Isaya 10:3 - KITAWO MALEŊ Catholic

³ Winotim aŋo i ndelo ma gir'acula, gi rerok ma labino wok bor? Winoŋwec bongi ŋa rango kony? Aka winowey lim mewin kune?

KITAWO MALEŊ

³ Winotim aŋo i ndelo ma gir'acula, gi rerok ma labino wok bor? Winoŋwec bongi ŋa rango kony? Aka winowey lim mewin kune?

Isaya 10:3 ပူးပေါင်းရင်းမြစ်များ

Cakirok 31:1

Onyo Yakobo owinjo ni wot Laban oyido jowaco ni, “Yakobo otieko kwanyo lim pa bawan je; aka wok kwoŋ gim'oyido obedo apa bawan, olimo lim pere me je.”

2 Kerin 7:15

Cwo no jokadho tundo kiri Yordan, aka i yo malomalo joneno nangin kodi gigipiny ma Josiria jobolo munyo joringo. Kenyo jogik to jokowo ri kere.

Yobu 31:14

aŋo m'alatimo k'anocungi ruwaŋ Were? Anodwoki aŋo ka go openjan?

Agecin 11:4

Ŋaŋo kikony i hongo ma keme, to timo gim'otire botho kwo.

Isaya 13:6

Ywak win, kole ndelo pa Rwoth cegin, labino paka rerok wok bongi Jameni je!

Isaya 17:4

I ndelo no, dwoŋ pa Yakobo iladwoko piny, aka bor ma delkwoŋe ilawaro woko.

Isaya 20:6

I ndelo no, ji ma jobedo i thengi nam ma Filistia jolawaco ni, ‘Neni, me a gim'otimere ri jono m'oyido wageno aka waparo ni jolabotho wan kwoŋ kere ma Asiria! To onyo wan, walaboth nedi?’”

Isaya 26:14

Jotho, jokilakwo, jobedo tipo, jokilacerino; i gike mere itieko reyo woko jo, iyweyo woko poyirok pajo.

Isaya 26:21

Kole Rwoth bino wok i kabedo pere, miyo ji ma piny gir'acula ro reco pajo, piny laŋulo remo m'ooy i iye, aka kilaumo kendo jom'onek jo.

Isaya 28:20

Kitanda cek swa ma dhano kinyal rierok i iye, aka bilangit thin ma dhano kinyal minirok i iye.

Isaya 29:6

Rwoth pa lwak jolweny lawendo rin, gi mwoc koth kodi yengirok pa piny kodi woy madwoŋ, g'asur kodi mac ma reyo woko.

Isaya 30:16

To wiwaco ni, Be! Walakwale i wi kayina; riameno wilakwale i wi kayina. To jono ma joriemo win, jolabedo kiri mayil loyo.

Isaya 30:5

kisi dhano je wiye kwot, luwo i ji ma jongoye rijo cwe, ma jokikel kony kosa cwe, to wickwot kodi amien.

Isaya 30:7

Kole kony pa Misir bukony aka nono. Riameno atieko miyo nyinge ni, “Rahab ma bedo liŋ.”

Isaya 33:14

Joreco i Zayon jobwok, ji ma bu Were jokirin. Jowaco ni, “Ŋa i dier wan manyalo bedo kanyacel gi mac ma reyo jo? Ŋa i dier wan manyalo bedo kanyacel gi mac makitho cil gi cil?”

Isaya 39:3

Kenyo jatuci wac Were Isaya obino bongi Hezekia to penjo go ni, “Cwo me jowok kune aka jowaco rin aŋo?” Hezekia odwoko ni, “Jowok i piny mabor swa Babilon.”

Isaya 5:14

Riameno piny pa jom'otho kec neko rijo, aka oyawo dhoke malac, mwonyo jodhum ma Yerusalem, kanyacel gi ji ma kisi ndelo, lwak ji pere gi jono je ma yodere gine.

Isaya 5:26

Rwoth lamiyo ranyuth ri nono mabor, lamwoŋo ri ji i gike ma piny. E jobino, mayil yil, ma piyo piyo!

Yeremia 22:7

Alayiko jorey ma jolalwenyo gi win, joje gi gilweny pajo; jolatoŋo woko yen sida mewin mabeyo to joywoyo i mac.

Yeremia 4:30

Aka in, awi ŋat'ojwangi, onyo inyutho aŋo ni iruko nanga m'obokere, ni ijaŋo kwoŋin thiwino ma zahabu, ni ireyo waŋin gi rangi? Ipile ni ilokere maŋon. Jomitirok perin jobwonin; jodwaro kwo perin.

Yeremia 5:31

Jotuci wac Were jotuco wac ma twodo, aka jocway ri Were i wi migam joluwo gima jotuci wac Were jowaco rijo. Ji paran jomito wobedi ameno, to winotim nedi ka gike otundo?”

Yeremia 9:9

“Ak'omiy jo gir'acula ro gigipiny me?” Rwoth penjo; Ak'ocul kwor kwoŋ nono paka me? An Rwoth, atieko luwo.

Hoseya 5:13

Munyo Efrayim oneno two pere, to Yuda neno adhola pere, nyaka to Efrayim kadho i Asiria, aka odhir go bongi kere madwoŋ, bongi kere ma latekere loyo jakwor. To go kinyal bothin, kosa cango adhola perin.

Hoseya 9:5

Inotim aŋo ri ndelo m'oyik'iye kalima, kodi ri ndelo ma kalima pa Rwoth?

Hoseya 9:7

Ndelin ma gir'acula otieko bino, ndelin ma gir'acula ripo wotundi; Isiraili ywak ni, “Jatuci wac Were obedo ŋatamiŋ, jal ma cuny olokere janeko!” Ro reco mewin madwoŋ, dakirok mewin dwoŋ.

Amos 5:19

Bino cale ŋata ringo kwoŋ simbwor to romo g'arara! Kosa ŋat'okidho i ot pere to theno cinge i kor ot to thwol toŋo go.

Mika 7:4

Maber kwoŋ jo cale okure, m'otire loyo kwoŋ jo cale kudhin. Ndelo otundo ma Were bino miyo jo gir'acula, paka ogwoko jo luwo kwoŋ jokur pajo, onyo pama jonitie i nyawin.

Zefania 1:18

Feza pajo kosa zahabu pajo, kilabotho jo, i ndelo ma keme pa Rwoth, i mac ma nyeko pere, piny gipi larere woko, gi mac ma nge pere. Go laketho gike abwap ri ji je ma jobedo i piny.

Luka 19:44

Jobino reyin woko kicutho gi ji manitie i cel perin; ongoye tele kad'acel ma jowey i wiy nyawote, rupiri ikinyalo ŋeyo ndir ma Were owend'iye rin.”

Kitawo mar'abic mapa Musa m'ilwoŋo ni Cik 28:49

Rwoth lakelo nono wok bor swa, wok i gike ma piny, ma dwir paka ango, nono ma wikiniaŋ dhodhok pajo.

1 Petero 2:12

Kula mewin i dier joma bu Were wobedi maber ma ka jotemi kelo kwoŋ win wac ni wireco, jobino neno tim mewin mabeyo, to jopako Were i Ndelo ma bino pere.