Hoseya 8:13 - KITAWO MALEŊ Catholic

¹³ Cowirok ma jocowere gine; ma riŋo to jocamo; Rwoth kisangala gi jo. Onyo pama go lapoyo reco pajo, to miyo reco pajo gir'acula; jolagik Misir.

KITAWO MALEŊ

¹³ Cowirok ma jocowere gine; ma riŋo to jocamo; Rwoth kisangala gi jo. Onyo pama go lapoyo reco pajo, to miyo reco pajo gir'acula; jolagik Misir.

Hoseya 8:13 ပူးပေါင်းရင်းမြစ်များ

Kitawo mar'ario mapa Musa m'ilwoŋo ni Wok 20:3

“Wikiri wibedi gi werin man je kwanyowoko an.”

Kitawo mar'ario mapa Musa m'ilwoŋo ni Wok 32:34

Onyo kadhi itel ji i kabedo m'atieko waco rin. Poyi nike malaika paran bino telin, to hongo bino m'alamiyo ji me gir'acula ro reco pajo.”

Agecin 21:27

Cowirok pa jakidakana obedo amien, t'onyo kosa obedi nedi ka okeli g'atoŋa marac?

Isaya 1:11

Cowirok mewin mathoth obedo aŋo ran? Rwoth waco. Mic mewin awaŋa ma wot rombo, gi bor ma dhok mewin oroman. Akisangala gi remo thwondhe, kosa rombo kosa wot diegi.

Yeremia 14:10

Rwoth waco ama kwoŋ ji me: “Adieri jomaro kilera, jokiywom par tiendi jo; riameno Rwoth kijol jo, onyo go lapoyo reco pajo to miyo jo gir'acula ro reco pajo.”

Yeremia 6:20

Buban ma wok Seba konyan nedi, kosa niaŋ mamit ma wok i piny mabor? Mic mewin awaŋa kijol, aka cowirok mewin bende kisangala an.

Ezekiel 29:16

Isiraili kilagoŋere kwoŋ Misir kendo ri kony. Adieri ka Joisiraili jopoy gim'otimere ri Jomisir, jolaŋeyo komo pajo i rango kony wok bongi win, aka ni An Abedo Rwoth.

Hoseya 11:5

Jolagik i piny Misir, aka Asiria labedo kere pajo, kwoŋbedo jotieko kwero dwoko bongan.

Hoseya 12:11

Ka nitie kidakana i Giliad adieri jolalokere gim'ongoye kony. Ka jomiyo bende cowirok ma thwondhe i Gilgal, migame pajo lacale gi kidhur telin, i fereji ma sa.

Hoseya 4:9

Paka labedo ri ji, apaka ri jacway ri Were i wi migam; alamiyo jo gir'acula ro royo pajo, t'aculo jo ro tim pajo.

Hoseya 5:6

Gi mwendi kodi sidwol pajo, jolakadho, dwaro Rwoth, to jok'onwaŋ go; go otieko weyo jo.

Hoseya 6:6

Kole ayenyo mar makiwire makiweno cowirok, ŋeyo Were makiweno mic awaŋa.

Hoseya 7:11

Efrayim onyo olokere paka akuru, mamiŋ aka bu rieko; jogoyo koko ri Misir, to jokadho Asiria.

Hoseya 7:16

Jogik bongi Bal; jotieko lokere paka asere m'ongoye kony; wot kerin pajo abor laneko jo, kwoŋbedo gero kodi ngoye gi wor ma lew jo. Me labedo nyero pajo ma twodo i piny ma Misir.

Hoseya 7:2

To jokidew, ni apoyo kidakana pajo je. Pama onyo tim pajo othoko jo, jonitie ruwaŋan.

Hoseya 9:6

Kole neni, kada joboth rerok, Misir lacoko jo, Mefis layiko jo. Doy lakisika woko feza pajo ma welo; kudhin labedo i wemin pajo.

Hoseya 9:7

Ndelin ma gir'acula otieko bino, ndelin ma gir'acula ripo wotundi; Isiraili ywak ni, “Jatuci wac Were obedo ŋatamiŋ, jal ma cuny olokere janeko!” Ro reco mewin madwoŋ, dakirok mewin dwoŋ.

Hoseya 9:9

Jotieko mieno kwo pajo i thutho, paka i hongo pa Gibeya; go lapoyo reco pajo, go lamiyo reco pajo gir'acula.

Amos 3:2

Kwoŋ piny je, win kende am'atieko ŋeyo t'akwonga jo, riameno abino miyo win gir'acula, ro reco mewin je.

Amos 5:22

Makada nende wimiyan mic mewin awaŋa kodi olemo, akibino jolo; mic mewin ma siem mar'ogwaŋe mewin macwe, akibino jolo.

Amos 8:7

Rwoth Were pa Isiraili otieko kwoŋere ama: Wiyan k'owil gi tim pajo marac.

Luka 12:2

Ongoye gim'oum ma k'oyaw i lero, kosa gim'opan ma k'oŋeyere.

1 Jokorintho 11:20

Ato ka wiromo kanyacel kere wikibin riwin camo Cemo pa Rwoth M'othieno ma gike,

1 Jokorintho 11:29

Ato ŋata camo aka madho gigipiny me ma kinen dwoŋ manitie i del pa Rwoth, meno won ketho banja kwoŋe.

1 Jokorintho 4:5

Am'omiyo wikiri withum ri nyatoro banja mafodi ndir k'otundo. Kutho kur win bino pa Rwoth, ma bino wodho i lero gimoro je m'opondo i mudho kendo bino thango kamaler atoŋa ma cuny ji. I hongo no ama nyaka dhano je bino lim'iye pak ma ripo gine wok bongi Were.

Kitawo mar'abic mapa Musa m'ilwoŋo ni Cik 28:68

Rwoth ladwoko win i mel kiri Misir, gi royo m'aciko win nike wikilaneno kendo; aka koro wilatanere ri jokwor mewin paka ŋecin ma mon kodi cwo, to langoye janyew.

Menyirok ri Yohana 16:19

Tindi m'ombo ca okedhere didek, aka tindin ma piny je oŋinyere woko. Were opoyo Babilon madwoŋ no, to miyo go medho iy'agwata m'opoŋ gi vini ma keme pere je.

1 Samwiri 15:22

Samwiri openjo Saulo ni, “Ginaŋo ma sangala Rwoth? Winjo dwondi Rwoth, kosa mic gi cowirok awaŋa, winjo Rwoth ber loyo cowirok, aka winjo go loyo bor rombo.