Isaya 22:12 - KITAWO MALEŊ Catholic

¹² I ndelo no Rwoth Were pa lwak jolweny olwoŋo ndur gi ywak, cido ye wiwin gi ruko kutiya.

KITAWO MALEŊ

¹² I ndelo no Rwoth Were pa lwak jolweny olwoŋo ndur gi ywak, cido ye wiwin gi ruko kutiya.

Isaya 22:12 ပူးပေါင်းရင်းမြစ်များ

2 Kigana kwoŋ Kerin 35:25

Yeremia jatuci wac Were, kodi jower je jocwogo wer ajore ri kere Yosia. Gime olokere kwer ri jower i Isiraili, wero wer ajore me ka joywako go, aka ondiki i wer je mar'ajore.

Ezira 9:3

Munyo awinjo gime, ayeco woko law paran, aka ajwaco ye wiyan gi ye tikan t'abedo piny i dhier gi rem.

Nehemia 9:9

“Ineno candirok pa kwarere mawan i Misir iwinjo ywak pajo ri kony i Nam M'obokere.

Yobu 1:20

Kenyo Yobu oay, oyeco woko kanzu pere, olielo ye wiye to fodere piny to lamo.

Jafonji 3:11

Go otieko timo kisi gimoro je maŋon i hongo pere ma ripo, medo kwoŋ meno go oketho iy'adundin pajo ŋeyo gima nitie yumalo, kucel ji jokinyal niaŋ tic ma Were otieko timo wok i cako kiri i gike.

Jafonji 3:4

Hongo ma oyo pigi waŋ jo, gi hongo ma nyero, hongo ma ywak, gi hongo ma miel.

Isaya 15:2

Ji je ma Dibon jokadho malo, i kitipa pa jom'oyeyo ywak, ri Nebo gi Medeba. Mowab ywak, Wi kisi dhano odoŋ pata, ye tik jo je oliel.

Isaya 26:10

K'onyuthi jokidakana wor, jokilafonjere timo gim'otire. I lowo pa joma timo gim'otire, go timo komo, aka kinen meni pa Rwoth ma dhum.

Isaya 29:1

Kidamba ri Ariel, kidamba ri Ariel! Tindi madwoŋ kama Daudi oketh'iye kambi, oro gi oro timo kalima thoko.

Isaya 3:24

I kabedo ma kur maber, labedo ŋwece marac, i kabedo ma kisiwiro, labedo thol, i kabedo ma wi jo m'oyik, pata, i kabedo ma nangin mafoth, kutiya; i kabedo ma ŋono, waŋ.

Isaya 32:11

Kirin win, win mon ma wibedo i kwo mayot, win ma wiwegi wicowere, lunyere win kinyoro, aka tweyi win kutiya i pier win.

Isaya 37:1

Munyo kere Hezekia owinjo radwok pajo, oyeco nangin pere i rem to ruko kutiya, aka okidho i Ot pa Rwoth.

Isaya 37:2

Ooro Eliakim m'oyido obedo jadwoŋ ma muluwir, Sebina jandiko ma kapido, gi jatuci wac Were m'otegino, to joruko kutiya, bongi Isaya wod pa Amoz.

Isaya 58:3

Ji jopenjere ni, “Raŋo wariyo kec aka ikineni? Raŋo wamwole, to Rwoth kiŋey?” Neni, i ndelo ma wiriy'iye, wirango gigipiny mewin ma siemo win, aka widiyo jotic mewin je.

Yeremia 16:6

Jomadongo gi jomathindho jolatho i piny me; k'oyiki jo, aka ongoye ŋata laywako jo; ongoye ŋata lalielo kosa cido ye wiye rijo.

Yeremia 16:8

Ikir'idonji i ot ma kalima ma bedo piny gi jo, ma cemo gi jo.

Yeremia 4:8

Kwoŋbedo gime, ruki win kutiya, ywak win aka wibiy pigi waŋ win, kole nge pa Rwoth mager fodi k'oweyo wan.

Yeremia 7:29

Ŋadi win ye wiy win to wibolo woko; goy win ndur wi tendere, kole Rwoth otieko kwero ak'ojwango luse m'okwinyo keme pere.

Ezekiel 27:31

Jocido woko wi jo rin, to joruko kutiya. Cuny jo ŋedhere ka jobiyo pigi waŋ jo.

Hoseya 9:1

Ikir'ifore, Awi Isiraili! Ikir'ifore paka nonin man; kole itieko timo gikidakana, jwango Were perin. Imito rin doko cul paka malaya, kwoŋ kapiedhirok je!

Yowel 1:13

Twere win wiywak, awi jocway ri Were i wi migam; goy win lelo, win jotic ma migam. Biye win, winindi i kutiya, awi jotic pa Were paran! Mic ma cemo manyinge kodi mic ma medho, kikel i Ot pa Were perin.

Yowel 1:8

Goy win lelo paka nyako mambula m'oruko kutiya, ri cwore ma soye pere.

Yowel 2:12

Kucel kiri pama, Rwoth waco, dwoki win bongan gi cuny win je, gi riyo kec, gi biyo pigi waŋ win, gi ywak.

Yowel 2:17

I dier karukirok kodi migam, weyi jocway ri Were i wi migam, jotic pa Rwoth, jowobiy pigi waŋ jo. Weyi jowowaci ni, “Tim ŋono gi ji perin, awi Rwoth, aka ikir'iloki alunja perin giwickwot, gir'awaca i dier nonin. Raŋo wowacere i dier ji ni, Nikune Were pajo?”

Amos 8:10

Abino loko kalima mewin kaliel, kodi wer mewin ywak ajore. Abino kelo pata wiwin to wiruko kutiya. Wibino cale jonywol, ma joywako nyaka wod gin acel. Ndelo no bino bedo magway kiri i gike.

Yona 3:6

Munyo wac me otundo bongi kere ma Ninivi, kere oay wok i kom pere ma dhum to lunyo woko kanzu pere, oruko nanga ma kutiya, aka obedo piny i buru

Mika 1:16

Lokere win jopata aka wiliel ye wiwin, ro nyithindho mewin ma wimaro, lokere win jopata paka ango rupiri nyithindho mewin jolakidho bedo jowiloka.

Yakobo 5:1

Aka wijoŋaŋo, winji win! Bedi win gi rem aka wiywak ro litho ma labino riwin!