Isaya 2:4 - KITAWO MALEŊ Catholic

⁴ Go lathumo banja i dier nonin, aka lakiosa ri ji kweth. Jolathedho abor pajo wolokere kwe dhok ma fur, aka tonge pajo wolokere apala nyangoda. Ongoye nono ma latiŋo abor kwoŋ nono man kendo, kosa fonjere lweny kendo.

KITAWO MALEŊ

⁴ Go lathumo banja i dier nonin, aka lakiosa ri ji kweth. Jolathedho abor pajo wolokere kwe dhok ma fur, aka tonge pajo wolokere apala nyangoda. Ongoye nono ma latiŋo abor kwoŋ nono man kendo, kosa fonjere lweny kendo.

Isaya 2:4 ပူးပေါင်းရင်းမြစ်များ

Zabuli 110:6

Go bino thumo banja ri nonin, to poŋo kalweny gi delkwoŋ ji m'otho; go bino kikengila kerin je ma piny.

Zabuli 46:10

Go waco ni, “Liŋ, aka iŋey ni abedo Were, adwoŋ i dier nonin, adwoŋ i piny gibe.”

Zabuli 46:9

Go kweyo lweny i piny gibe, turo asere, aka ŋinyo abor, to waŋo cawilin gi mac

Zabuli 82:8

Ay, Awi Were, idhumi piny; kole nonin je jobedo aperin!

Zabuli 96:13

ka Rwoth obin dhumo piny. Go bino thumo banja ri piny je, gi tiro kodi adieri pere.

Isaya 32:17

Timo gim'otire lakelo siem, lawok kudirok gi kwe piny cil gi cil.

Isaya 32:18

Ji paran jolabedo i pecin ma siem, kam'okwe kodi i kabedo m'oliŋ.

Isaya 33:22

Kole Rwoth obedo jathum banja mawan, Rwoth obedo jadhum mawan; Rwoth obedo kere mawan, go labotho wan.

Isaya 42:1

Neni ŋeca paran ee, m'athielo, dhano paran m'ayero, ma cunyan sangala gine, atieko ketho cuny paran kwoŋe, go lakelo tiro ri nonin.

Isaya 42:3

Go k'otur kedi midole, aka k'oneki mac maliel ma nimnim; go lakelo tiro iy'adieri.

Isaya 9:5

Kole kisi war pa jalweny ŋanjo gi yengirok, aka kisi law m'ocido gi remo, ilawaŋo paka mo ri mac.

Isaya 9:7

Dhum pere k'orumi, aka siem labedo cil gi cil, i wi kom ma dhum pa Daudi gi ker pere, cako gi mako matek, gi tiro kodi timo gim'otire, wok i hongo me kadho yuwaŋe aka cil gi cil. Rwoth pa lwak jolweny omiyere timo gime.

Hoseya 2:18

Alatimo riwin cikirok i ndelo no g'ogwaŋe mager, winyin ma koyo, kodi gigipiny ma lak piny; alaturo woko asere, abor kodi lweny i piny; t'amiyo win nindo ma bu teko.

Hoseya 2:20

Alalokin dhako paran i genirok; aka ilaŋeyo Rwoth.

Yowel 3:10

Goy win kwe mewin ma fur wolokere abor, aka musalauyo mewin jowolokere abore; weyi ŋata nyap wowaci ni, “Abedo jalweny.”

Yowel 3:12

Weyi wotugila jo, weyi nonin je jowokadhi malo i milelo pa Yekosafat; kenyo alabedo thumo banja, ri nonin je thoko.

Mika 4:3

Rwoth bino thumo banja i dier ji kweth, kodi i dier piny ma jotek cegin gi bor. Jobino thedho abor pajo loko kwe dhok, gi toŋ pajo loko apalin ma kikolesa. Piny acel k'otiŋ abor kwoŋ piny man kendo, kosa jok'oyikere ri lweny kendo.

Zekaria 9:10

Alakwanyo woko cawilin wok i Efrayim, kodi kayinin ma lweny wok i Yerusalem, kodi aserin ma lweny. Aka go laluwo siem ri nonin, dhum pere labedo wok i nam tundo i nam, wok i jwom kiri i gike je ma piny.

Tim pa Jomoor 17:31

rupiri go otieko yiko ndelo ma go bino thum'iye banja ri piny gipi i tiro, aka ŋata go oyero ama bino thumo. Go otieko ridho wac no ri dhano je munyo cerino ŋato kwoŋ jom'otho.

Menyirok ri Yohana 19:11

Gikenyo aneno polo munyo yawere, to kayina matar nenere ruwaŋan. Ŋata riemo kayina no ilwoŋo ni M'ogenere kendo Jar'adieri; go thumo banja aka lwenyo i tiro.

1 Samwiri 2:10

Rwoth bino reyo jokwor pere; go bino mwoc kwoŋ jo wok i polo. Rwoth bino thumo banja ri piny gibe; go bino miyo kere pere meni, go bino miyo kere pere ma go won oyero loyo.”