Isaya 25:9 - KITAWO MALEŊ Catholic

⁹ Ilawaco i ndelo no ni, “Neni, me Were mawan, watieko kuro go ŋey wobothi wan. Me Rwoth ma watieko kuro; weyi wasangala aka wafore i both pere.”

KITAWO MALEŊ

⁹ Ilawaco i ndelo no ni, “Neni, me Were mawan, watieko kuro go ŋey wobothi wan. Me Rwoth ma watieko kuro; weyi wasangala aka wafore i both pere.”

Isaya 25:9 ပူးပေါင်းရင်းမြစ်များ

Cakirok 49:18

“Akuro both perin Rwoth.”

Zabuli 100:1

Wer win ri Rwoth piny gibe!

Zabuli 20:5

Weyi wakok gi kisangala ri loyo perin aka watiŋ bendera mawan i nyingi Were mawan. Weyi Rwoth wodwoki kwac perin je.

Zabuli 21:1

Kere fore i meni perin, Awi Rwoth, aka yodere kwoŋbedo imiyo go loyo.

Zabuli 27:14

Kuri Rwoth, bedi matek, aka weyi cunyin wobedi matek, ey kuri Rwoth.

Zabuli 33:20

Waketho geno mawan i Rwoth, go kwonga wan aka konyo wan.

Zabuli 33:21

Wasangala ro go, wageno nyingi go maleŋ.

Zabuli 40:17

Paka ri an, ajacandi aka abu gimoro, to idewo kwoŋan Rwoth. Ibedo jakony paran aka jaboth paran ikir'igali, Awi Were paran!

Zabuli 9:14

ŋey acungi ruwaŋ ji ma Yerusalem, aka awaci gigipiny je ma miyan, apakin. Alafore kwoŋbedo ibothan.

Zabuli 95:1

Biye, weyi wapaki win Rwoth; weyi wawer gi kisangala ri tele ma both mawan!

Isaya 33:2

Awi Rwoth, maki gi wan wor, wakurin. Bedi meni mawan kisi odikin, both mawan i hongo ma teko.

Isaya 33:22

Kole Rwoth obedo jathum banja mawan, Rwoth obedo jadhum mawan; Rwoth obedo kere mawan, go labotho wan.

Isaya 35:1

Thim gi lowo m'othwo jolakisangala, thim lafore to jolikalika; paka mawuwa.

Isaya 35:10

Aka jono ma Rwoth otieko botho joladok, to jobino i Zayon gi wer, kisangala ma cil gi cil labedo i wi jo; jolanwaŋo siem gi kisangala, kumo gi rem larumo woko.

Isaya 35:2

Thim lawero to koko ri kisangala, labedo maŋon paka gote ma Lebanon; ma nyak cemo paka ndelin ma Kamel gi Saron. Kisi dhano laneno dwoŋ pa Rwoth, gi meni pa Were mawan.

Isaya 35:4

Waci ri jono ma cuny jo lwor ni, “Bedi win jomeni, wikiri wilwor! Were mewin ee, go bino botho win, go bino miyo jokwor mewin gir'acula.”

Isaya 37:20

Riameno Rwoth Were mawan, akwayin, both wan kwoŋ Joasiria, ŋey nonin je ma piny jowoŋey ni in kende a Rwoth.”

Isaya 40:9

Yerusalem, idhi wi got mabor, jamikwenda ma wac maber ri Zayon tiŋi dwondin malo gi meni. Awi Yerusalem, jamikwenda ma wac maber, tiŋi dwondin malo, ikir'ilwor; wac ri tindin madongo ma Yuda ni, “Were mewin ee!”

Isaya 41:16

Wilapiedho jo to koyo kudho jo, aka asur lakedho jo. Nyaka to wifore i Rwoth, wilalimo dwoŋ i Ŋataleŋ pa Isiraili.

Isaya 49:23

Kerin gi nyamicalin jolabedo jonywol rin, jolakule piny rin miyin dwoŋ, jolamwole nyutho wor pajo rin, to jonaŋo fukefuke ma tiendin. Kenyo ilaŋeyo ni Abedo Rwoth, aka jono ma jokuro kony paran jok'obedi i wickwot.

Isaya 51:3

Kole Rwoth layomo cuny Zayon; gi jono je ma jobedo i gundin mere. Go laloko thim mere paka Eden, aka opalipat mere paka ndelo pa Rwoth. Forok gi kisangala lanwaŋere i go, foyo kodi dwondi ma wer.

Isaya 52:10

Rwoth otieko rieyo bade maleŋ, ruwaŋ nonin je, aka tielo je ma piny laneno, both pa Were mawan.

Isaya 60:16

Iladhotho cak pa nonin, iladhotho thundho pa kerin, aka ibino ŋeyo ni An, Rwoth abedo Jaboth perin, aka Jagony perin, Jameni pa Yakobo.

Isaya 61:10

Alafore tektek i Rwoth, adundo paran gipi layodere i Were paran; kole go otieko rukan gi law ma both, go otieko uman gi kanzu ma tiro, paka jamweha koda wiye sangaria, paka mweha kikere gi thiwino pere.

Isaya 64:4

Wok cene ongoye ŋat'otieko winjo, kosa m'otieko niaŋ gi ithe, ongoye waŋ m'otieko neno Were man kwanyowoko in, ma timo nger tim no ri jono ma jokuro go.

Isaya 65:18

To sangala win aka fore win cil gi cil, i gim'acweyo; kole neni, acweyo Yerusalem lapoŋ forok, aka ji mere jolabedo kisangala.

Isaya 8:17

Alakuro Rwoth, go ma pano waŋe kwoŋ ot pa Yakobo, aka alaketho geno paran i go.

Mika 7:7

To ri an, abino ŋiyo bongi Rwoth, abino kuro Were ma bino bothan; Were paran bino winjan.

Habakuk 3:18

Kucel alafore i Rwoth; alakisangala i Were, jaboth paran.

Zekaria 10:7

Efrayim labedo matek paka cwo ma jomeni, cuny jo lakisangala paka gi vini. Nyithindho pajo jolaneno to josangala, cuny jo lafore i Rwoth.

Zekaria 9:9

Fore swa, Awi nyar Zayon! Koki ri kisangala, Awi nyar Yerusalem! Eno, kere perin labino bongin, gi tiro kodi loyo, gi mwolo ka gweyo punda madhako, i wi nyathi punda madhako.

Luka 2:25

I Yerusalem kenyo onwaŋo nitie jal moro ma nyinge Simeo. Go oyido obedo dhano maber m'olworo Were, aka onwaŋo kiyo neno both pa Isiraili, kendo Cuny Maleŋ onwaŋo nigi go.

Jofilipi 3:1

Aka macowe, wutmera, bedi win gi kisangala i Rwoth. Gik i gim'atieko ndiko con kijokan, aka meno medo gwoko win i yeyo.

Jofilipi 3:3

Kole wan ayino ama watieko limo thumirok mar'adieri, wan ma walamo Were gi meni pa Cuny Maleŋ, aka wayumere i Kristo Yesu. Odoko wakikethi geno moro kwoŋ thumirok ma del,

Tito 2:13

munyo wakuro geno ma disilwany, gi menyirok madwoŋ mapa Were mawan madwoŋ m'oasere ma Jaboth,

1 Petero 1:6

Sangala win gi wac me, kad'onyo i hongo me witieko nwaŋo candirok munyo wibedo gi rem hongo macek ro tem m'omore m'obino riwin.

1 Petero 1:8

Wimaro go kada fodi wikineno go; wiyeyo go, kada pama wikinen go; aka winigi kisangala ma didwoŋ ma kiwacere,

2 Petero 3:12

munyo wikuro Ndelo pa Were to witemo miyo wobin mayot. I ndelo no polo bino waŋ woko gi mac aka lietho bino nyelo woko gigipiny manitie i iye.

Menyirok ri Yohana 1:7

Panen, go eno bino gi pondeponde! Aka kisi waŋ dhano bino neno go, kiri joma jocwowo go je. Ji je ma piny jobino ywak kwoŋbedo go. Apaka bino bedo! Ameno.

Menyirok ri Yohana 22:20

Jaridhi mikwenda me waco ni, “Adieri, abino mayot.” Ameno. Biye, Rwoth Yesu!