Isaya 13:20 - KITAWO MALEŊ Catholic

²⁰ Kilaget'iye kendo, kosa bed'iye i luse je. Jowarabu jokilagero wema pajo kenyo, jokwath rombo jokilamiyo rombo pajo nindo kenyo.

KITAWO MALEŊ

²⁰ Kilaget'iye kendo, kosa bed'iye i luse je. Jowarabu jokilagero wema pajo kenyo, jokwath rombo jokilamiyo rombo pajo nindo kenyo.

Isaya 13:20 ပူးပေါင်းရင်းမြစ်များ

2 Kigana kwoŋ Kerin 17:11

Jofilistia moro jokelo ri Yehosafat mic ma feza gi zahabu, aka ji ma jowok i piny pa Jowarabu bende jokelo rigo mic ma wot rombo 7,700 kodi wot diegi 7,700.

Yobu 3:7

Ey weyi ndelo no worere, aka wongoy'iye kisangala.

Wer pa Solomon 1:7

Waci ran, jamitirok paran, kune m'ikway'iye mwendi perin, joywomere kune kwoŋ ceŋ? Raŋo aumere gi kitambala cako rangin, i dier mwendi pa wadin?

Isaya 14:23

Alaloko kabedo pa kinapupu, gi kidiwin ma pi, aka alayweyo gi ywec ma rerok, Rwoth pa lwak jolweny waco.”

Isaya 21:1

Me mikwenda ma teko ma mako kwoŋ Babilon. Paka asur ma yupiny ma Kanan yweyo piny, teko bino wok i thim, wok i piny ma kiwacere.

Isaya 25:2

Kole itieko loko tindi madwoŋ kidhur, tindi madwoŋ m'otinda iloko gunda, muluwir pa jopath k'obedi tindi madwoŋ kendo, kilageto kendo.

Isaya 34:17

Rwoth otieko miyo joje adec lowo pajo, go otieko baro rijo adec gi cinge, jolabed'iye luse gi luse, aka labedo apajo cil gi cil.

Yeremia 49:33

Hazor lalokere kabedo p'ogwaŋe madudi, aka lalokere gunda kicutho, ongoye ŋata labedo kenyo, aka dhano k'obed'iye kendo.

Yeremia 50:13

Ongoye ŋata labed'iye kwoŋbedo keme pa Rwoth, to larere kicutho. Kisi dhano m'oluw cegin gi Babilon ladhier, to uro kwoŋbedo adhola pere je.

Yeremia 50:21

Kadhi malo i lowo pajo Merathayim, aka imonji go, monji ji ma jobedo i Pekod, aka irey woko jo kicutho, Rwoth waco. Tim kisi gim'atieko waco rin.

Yeremia 50:3

“Kole nono owok yumalo kwoŋ Babilon, aka lareyo woko piny pere, m'ongoye ŋata labed'iye, ji kiri g'ogwaŋe je jolaringo.”

Yeremia 50:39

Riameno ogwaŋe madudi jolabedo kanyacel gi ondiekere i Babilon, aka mayin jolabedo iye. Ji jokilabed'iye kendo i luse je.

Yeremia 50:45

Riameno winji win can ma Rwoth otieko timo kwoŋ Babilon, kodi atoŋa ma go otieko timo kwoŋ lowo ma Babilon. Adieri ilatero nyithindho pajo aka kisi dhano labwok.

Yeremia 51:25

Kole amon swa kodin, awi got ma jarey, Rwoth waco. Alarieyo cingan kwoŋin, t'afuta in piny wok malo t'alokin buru.

Yeremia 51:29

Piny kirin aka yengere, kwoŋbedo Rwoth timo can pere ma loko Babilon thim, m'ongoye ŋata bed'iye.

Yeremia 51:37

Babilon lalokere kidhur gundin, kero kibwe, gima miyo jo bwok gi kirin, m'ongoye ŋata bed'iye.

Yeremia 51:43

Tindi madongo onyo jolokere gima, miyo ji lworo, aka onyo jocale opalipat, gi thim. Lowo m'ongoye ŋata bed'iye kosa luw'iye.