Isaya 26:11 - KITAWO MALEŊ Catholic

¹¹ Awi Rwoth, cingin otiŋere malo, to jokinen. Weyi jowoneni miyirok perin ri ji perin, aka wickwot womaki jo. Weyi mac pa jokwor perin worey woko jo.

KITAWO MALEŊ

¹¹ Awi Rwoth, cingin otiŋere malo, to jokinen. Weyi jowoneni miyirok perin ri ji perin, aka wickwot womaki jo. Weyi mac pa jokwor perin worey woko jo.

Isaya 26:11 ပူးပေါင်းရင်းမြစ်များ

Yobu 34:27

Kwoŋbedo joweyo luwo go, aka jokwero yo pere je.

Zabuli 10:12

Ay, Awi Rwoth, Were imiy jokidakana gir'acula! Poyi jono ma jocandere.

Zabuli 21:8

Kere bino mako jokwor pere je, go bino mako ji je ma jodak go.

Zabuli 28:5

Jokidew kwoŋ gima Rwoth otieko timo, kosa gima Rwoth ocweyo, ameno go bino miyo jo gir'acula to reyo jo kicutho.

Zabuli 78:63

Mac omwonyo yac pajo, to nyir pajo jongoye gi wer ma nywomirok.

Zabuli 86:17

Nyuthan ranyuth ma ŋono perin, ŋey jono ma jodakan jowoneni to jobedo giwickwot, ka joneni ni Rwoth okweyo cunyan to konyan.

Kitawo mar'ario mapa Musa m'ilwoŋo ni Wok 9:14

Kole rume, aladhiro thoyamo paran kwoŋin, jodhum perin kodi ji perin, ŋey inyal ŋeyo nike ongoye ŋata cale an i piny gibe.

Isaya 1:31

Jameni lalokere ŋat'iywayo, aka tic pere cuk mac ma cot, jolawaŋ kanyacel gi tic pajo, m'ongoye ŋata nyalo neko.

Isaya 10:16

Riameno Rwoth pa lwak jolweny, ladhiro two kwoŋ jolweny pere ma jokor gin, aka dwoŋ pere laliel paka liel pa mac.

Isaya 10:17

Were, lero pa Isiraili labedo paka mac, Were maleŋ pa Isiraili labedo paka mac, ma laliel to reyo woko, kudhin gi okure i ndelo acel.

Isaya 11:13

Nyeko pa Efrayim larumo, aka jono ma jotero Yuda gi gwayo ilakwanyo woko, Efrayim kilamako nyeko gi Yuda, aka Yuda kilatero Efrayim gi gwayo.

Isaya 18:3

Awi, ji je ma piny gibe, win ma wibedo i piny, k'otiŋ malo ranyuth wi gote, neni win! K'okudhi gwara, winji!

Isaya 37:32

Kole bino bedo ji ma jobino both i Yerusalem gi Got Zayon kwoŋbedo Rwoth omiyere miyo gime timirok.”

Isaya 42:13

Rwoth telo paka siragama, paka dhano ma jalweny, go tugila nge pere, go ywak, go koko malo, go nyutho meni pere kwoŋ jokwor pere.

Isaya 44:18

Jokuya, jokiniaŋ; kole waŋ jo ocule, ŋey jokiri jowoneni, gi paro pajo je, ŋey jokiri jowoniaŋ.

Isaya 44:9

Jono ma jotimo cal makicar jongoye kony, aka gigipiny ma joyodere gine ongoye magowa; jokony pajo jokinen kendo jokuya, ni inyalo ketho jo i wickwot.

Isaya 5:24

Riameno, paka lew mac reyo woko kanja, aka paka lum m'othwo munyere piny i mac maliel, ameno apaka fuc pajo latop, aka thiw joladuny paka fukefuke. Ato jokwero cik pa Rwoth pa lwak jolweny, aka jotieko cayo wac pa Were Maleŋ pa Isiraili.

Isaya 59:17

Oruko tiro paka kwot ma lweny, gi both paka junga i wiye, to ruko nangin ma culo kwor, to boyere i nge paŋini del m'itwere gine.

Isaya 60:14

Nyikway jono ma cango jodiyin jolabino bwonirok ruwaŋin, aka jono ma jocayin, jolaguro rin congi gin. Jolalwoŋin Tindi madwoŋ pa Rwoth, Zayon, tindi madwoŋ pa Were ma Leŋ pa Isiraili.

Isaya 63:15

Ŋiy piny wok i polo, ineni, wok i kabedo perin maleŋ aka didwoŋ. Nikune kinen perin gi meni perin? Mito mar'adundo perin gi wor perin opanere kwoŋan.

Isaya 66:15

Kole Rwoth labino gi mac, gi cawilin pere ma cal asur, go lamiyo jokwor pere, gir'acula gi mac.

Isaya 66:24

Aka ka jowok dok, jolaneno delkwoŋ ji ma jogwenyere kwoŋan. Kudin ma jocamo jo jokilatho, aka mac ma waŋo jokilaneko. Ji jokilamito kiri neno jo.

Isaya 66:5

Winji win wac pa Rwoth, win ma wikirin i wac pere. Wutmin win ma jodak win, aka jobolo win woko ro nyingan, jowaco ni, “Weyi Rwoth omiy dwoŋ, ŋey wanyal neno kisangala perin” To jo am'ila ketho jo i wickwot.

Isaya 9:18

Kole kidakana liel paka mac, aka waŋo okure gi kudhin, paka lul m'otwere maliel, aka dunyo malo siro yiro.

Isaya 9:19

Gi keme pa Rwoth pa lwak jolweny piny waŋ, ji jocale paka mo ri mac, aka ongoye ŋata botho nyawote.

Isaya 9:7

Dhum pere k'orumi, aka siem labedo cil gi cil, i wi kom ma dhum pa Daudi gi ker pere, cako gi mako matek, gi tiro kodi timo gim'otire, wok i hongo me kadho yuwaŋe aka cil gi cil. Rwoth pa lwak jolweny omiyere timo gime.

Yeremia 44:28

Jono ma joboth abor joladok wok i piny Misir kidho i piny Yuda, manok i welo, aka ji ma jodoŋ i Yuda ma jobino bedo i piny Misir jolaŋeyo nike wac pa ŋa maloyo, aparan kosa apajo!

Yeremia 5:3

Awi Rwoth, waŋin kinen adieri? Itieko rwadho piny jo, to jok'owinjo litho; itieko neko jo, to jok'owinjo fonji. Jotieko loko waŋ jo matek loyo tele; jokwero ŋuto.

Mika 5:9

Isiraili bino mako jokwor pere, to reyo woko joje.

Mika 7:10

Kenyo jakwor paran bino neno, aka wickwot bino umo ŋat'openjan ni, “Nikune Rwoth Were perin?” Waŋan bino neno jakwor paran, onyo ibino nyono go piny, pa cwodho ma ngudo.

Mika 7:16

Nonin jobino neno gime aka wiy gin bino kwot, makada nende jonitie gi meni; jobino umo dhok gin to ithi gin tho.

Malaki 4:1

Rwoth pa lwak jolweny waco ama: Kole neni, ndelo bino, ma jonoro je gi joreco jobino liel pa kanja. I ndelo no jobino liel woko, aka ongoye gima bino doŋ kwoŋ jo.

Matayo 25:41

Gikenyo go bino waco ri joma nitie yuracam pere ni, ‘Eye win bothan jom'olam, kendo donji win i mac makitho m'oyik, ri jwogi kodi jomalaika pere.

Luka 16:23

Munyo go oyido nitie i litho madwoŋ swa i piny pa jom'otho, otiŋo waŋe malo to neno Abraham gi bor koro, kodi Lazaro kabute.

Tim pa Jomoor 28:27

Kwoŋbedo paro pa jome olokere mafol. Jotieko culo ithi gin, to jomiyo waŋ gin. Bedi k'ameno, waŋ gin d'oneno gimoro, odoko ithi gin d'owinjo wac, aka cuny jo d'oniaŋ gimoro. Ameno di jonyalo wirok bongan to jolimo both.”

2 Jothesalonika 1:8

gi mac maliel, ma miyo joma kuya Were kodi joma kiwinji Wac Manyen Maber mapa Rwoth Yesu gir'acula.

Joebulaniya 10:27

Kucel, gim'odoŋ a lworo gima bino timere: Thumo banja kodi mac mager ma bino reyo woko joma piemo gi Were.

1 Petero 3:16

To tim win ameno gi mwolo ka wimiyo jo dwoŋ. Kendo kuri win paro ma cuny win maber, aka ŋey joma joluwo marac kwoŋ kiti win maber i Kristo, wiy jo bino kwot kwoŋ gima jowaco.

Menyirok ri Yohana 19:20

To omako ogwaŋ no, kanyacel kodi jatuci wac Were ma twodo m'oyido jotimo gir'aura rigo. (Gir'aura no ama go owondo gine ji m'onwaŋo jonitie gi ranyuth p'ogwaŋ no to jolamo cal p'ogwaŋ no.) Ogwaŋ no kodi jotuci wac Were ma twodo je obol jo makwo i wakawaka ma mac kodi telin ma gamo mac mayot pa kibiriti.

Menyirok ri Yohana 3:9

Ere onyo akidho kelo kitipa ma ji pa Sitan, ma jotwodo aka joŋoyo nike jobedo Joyuda, ma to jok'obedo; abino kelo jo bongin to jogoyo congi gin piny ruwaŋin to joniaŋ ni kere amarin.

1 Samwiri 6:9

Aka wiriek waŋ win to wineno ka kadho. K'okidhi i piny pere won ma Bethsemes meno nyutho ni Were pa Joisiraili am'okelo kwoŋ wan teko me. To ka k'okadho yukorago, ameno wabino ŋeyo ni go ama k'okelo teko me; t'obedo gim'opodho apodha.”