Isaya 24:18 - KITAWO MALEŊ Catholic

¹⁸ Ŋat'oringi derino ma teko, lapodho i bur, aka ŋat'owok i bur, lamoko i bwo. Kole dirisin ma polo oyawere, aka kindi piny kirin.

KITAWO MALEŊ

¹⁸ Ŋat'oringi derino ma teko, lapodho i bur, aka ŋat'owok i bur, lamoko i bwo. Kole dirisin ma polo oyawere, aka kindi piny kirin.

Isaya 24:18 ပူးပေါင်းရင်းမြစ်များ

Cakirok 19:24

Kenyo Rwoth omiyo lietho gi mac m'ogeŋo ŋeti jo wok i polo cwe kwoŋ Sodom gi Gomora

Cakirok 7:11

Munyo Nowa jaoro 600 k'apar g'abirio i dwe mar'ario, i ndelo no waŋ pi je ma piny omwomere, aka waŋ pi ma pondeponde je oyaw.

2 Kerin 7:2

Kenyo jakur pa kere ma kere oyido othenere i cinge owaco ri Elisa ni, “Gino kinyal timere; makada nende Rwoth won oyido dhiri ŋano dicel!” Elisa odwoko ni, “In won ibino neno gi waŋin, to ikibino camo cemo moro je.”

Yobu 20:24

Jolaringo kwoŋ gilweny ma nyweny, aka asere ma ywel lacelo jo.

Zabuli 18:15

Kenyo pendi nam odoŋ maler, aka kindi piny oyawere, munyo Rwoth obwoko jokwor pere, t'ohola rijo gi nge.

Zabuli 18:7

Kenyo piny okirin to yengere, kindi gote bende okirin, to yengere, kwoŋbedo Were oyido omako nge.

Zabuli 18:8

Yiro owok i yore ume, mac ma reyo jo owok i dhoke, cuk mac m'odheth owok bonge.

Jafonji 9:12

Kole dhano okuya hongo ma teko. Paka rec m'imako i bwo, kosa paka winyo ma moko i kilara, apaka bende iciko dhano i bwo i hongo ma teko, ka podho kwoŋ jo abwap.

Isaya 13:13

Riameno alamiyo polo kirin, aka piny layengere wok i kabedo pere, i keme pa Rwoth pa lwak jolweny, i ndelo ma nge pere oliel.

Isaya 2:19

Ji joladonjo i ŋungu telin, gi i kero piny, ri lworo pa Were, ri dwoŋ ma dhum pere, ka go oay miyo piny kirin.

Isaya 2:21

Ji joladonjo i ŋungu telin, gi i wilwindi riete, kwoŋ lworo pa Rwoth, gi dwoŋ ma dhum pere, ka go oay miyo piny kirin.

Isaya 42:22

To me a ji m'okwal jo t'inyaga jo, joje jomoko i buce, aka jopanere i katwec, jolokere gim'omoko m'ongoye jagony jo, gim'onyekere m'ongoye ŋat'owaci ni, “Dwoki i kare!”

Isaya 8:14

Go lalokere Kabedo Maleŋ, tele ma thumo banja, gi tele ma ceri ri kerin ario ma Isiraili, bwo gi mitego ri ji ma jobedo i Yerusalem.

Yeremia 48:43

Teko, bur kodi bwo, nitie ruwaŋ win, awi ji ma Mowab. Rwoth waco.

Yeremia 48:44

Kisi ŋat'oringi kwoŋ teko, lapodho i bur, aka kisi ŋat'owok i bur, lamoko i bwo. Rwoth waco.

Ywakirok 3:47

Teko kodi kisika opodho kwoŋ wan, rerok kodi ŋinyirok.

Ezekiel 11:8

Wilworo abor, to alakelo kwoŋ win, Rwoth Were waco.

Ezekiel 12:13

Alayaro bwo paran kwoŋe, aka go lamoko i iye. Alakelo go i Babilon, i lowo pa Jokaldin, kucel go kilaneno; go latho kenyo.

Ezekiel 15:7

Atieko como waŋan kwoŋ jo, aka makada nende jokwale kwoŋ mac, mac fodi lareyo woko jo. Kenyo wilaŋeyo ni An Abedo Rwoth, k'acomo waŋan kwoŋ jo.

Amos 5:18

Kidamba riwin ma wikuro ndelo pa Rwoth. Raŋo ma wikuro ndelo pa Rwoth? Riwin bino bedo ndelo ma mudho makiweno lero.

Amos 5:19

Bino cale ŋata ringo kwoŋ simbwor to romo g'arara! Kosa ŋat'okidho i ot pere to theno cinge i kor ot to thwol toŋo go.