Isaya 2:8 - KITAWO MALEŊ Catholic

⁸ Lowo pajo opoŋ gi cal, jokule piny ri tic ma cingi jo, ri gima lwet cingi jo won am'otimo.

KITAWO MALEŊ

⁸ Lowo pajo opoŋ gi cal, jokule piny ri tic ma cingi jo, ri gima lwet cingi jo won am'otimo.

Isaya 2:8 ပူးပေါင်းရင်းမြစ်များ

1 Kerin 16:7

Mikwenda pa Rwoth ma Rwoth omiyo jatuci wac Were Yehu kwoŋ Basa gi peco bedo rupiri Basa otimo reco ruwaŋ Rwoth. Basa okwinyo nge pa Rwoth ki kwoŋbedo ni oyido otimo reco paka kere Yerobowam bende otimo, to bende kwoŋbedo oneko ji ma peco pa Yerobowam je.

2 Kerin 17:10

Joketho sirin ma tele kodi cal pa were madhako Asera i wi tendere je kodi i tiendi yen madongo.

2 Kerin 17:16

Joturo cik pa Rwoth Were pajo aka jotimo cal ma rwath ario gi nyweny to jolamo, jo bende jotimo cal pa were madhako Asera, jolamo micalin, to jotiyo ri were m'ilwoŋo ni Bal.

2 Kigana kwoŋ Kerin 27:2

Go otimo gim'otire ruwaŋ Rwoth i nger paka gimoro je ma bamere Uziya oyido otimo, kwanyowoko go k'otimo reco ka waŋo buban i Ot pa Rwoth. To ji ama jomedere timo reco.

Isaya 17:8

Jok'omiy dwoŋ ri migame, m'obedo tic ma cingi jo, aka jok'oŋiy gima cingi gin am'otimo, obedi werin ma mon, Asera kosa migame ma waŋo buban.

Isaya 26:13

Awi Rwoth Were mawan, rwodhe man bende jotieko dhumo wan paka in, to, nyingin kende ama walwoŋo.

Isaya 37:19

jowaŋo woko werin pajo m'oyido jok'obedo werin kada to cal ma yen gi telin ma ji ama joyiko gi cingi jo, riameno orey woko jo.

Isaya 40:19

Cal, jatic ama timo, aka jathedhi nyweny ama umo gi zahabu, to timo rigo lijegere ma feza.

Isaya 41:29

Be, joje jobedo gima mieno jo, tic pajo ongoye kony, cal makicar pajo m'onyel obedo weyo nono.

Isaya 57:5

Win ma wiwaŋ g'awanya i tiendi podo, i kisi tiendi yen moro je. Win ma withumo nyithindho mewin i milelin, i kisi ŋungu telin?

Yeremia 1:16

Alamiyo ji paran gir'acula rupiri jotieko timo reco; jotieko jwangan, aka jotieko miyo cowirok ri werin man, jotieko timo cal to jolamo tic ma cingi jo.

Yeremia 11:13

Kole werin mewin onyo jonyay paka tindin mewin madongo, awi Yuda; paka royin ma Yerusalem nitie kweth, apaka migame ma witimo ma wickwot, migame ma miyo mic ri Bal.

Yeremia 2:28

To nikune werin mewin ma witimo ma konyo win? Weyi jowobin, ka jonyalo botho win, i hongo mewin ma teko; kole winitie gi werin kweth paka winitie gi tindin madongo, awi Yuda.

Hoseya 12:11

Ka nitie kidakana i Giliad adieri jolalokere gim'ongoye kony. Ka jomiyo bende cowirok ma thwondhe i Gilgal, migame pajo lacale gi kidhur telin, i fereji ma sa.

Hoseya 13:2

Onyo pama jomedo timo reco, aka jotieko timo rijo wegi cal ma nyweny m'oleny, cal ma feza cungo kwoŋ niaŋ pajo, joje tic pa jondijo. Jowaco rijo ama: Ŋata miyo cowirok ma dhano cwiyo lembi cal!

Hoseya 14:3

Asiria k'onyal botho wan; wak'ogwey kayinin; wak'owaci kendo ni, “Were Mawan.” Ri tic ma cingi wan ni, “I in nyathi kic nwaŋo ŋono.”

Hoseya 8:6

Kole wok i Isiraili, japac am'otimo; k'obedo Were. Nyathi dhiaŋ ma Samaria ilaturo mathindho thindho.

Mika 5:12

Abino reyo woko yen mewin ma wikingere gine, t'aweyo win m'ongoye jotiti gima latimere yuwaŋe.

Tim pa Jomoor 17:16

Munyo Paulo oyido kuro Sila kodi Timothe i Athen, cunye oramo swa munyo oneno ni tindi opoŋ gi gigipiny ma ji jocweyo ma jolamo.

Kitawo mar'abic mapa Musa m'ilwoŋo ni Cik 4:28

Koro wilatic ri werin man, tic ma cingi ji, m'otimi gi mbawin kodi telin, ma jokinyal neno, winjo, cemo, kosa ŋweyo.

Menyirok ri Yohana 9:20

Ji m'odoŋ, ma thoyamo no k'oneko jo, jok'oŋuto kwoŋ gigipiny ma jotimo. Jok'oweyo lamo jwogi, kodi cal m'otimi gi zahabu, feza, ywel, tele kodi yath apaya ma kinyal neno, kosa winjo, kosa woth.