Isaya 19:18 - KITAWO MALEŊ Catholic

¹⁸ I ndelo no labedo tindin madongo abic i lowo ma Misir ma joluwo dhodhok ma Kanan aka jolakwoŋere i nyingi Rwoth pa lwak jolweny. Acel kwoŋ jo ilalwoŋo ni Tindi madwoŋ ma Waŋceŋ.

KITAWO MALEŊ

¹⁸ I ndelo no labedo tindin madongo abic i lowo ma Misir ma joluwo dhodhok ma Kanan aka jolakwoŋere i nyingi Rwoth pa lwak jolweny. Acel kwoŋ jo ilalwoŋo ni Tindi madwoŋ ma Waŋceŋ.

Isaya 19:18 ပူးပေါင်းရင်းမြစ်များ

Cakirok 11:1

Onyo ji ma piny gibe oyido jonitie gi dhodhok acel gi wac manok.

Nehemia 10:29

wariwere ka gi jotel mawan i kwoŋirok ni walatimo gima Cik pa Were m'omiyo ŋeca pere Musa waco, walawinjo cik pa Rwoth, aka walakuro cik pere je gi fonji mere je. Ka wakitimo ameno walwoŋo lam kwoŋ wan.

Zabuli 68:31

Ge ma welo wokel wok i Misir, weyi Ethopiya wokwakere yaro cinge ri Were.

Isaya 11:11

I ndelo no Rwoth lacoro cinge kendo madirio dwoko peco ji pere ma joboth, wok i Asiria gi Misir, wok i Pathiros, wok i Ethopiya, wok i Elam, wok i Babilon, wok i Hamath, gi wok i kigoda ma nam.

Isaya 14:1

To Rwoth latimo wor gi Yakobo to yero Isiraili kendo, laketho jo i lowo pajo wegi; aka jopath jolabino bedo gi jo to joriwere gi ot pa Yakobo.

Isaya 19:19

I ndelo no migam labedo ri Rwoth i dier lowo ma Misir, gi siro ri Rwoth i kew ma Misir.

Isaya 19:21

Rwoth lanyuthere to ŋeyere ri Jomisir, aka Jomisir jolaŋeyo Rwoth i ndelo no. Jolalamo go gi cowirok gi mic awaŋa, aka jolatimo cikirok ri Rwoth to joculo.

Isaya 2:11

Waŋ ji ma pakirok iladwoko piny, aka delok pa kisi dhano ilamwolo aka Rwoth kende am'ila tiŋo malo i ndelo no.

Isaya 27:13

I ndelo no, ilakudho gwara madwoŋ, aka jono m'oyido jorwenyo i lowo ma Asiria kodi jono m'oyido oriem jo woko i lowo ma Misir jolabino lamo Rwoth wi got maleŋ i Yerusalem.

Isaya 65:16

Kenyo kisi ŋata kwayo silwany i lowo, lakwayo gi Were ma timo adieri, aka kisi ŋata timo cikirok i lowo, latimo gi Were ma timo adieri, kwoŋbedo teko macon larumo aka kilapoyo.

Yeremia 12:16

Aka nyaka, ka jofonjere tim pa ji paran, kwoŋirok gi nyingan ni, “Paka Rwoth kwo.” Paka jofonjo ji paran kwoŋirok gi Bal, nyaka jobino getere i dier ji paran.

Zefania 3:9

Kenyo alalonyo luwo pa nonin, ŋey jowolwoŋ nyingi Rwoth, aka jowotiy rigo iy'acel.

Zekaria 2:11

Nonin kweth jolariwere gi Rwoth i ndelo no, aka jolabedo ji paran, aka alabedo i dier in, aka ilaŋeyo nike Rwoth pa lwak jolweny ooran bongin.

Kitawo mar'abic mapa Musa m'ilwoŋo ni Cik 10:20

Wiripo lworo Rwoth Were mewin, go kende ama wiripo lamo, wiripo ketho go marapena, to wikwoŋere i nyinge.