Isaya 14:1 - KITAWO MALEŊ Catholic

¹ To Rwoth latimo wor gi Yakobo to yero Isiraili kendo, laketho jo i lowo pajo wegi; aka jopath jolabino bedo gi jo to joriwere gi ot pa Yakobo.

KITAWO MALEŊ

¹ To Rwoth latimo wor gi Yakobo to yero Isiraili kendo, laketho jo i lowo pajo wegi; aka jopath jolabino bedo gi jo to joriwere gi ot pa Yakobo.

Isaya 14:1 ပူးပေါင်းရင်းမြစ်များ

Zabuli 102:13

Ibino ay t'imako wor gi Zayon, hongo otundo ma nyutho go ŋono, me a hongo m'otire.

Zabuli 102:14

Kole ŋecin perin jomaro go, makada nende jotieko reyo woko go; jomako gine wor, makada nende odoŋ gunda.

Zabuli 143:12

Aka i mar perin makiwire neki jokwor paran, reyi woko jokwor paran je, kole abedo ŋeca perin.

Zabuli 98:3

Go opoyo mar pere makiwire, g'adieri pere ri Joisiraili, ji je kisi kamoro jotieko neno loyo pa Were mawan.

Isaya 19:18

I ndelo no labedo tindin madongo abic i lowo ma Misir ma joluwo dhodhok ma Kanan aka jolakwoŋere i nyingi Rwoth pa lwak jolweny. Acel kwoŋ jo ilalwoŋo ni Tindi madwoŋ ma Waŋceŋ.

Isaya 21:1

Me mikwenda ma teko ma mako kwoŋ Babilon. Paka asur ma yupiny ma Kanan yweyo piny, teko bino wok i thim, wok i piny ma kiwacere.

Isaya 27:6

I ndelo ma bino, nyikway Yakobo jolarwako fuc, Isiraili lathiwo to ketho withe, aka lapoŋo piny gibe g'olemo.

Isaya 41:8

To in, Isiraili, ŋeca paran, Yakobo, m'atieko yero, kodhi pa Abraham, mere paran,

Isaya 41:9

in m'akwanyin wok witum ma piny, t'alwoŋin wok i sonda mere mabor, k'awaco rin ni, “Ibedo ŋeca paran, atieko yerin, ak'obolin woko!”

Isaya 44:1

T'onyo pama winji, awi Yakobo ŋeca paran, Isiraili m'atieko yero!

Isaya 45:14

Rwoth waco ri Isiraili ni Lim ma Misir gi Ethopiya labedo mewin, aka cwo maboyo ma Seba jolabedo ŋecin mewin, jolaluwo win i lijegere, to jokule riwin piny ka jotuco ni, Were nigi win, aka ongoye man, ongoye were man kendo.

Isaya 47:1

Rwoth waco, Babilon lori piny wok i kom perin ma dhum, ibedi piny i fukefuke i lowo. Oyido icale nyako mambula, tindi madwoŋ ma kimaki, to, kilabedo ameno kendo.

Isaya 49:10

Kec kosa riyo k'oneki jo, weyo malieth kosa ceŋ k'orwadhi jo piny, kole ŋata mako gi jo wor ama latelo jo, aka latelo jo kadho i waŋ pi ma mol.”

Isaya 49:13

Wer, Awi polo! Koki ro kisangala, Awi piny! Weyi gote jowomwoci gi wer, kole Rwoth otieko yomo cuny ji pere, aka lamako wor gi ji pere ma jocandere.

Isaya 49:15

Dhako wiye nyalo wil gi nyathi pere ma dhoth, kosa nyalo weyo ma k'omako wor gi nyathi ma iye? To makada nende dhako wiye nyalo wil gi nyathi pere, kucel wiyan k'owil kodin.

Isaya 49:25

To me apaka Rwoth waco ama: Kiri jotwec pa siragama ilamako woko, aka ilamayo ŋatatek aka kiri gima go onyaga. Alalweny gi ŋata lwenyo kodin, aka alabotho nyithindho perin.

Isaya 49:7

Rwoth waco, Jaboth pa Isiraili aka Ŋataleŋ pere, ri ŋat'icayo swa, aka nonin jodak, ŋeca pa jodhum ni, “Kerin jolaneno to joay, jodhum jolakule piny, kwoŋbedo Rwoth ma timo adieri, Were Maleŋ pa Isiraili m'otieko yerin.”

Isaya 54:3

Ilayawo kew perin i thenge maracuc gi maracam, ji perin joladwoko i lowo, ma nonin man oyido jobed'iye. Ji jolabedo i tindin ma pama obedo gundin.

Isaya 55:7

Weyi jokidakana jowojwangi yo pajo, jowowey paro pajo marac; weyi jowogiki bongi Rwoth, ŋey wonyali timo gi jo ŋono kodi bongi Were mawan, kole go lacwako i thotho.

Isaya 56:3

Jopath ma jolaman jokiri jowowaci ni, “Rwoth kilayeyan lamo go kanyacel gi ji pere.” Jacwo ma lur wokiri wowaci ni, “Neni, abedo yath m'othwo.”

Isaya 60:10

Rwoth waco ri Yerusalem ni, “Jopath jolageto cel perin kendo, aka kerin pajo jolatic rin. Amiyo win gir'acula i keme paran, to i mar paran, atieko timo gi win ŋono.

Isaya 60:14

Nyikway jono ma cango jodiyin jolabino bwonirok ruwaŋin, aka jono ma jocayin, jolaguro rin congi gin. Jolalwoŋin Tindi madwoŋ pa Rwoth, Zayon, tindi madwoŋ pa Were ma Leŋ pa Isiraili.

Isaya 66:20

Jolakelo wade perin je wok i piny man paka mic ri Rwoth, i wi kayinin gi cawilin, i ywel kodi i nyithindhi kayina, i wi ŋamia, to jotero wi got paran i Yerusalem, paka Joisiraili jokelo mic ma cemo manyinge iy'atawo m'olony i Ot pa Rwoth.

Yeremia 16:15

To jolakwoŋere kodan paka Were makwo m'ofudho ji ma Isiraili woko ma piny ma yumalo kodi woko ma piny je kam'oyido go okedh'iye jo. Kole aladwoko jo i piny pajo won, piny ma cango amiyo kwarere pajo.

Yeremia 29:14

wilanwaŋan, Rwoth waco. Aladwoko silwany mewin t'acoko win wok i nonin je kodi kabedo je m'akedh'iye win, Rwoth waco. Aladwoko win i kabedo m'akwany'iye win t'atero win wiloka.”

Yeremia 30:8

I ndelo no, Rwoth pa lwak jolweny waco, alaturo majogi manitie i ŋuti jo t'akwanyo woko lijegere i ŋuti jo. Jopath jok'olok jo ŋecin kendo.

Yeremia 31:4

Alageto in kendo, aka ilageto in, Awi Isiraili! Ilakwanyo seke perin kendo, aka ilamielo miel pa josiemirok.

Yeremia 50:33

Rwoth pa lwak jolweny waco ama: Idiyo ji ma Isiraili kodi ji ma Yuda. Jono je ma jomako jo joswana jo matek ma jokiwey jo kadho.

Yeremia 51:51

Wiwaco ni, ‘Lifol omako wan, to wickwot mako wan; wawinjo ni wangoye kony kicutho kwoŋbedo jopath jotieko tero Kabedo Maleŋ i Ot pa Were.’

Ezekiel 16:60

Kucel alapoyo cikirok paran kodin i hongo ma soye perin, aka alaketho cikirok kodin ma cil gi cil.

Ezekiel 47:22

Wilapoko paka lim mewin kodi ri jopath ma jobedo i dier win aka jotieko jonywolo nyithindho i dier win. Jolabedo riwin paka Joisiraili, aka wilapoko jo lim i dier nonin ma Isiraili.

Zekaria 1:17

Ywak kendo, Rwoth pa lwak jolweny waco; tindin paran lapoŋ gi gigipiny maber kendo, aka Rwoth lamako wor gi Zayon kendo, to yero Yerusalem kendo.

Malaki 1:11

Ji wok i thenge ma piny tundo i gike jomiyo nyingan dwoŋ. Kisi kamoro jowaŋo ran buban aka jomiyan cowirok t'ajolo. Joje jomiyo nyingan dwoŋ, Rwoth pa lwak jolweny waco.

Luka 1:54

Go okonyo ŋeca pere Isiraili, munyo opoyo wor pere

Luka 2:32

Lero ma bino menyo ri Jopath royo pa Were, to kelo dwoŋ ri ji perin Isiraili.”