Isaya 19:21 - KITAWO MALEŊ Catholic

²¹ Rwoth lanyuthere to ŋeyere ri Jomisir, aka Jomisir jolaŋeyo Rwoth i ndelo no. Jolalamo go gi cowirok gi mic awaŋa, aka jolatimo cikirok ri Rwoth to joculo.

KITAWO MALEŊ

²¹ Rwoth lanyuthere to ŋeyere ri Jomisir, aka Jomisir jolaŋeyo Rwoth i ndelo no. Jolalamo go gi cowirok gi mic awaŋa, aka jolatimo cikirok ri Rwoth to joculo.

Isaya 19:21 ပူးပေါင်းရင်းမြစ်များ

Malaki 1:11

Ji wok i thenge ma piny tundo i gike jomiyo nyingan dwoŋ. Kisi kamoro jowaŋo ran buban aka jomiyan cowirok t'ajolo. Joje jomiyo nyingan dwoŋ, Rwoth pa lwak jolweny waco.

Isaya 11:9

Jok'omiy litho kosa rerok wi got maleŋ paran je. Piny lapoŋ ŋeyo Rwoth paka pi umo nam.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

1 Petero 2:5

Ato wibende wibedo telin makwo, m'onyo igero gine Ot pa Were ma cuny, kama wibino tiy'iye paka jocway ri Were i wi migam ma joleŋ, kareno wicwayo cowirok manyacuny ma Were jolo luwo kwoŋ Yesu Kristo.

Yohana 17:3

Aka me a kwo makirum: Nike ji jowoŋeyin, Were acel mar'adieri, kendo jowoŋey Yesu Kristo m'ioro.

Zefania 3:10

Wok i malawin ma yombo Ethopiya, ji paran ma jokedhere, jono ma jolaman, nyar ji paran ma jokedhere, jolakelo ran mic.

Habakuk 2:14

To piny lapoŋ kodi ŋeyo dwoŋ pa Rwoth, paka pi umo nam.

Yona 1:16

Gime omiyo jome bedo gi dhier aka jobedo gi lworo swa ri Rwoth. Jocowere to jokwoŋere.

Isaya 56:7

Alakelo jo wi got paran maleŋ, t'amiyo jo kisangala i ot paran ma kwayo. Alajolo mic awaŋa pajo gi cowirok pajo i wi migam paran. Kole ot paran ilalwoŋo ni ot ma kwayo ri ji je.

Isaya 55:5

Neni, ilalwoŋo nonin ma fodi ikiŋeyo, aka piny m'oyido k'oŋeyin laringo bino bongin, kwoŋbedo An abedo Rwoth, Were Maleŋ pa Isiraili, rupiri go otieko miyin dwoŋ.

Isaya 44:5

Me lawaco ni, “Abedo apa Rwoth.” Man lalwoŋere gi nyingi Yakobo, aka man landiko i cinge ni, “Apa Rwoth.” Go lalwoŋere gi nyingi Isiraili.

Isaya 37:20

Riameno Rwoth Were mawan, akwayin, both wan kwoŋ Joasiria, ŋey nonin je ma piny jowoŋey ni in kende a Rwoth.”

Jafonji 5:4

Ameno k'itimo cikirok ri Were, ikir'igali gi timo, kole go kiwinji maber gi jomamiŋ. Tim gim'iciko.

Zabuli 67:2

ŋey piny gibe wonyali ŋeyo gim'imito; ŋey nonin je jowonyal ŋeyo both perin.

1 Kerin 8:43

winji kwayo pere. I polo, kam'ibed'iye, winji go aka tim gima go kwayin timo, ŋey nonin je i piny gibe jowoŋeyin aka jowowinjin, paka ji perin Isiraili jotimo. Kenyo jobino ŋeyo nike Ot pa Were m'ageto me kabedo m'iripo lamin'iye.”

1 Samwiri 17:46

Konon won me Rwoth bino kethin i cingan. Alanekin to aŋado ŋutin, aka alamiyo delkwoŋ jolweny pa Jofilistia ri winyin g'ogwaŋe madudi. To nyaka piny gipi ŋeyo nike Isiraili nigi Were.

Zabuli 61:8

Ameno alawero pak ri nyingin noknok, paka aculo cikirok paran kisi ndelo.

Zabuli 68:31

Ge ma welo wokel wok i Misir, weyi Ethopiya wokwakere yaro cinge ri Were.

Isaya 11:11

I ndelo no Rwoth lacoro cinge kendo madirio dwoko peco ji pere ma joboth, wok i Asiria gi Misir, wok i Pathiros, wok i Ethopiya, wok i Elam, wok i Babilon, wok i Hamath, gi wok i kigoda ma nam.

Isaya 27:13

I ndelo no, ilakudho gwara madwoŋ, aka jono m'oyido jorwenyo i lowo ma Asiria kodi jono m'oyido oriem jo woko i lowo ma Misir jolabino lamo Rwoth wi got maleŋ i Yerusalem.

Isaya 45:14

Rwoth waco ri Isiraili ni Lim ma Misir gi Ethopiya labedo mewin, aka cwo maboyo ma Seba jolabedo ŋecin mewin, jolaluwo win i lijegere, to jokule riwin piny ka jotuco ni, Were nigi win, aka ongoye man, ongoye were man kendo.

Isaya 49:7

Rwoth waco, Jaboth pa Isiraili aka Ŋataleŋ pere, ri ŋat'icayo swa, aka nonin jodak, ŋeca pa jodhum ni, “Kerin jolaneno to joay, jodhum jolakule piny, kwoŋbedo Rwoth ma timo adieri, Were Maleŋ pa Isiraili m'otieko yerin.”

Isaya 60:7

Ilacoko rin mwendi je ma Kedar, wot rombo ma Nebayoth je ilamiyin paka cowirok, alajolo jo i wi migam paran, aka Rwoth lamiyo ot pere wobedi gi dwoŋ loyo.

Isaya 66:23

I kisi kalima ma dwe manyen, gi kisi ndelo ma Sabato, ji ma kisi piny, jolabino lamo ruwaŋan ka i Yerusalem, Rwoth waco.

Zabuli 68:32

Wer win ri Were, win kerin ma piny; wer win pak ri Rwoth,