Isaya 14:2 - KITAWO MALEŊ Catholic

² Nonin jolakelo jo i kabedo pajo, aka ot pa Isiraili latero jo i lowo pa Rwoth paka ŋecin ma cwo gi ma mon. Isiraili lamako jono ma cango jomako jo, aka ladhumo jono ma cango jodiyo jo.

KITAWO MALEŊ

² Nonin jolakelo jo i kabedo pajo, aka ot pa Isiraili latero jo i lowo pa Rwoth paka ŋecin ma cwo gi ma mon. Isiraili lamako jono ma cango jomako jo, aka ladhumo jono ma cango jodiyo jo.

Isaya 14:2 ပူးပေါင်းရင်းမြစ်များ

Ezira 2:65

medo i wi ŋecin 7,337 jower 200 ma mon gi cwo.

Zabuli 68:18

Iyidho got mabor, itelo jom'omak i gar perin, t'ijolo mic kwoŋ ji, kiri kwoŋ ji perin ŋey Rwoth Were wonyali bedo kenyo.

Isaya 18:7

I hongo no ilakelo mic ri Rwoth pa lwak jolweny, wok bongi ji maboyo aka jofoth, wok bongi ji m'ilworo cegin gi bor, piny matek aka kengila piny megi, piny ma malawa poko lowo mere. Jolabino i Got Zayon, kabedo m'ilam'iye nyingi Rwoth pa lwak jolweny.

Isaya 31:8

Asiria lapodho g'abor, makiweno gi meni pa dhano; abor ma dhano ama k'otimo, laneko go. Asiria laringo kwoŋ abor, aka yac pere ilamiyo jo timo tic arom.

Isaya 45:14

Rwoth waco ri Isiraili ni Lim ma Misir gi Ethopiya labedo mewin, aka cwo maboyo ma Seba jolabedo ŋecin mewin, jolaluwo win i lijegere, to jokule riwin piny ka jotuco ni, Were nigi win, aka ongoye man, ongoye were man kendo.

Isaya 49:22

Me apaka Rwoth Were waco ri ji pere. Acegin tiŋo cingan ri nonin, t'atiŋo ranyuth paran ri ji, ŋey jowokeli wotin i kor jo, aka nyiki win ilatiŋo i goki jo.

Isaya 49:23

Kerin gi nyamicalin jolabedo jonywol rin, jolakule piny rin miyin dwoŋ, jolamwole nyutho wor pajo rin, to jonaŋo fukefuke ma tiendin. Kenyo ilaŋeyo ni Abedo Rwoth, aka jono ma jokuro kony paran jok'obedi i wickwot.

Isaya 49:25

To me apaka Rwoth waco ama: Kiri jotwec pa siragama ilamako woko, aka ilamayo ŋatatek aka kiri gima go onyaga. Alalweny gi ŋata lwenyo kodin, aka alabotho nyithindho perin.

Isaya 54:3

Ilayawo kew perin i thenge maracuc gi maracam, ji perin joladwoko i lowo, ma nonin man oyido jobed'iye. Ji jolabedo i tindin ma pama obedo gundin.

Isaya 60:14

Nyikway jono ma cango jodiyin jolabino bwonirok ruwaŋin, aka jono ma jocayin, jolaguro rin congi gin. Jolalwoŋin Tindi madwoŋ pa Rwoth, Zayon, tindi madwoŋ pa Were ma Leŋ pa Isiraili.

Isaya 60:4

Tiŋi waŋin malo iŋiy korin gi korin, jo je jocokere kanyacel, jobino bongin, wotin jolabino wok bor, ilakideda nyikin i cingin.

Isaya 61:5

Jopath jolatic riwin, to jokwayo mwendi mewin, jowiloka jolafur gi dhok mewin to jolwero lisik vini mewin.

Isaya 66:12

Kole me apaka Rwoth waco, Alacoro ri Yerusalem silwany paka malawa, gi lim ma piny man paka jwom ma mol. Zayon lapido win, larendo win i tiende.

Yeremia 30:16

Riameno jono je ma jorey win woko ilareyo woko jo, aka jokwor mewin je, kisi dhano kwoŋ jo, ilatero jo i twec. Jono je ma jonyaga win, ilakinyaga jo, aka jono ma jodiy win, iladiyo jo bende.

Yeremia 49:2

Riameno, hongo bino adieri, Rwoth waco, m'abino kudho gwara ma lweny, kwoŋ Raba tindi madwoŋ pa Joamon, lalokere gunda, aka ilawaŋo calin mere gi mac, kenyo Isiraili oriemo woko ji ma joriemo go, Rwoth waco.

Ezekiel 39:10

Jok'ocoki yen i ndelin kosa toŋo yen i lule, rupiri jolabedo gi gilweny m'owey awaŋa. Jolajowo to jonyaga gigipiny pa jono ma jonyaga jo, Rwoth Were waco.

Yowel 3:8

Alakitana wot win kodi nyiki win, luwo i cingi ji ma Yuda, aka jolakitana jo ri Josabin, ri nono mabor koro, kole Rwoth otieko luwo.

Jolevi 25:44

Paka ri ŋecin ma cwo kodi ma mon ma winyalo bedo gine, wobedi i nonin m'othoko win ama winwaŋ'iye ŋecin ma cwo kodi ma mon.

Obadia 1:17

To wi got Zayon jomegi jobino kwale, aka bino bedo Kabedo Maleŋ. Ji pa Yakobo jobino bedo gi lim pajo wegi gi lowo pajo wegi.

Zekaria 2:13

Kudere, win ji je, ruwaŋ Rwoth, kole go oay wok i kabedo pere maleŋ.

Zekaria 2:9

Kole ee acegin yengo cingan kwoŋ jo, aka ŋecin pajo jolakinyaga jo, aka wilaŋeyo nike Rwoth pa lwak jolweny ooran.

Luka 12:45

To jatic ma won waco ni, ‘Kole rwoth paran fodi ogalo gi dwoko.’ To won cako goyo wadi ma cwo gi ma mon, to cemo to medho, to mer,

Joroma 15:27

Jo wegi joridho timo ameno; aka i adieri joripo konyo jo; kole Joyuda jopoko silwany pajo kodi Jopath, am'omiyo Jopath bende joripo konyo Joyuda gi silwany pajo ma gigipiny ma piny.

2 Jokorintho 10:5

gi kedho woko rageŋ je ma piem, kodi gimoro je ma tiŋere malo aka temo juko rieko pa Were, to mako paro manyadhanodhano je wogiki winjo Kristo.

Jogalasia 5:13

To win, wutmera, olwoŋi win ni wibedi i siem. To siem me wokiri wolokere riwin gigoŋirok ma yeyo awanya ma del dhumo win. Kucel, konyere win cungo kwoŋ mar mewin.

Joefeso 4:8

Am'omiyo owaci i ndiko ni, “Munyo go oidho malo, okadho kodi ji mathoth m'onwaŋo otwey; aka opoko ji mic.”

Menyirok ri Yohana 3:9

Ere onyo akidho kelo kitipa ma ji pa Sitan, ma jotwodo aka joŋoyo nike jobedo Joyuda, ma to jok'obedo; abino kelo jo bongin to jogoyo congi gin piny ruwaŋin to joniaŋ ni kere amarin.