Isaya 14:6 - KITAWO MALEŊ Catholic

⁶ ma jofodo piny ji i keme, gi goco makirum, m'odhumo piny i nge gi candirok makirum.

KITAWO MALEŊ

⁶ ma jofodo piny ji i keme, gi goco makirum, m'odhumo piny i nge gi candirok makirum.

Isaya 14:6 ပူးပေါင်းရင်းမြစ်များ

2 Kigana kwoŋ Kerin 36:17

Riameno Rwoth miyo kere ma Babilon monjo jo, to neko soye pajo g'aserin i Ot pa Were ma k'omako wor gi dhano moro je, nyathi kosa jadwoŋ, ma two kosa maber. Were omiyo joje i cingi kere ma Babilon.

Yobu 9:13

Were kilawiro woko nge pere, go ŋinyo woko jokony pa Rahab, bulir ma Nam.

Agecin 21:30

Ongoye rieko, ongoye niaŋ, kosa mic rieko, manyalo loyo Rwoth.

Agecin 28:15

Jakidakana ma dhumo jocandi, cal simbwor ma hola kosa arara ma jero.

Isaya 10:14

Cingan onwaŋo lim pa ji, paka od winyo, aka paka cwo jocoko tongi winyo m'ojwangi, ameno bende apaka acoko piny, to ngoye m'oyaro bwombe, kosa m'oŋamo dhoke ywak.”

Isaya 14:5

Rwoth oturo luth pa jokidakana, luth ma dhum pa jodhum,

Isaya 33:1

Kidamba rin ijarey jo, in m'ongoye fodi ŋat'oreyin, in ijar'akor, m'ongoye fodi ŋat'otimo rin akor! Tekin icowo reyo woko, in bende ilareyin woko, tekin icowo timo akor, in bende ilatimo rin akor.

Yeremia 25:26

kerin je ma yumalo, ma jowok bor gi cegin, ma joluwere, kodi kerin ma piny ma jonitie. Ka jocowo, kere ma Babilon bino madho.

Yeremia 25:9

akidho dhiro ri nonin je ma yumalo, Rwoth waco, kiri ri Kere Nebukadineza ma Babilon, ŋeca paran, alakelo jo kwoŋ piny me kodi ji ma iye, kodi kwoŋ nonin me thoko; alareyo jo kicutho, t'aloko jo ginyero kodi gidhier, gibwok ma cil gi cil.

Yeremia 48:17

Ywak win ri Mowab, win joger pere, kodi jono je ma joŋeyo nyinge. Waci win ni, “Neni nger maluth ma dhum pere otur'iye, luth madwoŋ!”

Yeremia 50:31

Neni ee, acomere kwoŋin, awi janoro me, Rwoth Were pa lwak jolweny waco. Ndelo perin otieko tundo, ndelo m'abino miyin'iye gir'acula.

Ywakirok 1:21

Jowinjo nike oyido aywak, m'ongoye ŋat'okwey cunyan, jokwor paran je jowinjo kwoŋ litho paran, aka josiemere nike itimo, keli ndelo m'itieko yiko, aka weyi bende jowocal an.

Habakuk 1:17

Riameno go omedi celo abor pere, gi reyo woko nonin m'ongoye wor?

Habakuk 2:5

Vini miyo dhano timo akor, bedo jagero ma kinyal bedo peco. Go ŋamo dwonde malac paka piny pa jom'otho; paka tho, ongoye gima yeŋ go, go otieko coko nonin je rigo won, aka otieko coko ji je rigo won.

Yakobo 2:13

rupiri Were k'onyuthi wor ri ŋata k'onyutho wor ri wadi. To ŋata nyutho wor meno otieko loyo banja.