Isaya 25:1 - KITAWO MALEŊ Catholic

¹ Awi Rwoth, ibedo Were paran, alatiŋin malo, alapako nyingin; kole itieko timo gigipiny ma gir'aura, can m'itimo cene, mar'adieri aka m'otire.

KITAWO MALEŊ

¹ Awi Rwoth, ibedo Were paran, alatiŋin malo, alapako nyingin; kole itieko timo gigipiny ma gir'aura, can m'itimo cene, mar'adieri aka m'otire.

Isaya 25:1 ပူးပေါင်းရင်းမြစ်များ

Zabuli 111:4

Rwoth omiyo wan poyo tic pere ma gir'aura; go nitie gi wor kodi wor.

Zabuli 118:28

Ibedo Were paran, abino miyin foyo. Ibedo Were paran, abino waco dwoŋ perin.

Zabuli 145:1

Alatuco dwoŋ perin, Were paran gi Kere paran, t'apako nyingin cil gi cil

Zabuli 146:2

Alapako Rwoth tekin fodi akwo; alawero pak ri Were kafodi aywe.

Zabuli 31:15

Iŋat'idewo kwoŋan noknok, bothan kwoŋ jokwor paran, kwoŋ jono ma jocandan.

Zabuli 40:5

Itieko timo gigipiny madit riwan, Awi Rwoth Were mawan, ongoye ŋata pimere kodin. Itimo riwan can ma gir'aura kweth, kabedi oyido atuci jo, welo pajo thoth ma kikwanere!

Zabuli 40:6

Ikimiti cowirok kosa mic, ikikway mic awaŋa, kosa mic ma cwako reco.

Zabuli 46:10

Go waco ni, “Liŋ, aka iŋey ni abedo Were, adwoŋ i dier nonin, adwoŋ i piny gibe.”

Zabuli 75:2

Were waco ni, “I hongo ma ripo m'ayiko, alathumo banja gi wor.

Zabuli 78:4

Wak'opan jo kwoŋ nyithindho mawan, to wabino tuco ri luse m'obin yuwaŋe, tim madwoŋ pa Rwoth, gi meni pere, gi gir'aura m'otieko timo.

Zabuli 89:1

Rwoth, abino wero mar perin makiwire noknok, abino tuco gi dhokan adieri perin ri luse je.

Zabuli 98:1

Wer ri Rwoth wer manyen, kole otimo gir'aura! Cinge maracuc gi cinge maleŋ, omiyo go loyo.

Zabuli 99:5

Pak win Rwoth Were mawan, lam ruwaŋ kom pere ma dhum! Go Leŋ!

Kitawo mar'ario mapa Musa m'ilwoŋo ni Wok 15:2

Rwoth a meni paran aka wer paran, go ama obothan Me Were paran, aka abino pako go, go Were pa baba, aka abino wero dwoŋ pere.

Isaya 11:5

Tiro labedo del ma piere, aka genirok labedo del ma piere.

Isaya 12:1

Wilawero i ndelo no ni: Alamiyin foyo, Awi Rwoth, kole kad'oyido imako nge kodan, nge perin owire woko, aka iyomo cunyan.

Isaya 26:13

Awi Rwoth Were mawan, rwodhe man bende jotieko dhumo wan paka in, to, nyingin kende ama walwoŋo.

Isaya 26:8

Watieko kuro yo ma thumo banja perin, wakurin, Awi Rwoth, poyo nyingin, a mito ma cuny wan.

Isaya 28:29

Gime bende wok bongi Rwoth pa lwak jolweny; go jamic rieko ma gir'aura, aka jarieko ma malo swa.

Isaya 40:27

Raŋo wiwaco, Awi Yakobo, aka wiluwo, Awi Isiraili ni, “Royo paran opanere kwoŋ Rwoth, aka Were paran kidew kwoŋ gima ripo kodan.”

Isaya 46:10

Atuco gike wok i cakirok, aka wok cene atuco gima fodi k'otimere. Awaco ni, atoŋa paran latundo i kare, aka alatimo gim'amito.

Isaya 46:11

Alwoŋo winyo ma camo wadi wok yuwok ceŋ, jacwo ma wok bor timo atoŋa paran. Atieko luwo, aka alamiyo wotimere, obedo atoŋa paran, aka alatimo.

Isaya 49:4

To awaco ni, “Atieko tic ma nono, atieko oro meni paran, m'ongoye gim'alimo gipilok, kucel adieri, tim paran Rwoth oneno, aka kemba paran nigi Were paran.”

Isaya 49:5

Onyo pama, Rwoth waco, go m'ocweyan i ici bedo ŋeca pere, ma dwoko Yakobo bonge, aka ni wonyali coko rigo Isiraili. Kole anwaŋo dwoŋ ruwaŋ Rwoth, aka Were paran otieko lokere meni paran.

Isaya 61:10

Alafore tektek i Rwoth, adundo paran gipi layodere i Were paran; kole go otieko rukan gi law ma both, go otieko uman gi kanzu ma tiro, paka jamweha koda wiye sangaria, paka mweha kikere gi thiwino pere.

Isaya 7:13

Kenyo Isaya owaco ni, “Onyo winji, Awi ker pa Daudi. Obedo gimathin swa riwin joko ji; ma wijoko Were paran bende?

Yowel 2:26

Wilacemo to wiyeŋ, to wipako nyingi Rwoth Were mewin, go m'otieko timo gir'aura gi win. Aka wickwot k'omaki ji paran kendo cil gi cil.

Kwan 23:19

Were k'obedo dhano, ma go nyalo twodo, kosa wod dhano, ma go owir paro pere. Ka go otieko waco, kilatimo? Ka go otieko luwo, kilaketho i kare?

Joefeso 1:11

Kole gimoro je timere gi can pa Were kodi paro pere; aka Were oyero wan bende bedo ji pere i can pere ma go oridho wok i cakirok.

Menyirok ri Yohana 15:3

Onwaŋo jowero wer pa Musa, jatic pa Were kendo apa Nyathi rombo ni, “Tic perin dongo aka obedo gir'aura, Rwoth Were Majameni je! Royo perin otire aka obedo mar'adieri, Kere pa nonin je!

Menyirok ri Yohana 19:11

Gikenyo aneno polo munyo yawere, to kayina matar nenere ruwaŋan. Ŋata riemo kayina no ilwoŋo ni M'ogenere kendo Jar'adieri; go thumo banja aka lwenyo i tiro.

Menyirok ri Yohana 7:12

ka jowaco ni, “Ameno! Pak kodi dwoŋ, kodi rieko kodi foy, kodi wor, kodi meni, kodi nyalo wobedi ri Were mawan cil gi cil! Ameno!”