Hoseya 9:3 - KITAWO MALEŊ Catholic

³ Aka jok'odoŋ i lowo pa Rwoth; to Efrayim lagik Misir, aka jolacamo cemo makoc i Asiria.

KITAWO MALEŊ

³ Aka jok'odoŋ i lowo pa Rwoth; to Efrayim lagik Misir, aka jolacamo cemo makoc i Asiria.

Hoseya 9:3 ပူးပေါင်းရင်းမြစ်များ

1 Kerin 9:7

kenyo alafudho woko ji paran Isiraili wok i lowo m'atieko miyo jo, aka alajwango Ot pa Were m'atieko loko maleŋ paka kam'iripo laman'iye. Isiraili lalokere gir'ageca aka ji jolatero gi cay.

2 Kerin 17:6

I oro mar'abuŋwen ma dhum pa Hoseya, kere ma Asiria omako Samaria, aka otero Joisiraili i Asiria paka jotwec lweny. Oketho jo bedo i tindi madwoŋ Hala, megi cegin gi malawa Habor iy'adec ma Gozan, aka megi i tindin madongo ma Madiya.

Yeremia 16:18

Alamiyo jo gir'acula dirio ro reco kodi reco pajo kwoŋbedo jotieko koco piny paran gi cal kodi mulambin pajo, aka jotieko poŋo gir'alunja paran g'amien pajo.

Yeremia 2:7

Akelo win i piny m'oŋaŋ ni wicam ranyak mere kodi gigipiny mere mabeyo. To munyo widonjo wikoco lowo paran, to wiloko alunja paran gir'amien.

Ywakirok 5:6

Watieko timo cikirok gi Misir kodi Asiria, limo cemo ma romo.

Ezekiel 4:13

Rwoth owaco ni, “Ameno apaka Joisiraili jolacamo mugat pajo, makoc i dier nonin m'abino ter'iye jo.”

Hoseya 11:11

Jolabino ka jokirin paka winyin ma wok Misir, kodi paka akurin ma wok i piny Asiria; aka alamiyo jo bedo i udi pajo, Rwoth waco.

Hoseya 11:5

Jolagik i piny Misir, aka Asiria labedo kere pajo, kwoŋbedo jotieko kwero dwoko bongan.

Hoseya 7:11

Efrayim onyo olokere paka akuru, mamiŋ aka bu rieko; jogoyo koko ri Misir, to jokadho Asiria.

Hoseya 7:16

Jogik bongi Bal; jotieko lokere paka asere m'ongoye kony; wot kerin pajo abor laneko jo, kwoŋbedo gero kodi ngoye gi wor ma lew jo. Me labedo nyero pajo ma twodo i piny ma Misir.

Hoseya 8:13

Cowirok ma jocowere gine; ma riŋo to jocamo; Rwoth kisangala gi jo. Onyo pama go lapoyo reco pajo, to miyo reco pajo gir'acula; jolagik Misir.

Hoseya 9:6

Kole neni, kada joboth rerok, Misir lacoko jo, Mefis layiko jo. Doy lakisika woko feza pajo ma welo; kudhin labedo i wemin pajo.

Jolevi 18:28

ka k'obedo ameno, piny laŋoko win woko ro koco go, paka oŋoko woko nonin ma jopen bed'iye riwin.

Jolevi 20:22

Kur win cik kodi or paran je, aka witim jo, ŋey lowo m'ater'iye win bed'iye wokiri woŋoki win woko.

Jolevi 25:23

Wokiri wotana lowo ma swa, kole lowo obedo aparan; aka win wibedo jokicar aka jowoth kodan.

Amos 7:17

“Riameno Rwoth waco rin ni, ‘Dhako perin bino lokirok malaya i tindi madwoŋ, aka wotin gi nyikin jobino tho g'abor. Lowo perin ibino poko t'imiyo ji man, aka in won ibino tho i piny makoc, adieri ibino kwanyo woko Joisiraili wok i piny pajo bedo jowiloka.’ ”

Mika 2:10

Ay win wikadhi, kole kaywomirok ongoye ka, kwoŋbedo reco mewin omiyo ka rerok gi rem.

Tim pa Jomoor 10:14

To Petero owaco ni, “K'ameno, Rwoth! Fodi yado akicamo gimoro je m'itero paka gima kicar, kosa ma k'olony.”

Kitawo mar'abic mapa Musa m'ilwoŋo ni Cik 28:63

Paka Rwoth osangala miyo win lim kodi loko win mathoth, apaka go bende lakisangala kisika kodi reyo woko win. Go lafudho woko win wok i lowo ma wikidho lunjo.

Kitawo mar'abic mapa Musa m'ilwoŋo ni Cik 28:68

Rwoth ladwoko win i mel kiri Misir, gi royo m'aciko win nike wikilaneno kendo; aka koro wilatanere ri jokwor mewin paka ŋecin ma mon kodi cwo, to langoye janyew.

Kitawo mar'abic mapa Musa m'ilwoŋo ni Cik 4:26

alwoŋo polo kodi piny bedo jokony kwoŋ win konon nike wilarere woko mayot wok i lowo ma wiŋado Yordan lunjo. Wikilabed'iye ma hongo mabor, to wilarere woko kicutho.

Yosuwa 23:15

To paka gigipiny je mabeyo ma Rwoth Were mewin ociko ma mako win otieko tundo i kare riwin, onyo Rwoth lakelo kwoŋ win gigipiny mareco je, cuka otiek reyo win woko i lowo maber me ma Rwoth Were mewin otieko miyo win.