Isaya 14:29 - KITAWO MALEŊ Catholic

²⁹ Wikiri wifore, win Jofilistia je, ni abiro m'ocwado win otur, kole wok i fuc thwol lawok uu, aka olemo mere labedo thwol ma ay gi bwombe.

KITAWO MALEŊ

²⁹ Wikiri wifore, win Jofilistia je, ni abiro m'ocwado win otur, kole wok i fuc thwol lawok uu, aka olemo mere labedo thwol ma ay gi bwombe.

Isaya 14:29 ပူးပေါင်းရင်းမြစ်များ

2 Kerin 18:8

Hezekia okengila Jofilistia, aka onyaga pecin pajo wok kwoŋ cale mathin loyo tundo kwoŋ tindi madwoŋ loyo, kiri gi Gaza kodi adec m'othoko.

2 Kigana kwoŋ Kerin 26:6

Uziya okidho i lweny kodi Jofilistia, to turo kor ot ma Gath, ma Yabine kodi ma Asdod; to geto tindin madongo iy'adec ma Asdod kodi kaman i dier Jofilistia.

2 Kigana kwoŋ Kerin 28:18

I hongo me Jofilistia jomonjo abwap tindin matendere ma tiendi got ma yupodho ceŋ kodi yupiny ma Yuda. Jomako tindin madongo ma Bethsemes, Ayijalon kodi Gederoth, kodi tindin madongo ma Soko, Timina, gi Gimizo gi calin mere to jobedo kenyo kicutho.

Agecin 24:17

Ikir'isangala ka jokwor perin joromo gi teko, aka ikir'iwey cunyin wosiemere ka jocer.

Isaya 11:14

To jolamonjo Filistia yupodho ceŋ, jolakinyaga ji kanyacel yuwok ceŋ. Joladhumo ji ma Edom gi Mowab aka ji ma Amon jolawinjo jo.

Isaya 11:8

Nyathi ma dhoth latuko i kero malasaŋ, nyathi m'oweyo dhoth larwako cinge i od uu.

Isaya 14:31

Goy ndur, awi waŋkac, ywak, awi tindi madwoŋ, leny i lworo, awi Filistia, wijoje! Kole yiro wok yumalo, aka ongoye jalweny ma labedo kende i dwoŋ pere.

Isaya 2:6

Kole iweyo yo pa ji perin, ot pa Yakobo. Adieri jopoŋ gi jothieth wok yuwok ceŋ, gi jojwok paka i Filistia, aka joriwo cingi jo gi nyithindho pa jopath.

Isaya 30:6

Me mikwenda ma mako kwoŋ ogwaŋe ma yupiny ma Kanan. Luwo i lowo ma teko gi litho, wok kwoŋ simbwor gi simbwor madhako, malasaŋ kodi thwol ma ay gi bwombe, jotiŋo lim i wi punde kodi ŋamia, tero ri ji ma jongoye rijo gi cwe.

Yeremia 47:1

Me wac pa Rwoth m'obino ri Yeremia jatuci wac Were ma mako kwoŋ Jofilistia, mafodi Farawo k'omonjo Gaza.

Ywakirok 2:17

Rwoth otieko timo atoŋa pere, go otieko ketho i kare wac pere ma go owodho or. Paka wok i hongo macon, go oturo piny kicutho. Go omiyo jakwor siemirok kwoŋ win, aka otiŋo malo wic jokwor mewin.

Ezekiel 25:15

Rwoth Were waco ama: Kwoŋbedo Jofilistia jotieko timo tim ma culo kwor, aka gi ŋol pier joreyo woko jokwor pajo;

Ezekiel 26:2

Wod dhano, rupiri ji ma Tire joluwo kwoŋ Yerusalem ni, “Aha, waŋkac pa ji otur, oyengere to yawere ran, alalokere mabup, paka onyo otieko nyekere.”

Ezekiel 35:15

Paka wifore kwoŋ gir'alunja ma ot pa Isiraili, rupiri oyido ojwangere, ameno apaka alatic gi win; wilajwangere, Gote ma Edom, kodi lowo je ma Edom, joje. Nyaka jolaŋeyo ni An Abedo Rwoth.

Hoseya 9:1

Ikir'ifore, Awi Isiraili! Ikir'ifore paka nonin man; kole itieko timo gikidakana, jwango Were perin. Imito rin doko cul paka malaya, kwoŋ kapiedhirok je!

Yowel 3:4

Wibende wibedo aŋo ran, awi Tire kodi Sidon, g'adec je ma Filistia? Wiculan ma gimoro? Ka wiculan, aladwoko cul mewin, kwoŋ wiwegi ma dwir kendo ma piyo.

Amos 1:6

Me apaka Rwoth waco: Ji ma Gaza jomedere timo reco kendo, aka ro gime akibino wiro gir'acula pajo, rupiri jotiŋo piny gibe to jotero jo bedo jowiloka to jomiyo Edom.

Amos 1:8

Abino kwanyo woko jodhum ma tindin madongo Asdod gi Asikelon. Abino miyo tindi madwoŋ Ekiron gir'acula, aka Jofilistia je ma jodoŋ jobino tho. Rwoth waco.

Obadia 1:12

Dinyo ikisiemere, kwoŋ lifol pa wutmin in ma Yuda. Dinyo ikisangala, i ndelo ma rerok pajo. Dinyo ikipakere, i ndelo ma rembo pajo madwoŋ.

Mika 7:8

Ikir'isiemere kwoŋan, a jakwor paran; K'apodho, abino ay. K'abedo i mudho, Rwoth bino bedo lero ran.

Zefania 2:4

Kole ilajwango Gaza, Asikelon ladoŋ gunda, ji jolariemo woko Asdod odieceŋ par, aka ilafudho woko Ekiron.

Zefania 2:5

Kidamba ri ji ma jobedo i thengi nam, piny pa Jokereth! Wac pa Rwoth luwo kwoŋ win, Awi Kanan, lowo pa Jofilistia; aka alareyo woko win cuka ongoye ŋat'odoŋ bedo i win.

Zefania 3:11

I ndelo no, wik'obedi giwickwot, ro tim je m'omiyo win gwenyirok kwoŋan, kole alakwanyo woko i dier win, jonoro je, aka wik'odele kendo, wi got paran maleŋ.

Zekaria 9:5

Asikelon laneno, aka labwok, Gaza bende laneno, aka ladwanyere i litho. Ekiron bende, geno pere lalokere wickwot, Kere larere woko gi Gaza; aka Asikelon kiladoŋ.

Kwan 21:8

Kenyo Rwoth owaco ri Musa ni, “Tim thwol ma nyweny manitie gi kwir, t'iŋawo wi yath, aka kisi ŋata thwol okay to ŋiyo bino kwo.”

Yosuwa 13:3

(wok i Sihor, manitie yuwok ceŋ ma misir, yumalo ma kewere kodi Ekiron, itero ni obedo apa Jokanan; nitie jodhum abic apa Jofilistia, jono ma Gaza, Asdod, Asikelon, Gath, kodi Ekiron) kodi jono ma Avim,