Isaya 19:22 - KITAWO MALEŊ Catholic

²² Rwoth lamiyo Misir gir'acula, to rumacen cango jo. Jolagik bongi Rwoth, aka go lawinjo kwayo pajo to cango jo.

KITAWO MALEŊ

²² Rwoth lamiyo Misir gir'acula, to rumacen cango jo. Jolagik bongi Rwoth, aka go lawinjo kwayo pajo to cango jo.

Isaya 19:22 ပူးပေါင်းရင်းမြစ်များ

2 Kerin 20:5

“Giki bongi Hezekia jadhum pa ji paran iwaci nike Rwoth, Were pa kwarin Daudi waco nike owinjo kwayo perin to neno pigi waŋin. Go bino bothin, aka i ndelo adek ibino nyalo kidho i Ot pa Rwoth.

Yobu 22:23

K'igik bongi Jameni Je, t'itimo gim'otire peco perin, go ladwokin.

Yobu 5:18

Go miyo adhola, to mado, go miyo litho, to cingi go cango.

Kitawo mar'ario mapa Musa m'ilwoŋo ni Wok 8:4

Jobino por kwoŋin, ji perin, kodi kwoŋ jodhum perin.’ ”

Isaya 11:11

I ndelo no Rwoth lacoro cinge kendo madirio dwoko peco ji pere ma joboth, wok i Asiria gi Misir, wok i Pathiros, wok i Ethopiya, wok i Elam, wok i Babilon, wok i Hamath, gi wok i kigoda ma nam.

Isaya 27:13

I ndelo no, ilakudho gwara madwoŋ, aka jono m'oyido jorwenyo i lowo ma Asiria kodi jono m'oyido oriem jo woko i lowo ma Misir jolabino lamo Rwoth wi got maleŋ i Yerusalem.

Isaya 30:26

Dwe laliel paka waŋceŋ, aka waŋceŋ laliel dibirio loyo paka liel, paka ceŋ ma ndelo ario i ndelo acel, i ndelo ma Rwoth otwey to cango adhola m'omiyo ji pere gi goco pere.

Isaya 45:14

Rwoth waco ri Isiraili ni Lim ma Misir gi Ethopiya labedo mewin, aka cwo maboyo ma Seba jolabedo ŋecin mewin, jolaluwo win i lijegere, to jokule riwin piny ka jotuco ni, Were nigi win, aka ongoye man, ongoye were man kendo.

Isaya 55:7

Weyi jokidakana jowojwangi yo pajo, jowowey paro pajo marac; weyi jowogiki bongi Rwoth, ŋey wonyali timo gi jo ŋono kodi bongi Were mawan, kole go lacwako i thotho.

Isaya 57:18

Atieko neno yo pajo, to alacango jo; alatelo jo, aka alayomo cuny joma ywak miyo ji pere ma ywak nyero.

Isaya 6:10

“Loki paro pa ji mamiŋ, cul ithi gin, neki waŋ gin, ŋey jokiri jowoneni gi waŋ gin, jokiri jowowinji gi ithi gin, aka jokiri jowoniaŋ gi paro pajo, aka jowire wobothi jo.”

Ezekiel 29:13

Rwoth Were waco ama: I cowe ma oro piero aŋwen, alacoko Jomisir kama jokedher'iye i dier nonin koro.

Hoseya 14:1

Gik win, awi Isiraili, bongi Rwoth mewin, kole witieko kimudamuda ro reco mewin.

Hoseya 5:15

Alagik kendo i kabedo paran, cuka joyey banja pajo to jodwaran. I rembo pajo jolakwayo nema paran.

Hoseya 6:2

Ka ndelo ario orumo, go ladwoko riwan meni; i ndelo mar'adek, go lacerino wan, ŋey wanyal kwo ruwaŋ go.

Kitawo mar'abic mapa Musa m'ilwoŋo ni Cik 32:39

Neni win pama ni An, Abedo go, ongoye were man kwanyowoko an, Aneko, aka amiyo kwo, amiyo litho, aka acango, aka ongoye ŋata nyalo botho dhano wok i cingan.

Joebulaniya 12:11

K'imiyo dhano gir'acula ma tiro go, i hongo no gir'acula no cal rigo gimoro ma kiber, ma kelo litho ayino, to rumacen, jom'otweny jo gi gir'acula ma kite no jolimo kemba gi siem ma kwo m'otire.