Isaya 13:8 - KITAWO MALEŊ Catholic

⁸ aka jolabwok. Litho madwoŋ lamako jo, jolacale paka dhako ma ŋedi ramo. Jolaŋiyere m'ongoye kony, nyim gin laliel mac.

KITAWO MALEŊ

⁸ aka jolabwok. Litho madwoŋ lamako jo, jolacale paka dhako ma ŋedi ramo. Jolaŋiyere m'ongoye kony, nyim gin laliel mac.

Isaya 13:8 ပူးပေါင်းရင်းမြစ်များ

2 Kerin 19:26

Kucel ji pajo jolocere, jobedo gi nyawin madwoŋ. Jocale mawuwa madudi, kosa lum ma nyaka twi, dongo i wi ot m'oriewere, to jothwo mafodi jok'otegino.

Zabuli 48:7

paka mel ma witere i koyo mager.

Isaya 26:17

Paka dhako ma nigi iye, core cegin i hongo pere ma nywol, go ywak i litho ka ŋedi ramo, ameno apaka oyido wanitie ro in, Awi Rwoth.

Yeremia 13:21

Inowaci nedi ka ji m'oyido iparo ni jobedo merin perin jokengila in to jodhumin? Litho k'omakin paka dhako ma nywol?

Yeremia 30:6

Mondo penjere pama, aka neni, jacwo bende nyalo nywolo nyathi? To raŋo aneno kisi jacwo omako iye paŋini dhako ma nywol? Raŋo jolokere matar?

Yeremia 4:31

Kole awinjo ywak, ma cale gi ywak pa dhako ma ŋedi ramo, pa litho pa dhako manywolo nyathi pere makayo. Ywak pa Yerusalem ka dwanyere ri luya, yaro cinge aka waco ni, “Kidamba ran! Cunyan gore ruwaŋ jonek paran!”

Yeremia 46:5

Raŋo aneno jobwok? Jotieko gik acen, olac woko jolweny pajo, joringo piyo. Jok'oŋiyo yucen, lworo oumo jo. Rwoth waco.

Yeremia 48:41

Ilamako tindin, kodi kapondo. Cuny jolweny ma Mowab, labwok i ndelo no, paka cuny dhako ma ŋedi ramo.

Yeremia 49:22

Neni, dhano laloro piny paka ango, aka go lapie piny to yaro bwombe kwoŋ Bozra. I ndelo no cuny jolweny ma Edom lapodho paka cuny dhako ma ŋedi ramo.

Yeremia 49:24

Ji ma Damasiko jotieko lokere manyap, aka joringo, aka jopapin, jonitie i litho kodi i rembo, paka dhako ma ŋedi ramo.

Yeremia 50:43

Kere ma Babilon owinjo mikwenda kwoŋ jo, aka cinge olocere. Amurie omako go, kodi litho paka dhako ma ŋedi ramo.

Yeremia 51:30

Jolweny ma Babilon jotieko weyo lweny, jodoŋ i kambi pajo. Meni pajo orumo, jotieko lokere paka mon. Ocwiny udi pajo, nywenye pajo otur woko.

Ezekiel 20:47

Waci ri lul ma yupiny ni, winji wac pa Rwoth. Rwoth Were waco ama: Acegin cwinyo mac, aka lawaŋo yath manumu kodi m'othwo je manitie i in. Mac m'odheth ma kinyal neko, aka wok yupiny tundo yumalo je lawaŋ gine.

Hoseya 13:13

Litho pa ŋata nywol labino rigo, to go obedo wodan mamiŋ; rupiri i hongo ma ripo go kinyuthere, i sawa ma colo nyathi.

Yowel 2:6

Ji jonitie gi bwok swa ruwaŋ jo, nyim dhano je ojowo bondo.

Nahum 2:10

Odoŋ nono, odoŋ nono, aka orere woko! Cuny podho gi lworo aka congi kirin, meni ongoye, ji jokirin, nyim jo ojowo bondo.

Yohana 16:21

I hongo ma nywol, dhako winjo litho, rupiri hongo pere ma candirok otundo, to ka otieko nywolo nyathi pere go wiye wil gi litho ca, rupiri go onyo sangala nike nyathi otieko nywole i piny.

1 Jothesalonika 5:3

Munyo ji jowaco ni, “Siem nitie aka gimoro je oliŋ.” Gikenyo abwap to rerok tundo rijo. Bino cale gi litho ma dhako winjo munyo cegin nywol, aka jok'obudhere be!