Isaya 19:19 - KITAWO MALEŊ Catholic

¹⁹ I ndelo no migam labedo ri Rwoth i dier lowo ma Misir, gi siro ri Rwoth i kew ma Misir.

KITAWO MALEŊ

¹⁹ I ndelo no migam labedo ri Rwoth i dier lowo ma Misir, gi siro ri Rwoth i kew ma Misir.

Isaya 19:19 ပူးပေါင်းရင်းမြစ်များ

Cakirok 12:7

Rwoth omenyere ri Abram aka owaco ni, “Ri nyikwayin, Abino miyo lowo me.” Ameno Abram ogeto kenyo ri Rwoth m'omenyere rigo migam.

Cakirok 28:18

Ameno Yakobo oay con odikin, aka okwanyo tele m'oyido go otheno gine wiye, to jengo paka siro aka okonjo mo i wiye.

Zabuli 68:31

Ge ma welo wokel wok i Misir, weyi Ethopiya wokwakere yaro cinge ri Were.

Kitawo mar'ario mapa Musa m'ilwoŋo ni Wok 24:4

Musa ondiko piny Or pa Rwoth je. Yawere odikin maŋic ogeto migam ri Rwoth i tiendi got aka oketho telin apar g'ario, acel ri kisi nonin apar g'ario ma Isiraili.

Isaya 56:7

Alakelo jo wi got paran maleŋ, t'amiyo jo kisangala i ot paran ma kwayo. Alajolo mic awaŋa pajo gi cowirok pajo i wi migam paran. Kole ot paran ilalwoŋo ni ot ma kwayo ri ji je.

Isaya 60:7

Ilacoko rin mwendi je ma Kedar, wot rombo ma Nebayoth je ilamiyin paka cowirok, alajolo jo i wi migam paran, aka Rwoth lamiyo ot pere wobedi gi dwoŋ loyo.

Isaya 66:23

I kisi kalima ma dwe manyen, gi kisi ndelo ma Sabato, ji ma kisi piny, jolabino lamo ruwaŋan ka i Yerusalem, Rwoth waco.

Yeremia 46:2

Me wac ma mako kwoŋ Misir, m'oyido nitie i thengi malawa Yufrete i Karkemis ma kere Nebukadineza ma Babilon okengila i oro mar'aŋwen ma dhum pa kere Yehoyakim wod pa Yosia ma Yuda:

Ezekiel 29:1

Wac pa Were obino ran k'apar g'ario ma dwe mar'apar i oro mar'apar ka waco ama:

Ezekiel 30:1

Wac pa Rwoth obino ran ka waco ama:

Ezekiel 31:1

K'acel ma dwe mar'adek i oro mar'apar g'acel ma twec mawan, wac pa Rwoth obino ka waco ama:

Ezekiel 32:1

K'acel ma dwe mar'apar g'ario i oro mar'apar g'ario, wac pa Rwoth obino ran ka waco ama:

Zekaria 6:15

“Ji ma jonitie bor jolabino geto Ot pa Rwoth, aka wilaŋeyo nike Rwoth pa lwak jolweny ooran bongi win. Gime latundo i kare, ka winowinji gi gwokirok, dwondi Rwoth Were mewin.”

Joebulaniya 13:10

Wanitie kodi migam ma cowirok ma joma cwayo ri Were i wema Manyayuda k'oyey jo cem'iye.

Yosuwa 22:10

Munyo jobino iy'adec macegin gi Yordan, ma ŋare i lowo ma Yordan, jo Ruben, jo Gad kodi adec ma nono pa Manase jogeto kenyo migam i thengi Yordan, migam madwoŋ ma kiwacere.

Yosuwa 22:26

Riameno wawaco ni, ‘Mondo weyi win pama wageti migam, makiweno ma mic awaŋa, kosa ma cowirok,

Yosuwa 22:27

to ma bedo jakony i dier wan kodi win, kodi i dier luse m'obedi ka watieko ngoye, ni watim tic pa Rwoth i waŋ go gi mic mawan awaŋa, cowirok gi mic mawan ma siem; ka k'obedo ameno nyikway win jolawaco ri nyikway wan i hongo ma yuwaŋe ni,

Yosuwa 22:28

“Wingoye g'adec i Rwoth.” ’ Aka waparo ni, ka inyalo waco riwan gime, kosa ri nyikway wan i hongo ma yuwaŋe, waripo waco ni, ‘Neni, nyawoti migam pa Rwoth, ma kwarere mawan jotimo, makiweno ri mic awaŋa, kosa cowirok, to ma bedo jakony i dier wan kodi win.’

Yosuwa 22:34

Nyikway Ruben kodi nyikway Gad jolwoŋo migam ni Jakony; kole jowaco ni, “Obedo jakony i dier wan ni Rwoth obedo Were.”