeyo kabedi nende oyido wac rin.

Matayo 26:45

Gikenyo go ogik bongi jofonjirok pere, to waco ni, “fodi winindo aninda wiywomere? Hongo onyo otundo m'ibino cam'iye ri Wod Dhano sereko t'ibolo go i cingi joreco.

Mariko 14:41

Munyo odwoko mar'adek owaco rijo ni, “fodi winindo, wiywomere? Meno oromo; hongo otundo; Wod Dhano onyo pama ikidho ketho i cingi joreco.

Menyirok ri Yohana 17:6

Aka aneno ni dhako no oyido omer gi remo pa ji maleŋ pa Were, kodi remo pa jom'onek rupiri jocwire kwoŋ Yesu. Munyo aneno go, adhier swa.