Isaya 23:12 - KITAWO MALEŊ Catholic

¹² Rwoth owaco ama, Ikilakisangala kendo, Awi nyir ma fodi jokuya cwo, ma Sidon m'idiyo jo; Ay, Saipras, ikali loka ca, kiri koro wikilanwaŋo ywomirok.

KITAWO MALEŊ

¹² Rwoth owaco ama, Ikilakisangala kendo, Awi nyir ma fodi jokuya cwo, ma Sidon m'idiyo jo; Ay, Saipras, ikali loka ca, kiri koro wikilanwaŋo ywomirok.

Isaya 23:12 ပူးပေါင်းရင်းမြစ်များ

Cakirok 10:4

Wot Yavan oyido; Elisa, Tarsis, Kitim, kodi Dodanim.

Cakirok 49:13

“Zebulun bino bedo i thengi nam. Thengi nam pere bino bedo kacungo pa mel. Adec pere bino tundo kiri i tindi Sidon.”

Isaya 23:7

Me a tindi mewin madwoŋ ma dikisangala? Tindi m'ocaki cango con, ma par tiende otiŋo wok bor, kadho woth.

Isaya 37:22

Me wac ma Rwoth otieko luwo ma mako kwoŋ Senakerib. Ji ma Yerusalem jocayin aka jotimo ginyero kodin. Jonyero yu dieŋeyin, nyar Yerusalem.

Isaya 47:1

Rwoth waco, Babilon lori piny wok i kom perin ma dhum, ibedi piny i fukefuke i lowo. Oyido icale nyako mambula, tindi madwoŋ ma kimaki, to, kilabedo ameno kendo.

Isaya 47:5

Rwoth waco ri Babilon, bedi liŋ aka kadhi i mudho, Awi nyar Jokaldin, kilalwoŋin ni nyamicala ma kerin kendo.

Yeremia 14:17

Ibino waco rijo wac me: Weyi pigi waŋan wooy wor kodi odieceŋ, aka weyi jokiri jowocoki, kwoŋbedo nyar ji paran mambula, ji paran, orwadhi jo piny g'adol ma ŋinyo jo, g'adhola ma kiwacere.

Yeremia 2:10

Ŋadi win i thengi nam ma Sipro aka winen. Dhiri win ji i Kedar aka wikaŋasa maber swa; neni win k'inen gima pameno oyido otieko bedo.

Yeremia 46:11

Kadhi win malo, aka wirey yath ma cango litho, Awi ji ma Misir! Witieko oro yen kweth nono, ongoye gima nyalo cango win.

Ywakirok 1:15

Rwoth okwero woko, jomeni paran je ruwaŋan, go odhiro jolweny, ma turo woko yac paran; Rwoth otieko dhiŋo ji ma Yuda, paka idhiŋo vini.

Ywakirok 1:3

Yuda otieko kadho i twec gi candirok, i tic arom matek. Go onyo bedo i dier nonin, aka ongoye gi kaywomirok. Joma joriemo go jotieko kikengila go, i kidamba pere.

Ywakirok 4:15

Kadhi win, wikoci, ji jokoko rijo, kadhi win, wikiri wigeyi wan. Ameno jolera wok piny man kadho i man aka jolera, aka owaci i kisi piny ni, jokilabedo ka.

Ezekiel 27:6

Wok kwoŋ olwace ma Basan jotimo alith kwon ma cewo ye perin; jotimo pendi ye perin, gi mbawo ma yath payin m'owok i kigodin ma pi ma Sipro, t'iloko maŋon gi lak liec.

Kwan 24:24

Jomonji jolacewere wok i Sipro, jolamako Asiria kodi Eber, to jo bende, jolarere kicutho.

Yosuwa 11:8

To Rwoth miyo jo i cingi Isiraili, m'orwadho jo piny to joriemo jo tundo kiri Sidon Madwoŋ kodi Liel pa pi, kodi yuwok ceŋ tundo kiri i milelo ma Mizipa; to jorwadho jo piny, cuka jok'oweyo ŋata kwo.

Menyirok ri Yohana 18:22

Wer pa jotongol kodi jower, jokudhi madundo kodi gwarin, k'owinji perin kendo! Ongoye jatic kosa jandijo moro je m'odoko bino nwaŋere perin kendo. Ongoye kidi kad'acel m'ibino winjo ka rego moko yu perin kendo.