Hoseya 8:1 - KITAWO MALEŊ Catholic

¹ Kudhi win gwara! Kole ŋata cale ango nitie i ot ma Isiraili, kwoŋbedo jotieko turo cikirok paran, to joweyo timo gima cik paran waco.

KITAWO MALEŊ

¹ Kudhi win gwara! Kole ŋata cale ango nitie i ot ma Isiraili, kwoŋbedo jotieko turo cikirok paran, to joweyo timo gima cik paran waco.

Hoseya 8:1 ပူးပေါင်းရင်းမြစ်များ

2 Kerin 18:27

Go odwoko ni, “Wiparo nike kere ooran waco riwin kodi kere kende gime? Be aluwo bende gi ji ma jobedo i kor ot, ma bende jobino camo ceth pajo to jomadho lac pajo, paka win bende.”

Isaya 18:3

Awi, ji je ma piny gibe, win ma wibedo i piny, k'otiŋ malo ranyuth wi gote, neni win! K'okudhi gwara, winji!

Isaya 24:5

Piny oduwere, i cingi ji ma jobed'iye, joturo cik, jok'oluwo fonji, joturo cikirok m'oyido ripo bedo cil gi cil.

Isaya 58:1

Koki malo, ikir'iliŋ! Tiŋi dwondin malo paka gwara, tuci ri ji paran reco pajo, ri ot pa Yakobo reco pajo.

Yeremia 31:32

Kilabedo paka cikirok ma cango atimo gi kwarere pajo munyo amako cingi jo t'awodho jo wok i piny Misir. Cikirok ma joturo, makada nende oyido abedo cwor jo, Rwoth waco.

Yeremia 34:18

Jono ma joturo cikirok paran ma jok'okuro yerok ma cikirok ma jotimo ruwaŋan. Alaloko jome paka nyathi dhiaŋ m'otoŋ i diere dirio t'iluwo i diere.

Yeremia 4:13

Neni! Go eno bino paka pondeponde, cawilin pere jocale asur; punde pere jodwir loyo ango, Kidamba riwan, kole warere woko!

Yeremia 4:5

Langa i Yuda, aka ituci i Yerusalem, aka iwaci ni: “Kudhi gwara i piny; koki malo aka iwaci ni, ‘Cokere win kanyacel, aka weyi wakadhi win i tindin madongo m'ogoy'iye cel!’”

Yeremia 48:40

Kole Rwoth waco ama: Neni, nono moro laay mayil paka ango, to yaro bwombe kwoŋ Mowab.

Yeremia 49:22

Neni, dhano laloro piny paka ango, aka go lapie piny to yaro bwombe kwoŋ Bozra. I ndelo no cuny jolweny ma Edom lapodho paka cuny dhako ma ŋedi ramo.

Yeremia 51:27

Tiŋi malo ranyuth i piny, kudhi gwara i dier nonin; yik nonin ma lweny gi Babilon! Lwoŋ nonin jowolweny gine, Ararat, Mini, kodi Asikenaz jowomonji. Kethi rigo jatel ma telo lweny, keli punde paka tome bonyo.

Yeremia 6:1

Ŋwec wipondi, awi ji pa Benyamin, wok win i dier Yerusalem! Kudhi win gwara i Tekowa, aka witiŋ malo ranyuth i wi Beth Hakerem; kole teko bino wok yumalo, kodi rerok madwoŋ.

Ezekiel 11:4

Riameno tuci wac kwoŋ jo, tuci wac, awi wod dhano.

Ezekiel 16:59

Rwoth Were waco ama: Alaterin paka ripo, kwoŋbedo icayo kwoŋirok perin t'ituro cikirok perin.

Ezekiel 17:3

Iwaci ni, Rwoth Were waco ama: Ango madwoŋ swa, manitie gi bwombe m'oyare swa gi yer maboyo makicin gi rangi kweth obino i Lebanon to pie i wilwindi ma yath sida.

Ezekiel 7:14

Jotieko kudho gwara, joyiko kisi gimoro, to ongoye ŋata kadho i lweny, kwoŋbedo keme paran nitie kwoŋ lwak je.

Hoseya 4:6

Ireyo woko ji paran ro ngoye gi ŋeyo, kwoŋbedo wikwero ŋeyo, akwero win bedo ran jacway ri Were i wi migam. Aka paka wiyin owil gi cik pa Were perin, wiyan bende lawil gi nyithindho perin.

Hoseya 5:8

Kudhi tungi dhiaŋ i Gibeya, gi gwara i Rama. Goy ndur i Bethaven; Wire iŋiy yuŋeyin, Benyamin!

Hoseya 6:7

To paka Adam, joturo cikirok; kenyo jotiyo kodan ma buyeyo.

Hoseya 9:15

Kidakana pajo je ocako i Gilgal; acako dak jo kenyo, kwoŋbedo kidakana ma tim pajo, alariemo jo woko i ot paran. Ak'omiti jo kendo, wot kerin pajo jobedo jodudi.

Yowel 2:1

Kudhi win gwara i Zayon; koki win gi derino wi got ma leŋo paran! Weyi ji je ma jobedo i Yuda jowokirin, kole ndelo pa Rwoth cegin tundo, orikere.

Yowel 2:15

Kudhi win gwara i Zayon, loki win riyo kec maleŋ, lwoŋ win cokirok maleŋ.

Amos 3:6

Gwara bende ikutho i tindi madwoŋ, to ji joweyo ma jok'obwok? Teko nyalo podho i tindi madwoŋ, ma Rwoth k'odhiro.

Amos 8:3

I ndelo no, wer ma peco pa kere, bino lokirok ywak ajore. Delkwoŋ ji m'otho bino more kisi kamoro; aka ibino bolo jo woko liŋ, Rwoth Were waco.

Amos 9:1

Aneno Rwoth munyo ocungo dho migam, aka owaco ama: Goy win sirin ma Ot pa Were matek, ŋey kindi ot woyengere, aka wotur wopodhi wi ji. Jom'odoŋ abino neko jo i lweny. Ongoye ŋata bino ringo, aka ongoye ŋata bino kwalok.

Habakuk 1:8

Kayinin pajo jodwire loyo kwace, joyil loyo arare m'othieno; cwo ma jogwey kayinin pajo jogolo piny, aka jobino wok bor swa; joay paka ango ma kwakere cuto gimoro.

Zefania 1:16

Ndelo ma gwara kodi ywak ma lweny, kwoŋ tindin madongo m'otinda, kodi kwoŋ acurcur m'oŋawere.

Zekaria 11:1

Yaw thigin perin, Awi Lebanon, ŋey mac wowaŋ woko yen sida perin!

Zekaria 9:14

Rwoth laneno i wi jo, aka asere pere ladwire paka lithkoth, Rwoth Were lakudho gwara, aka laŋanjo iy'asur ma yupiny.

Matayo 24:28

Kama gimoro otho iye, ama acut jocoker'iye.

1 Jokorintho 15:52

ma piyo paka diemo waŋ, k'ogoy gwara macowe. Ato gwara bino ywak, to jom'otho jocerino gi del ma kilatho kendo, aka wajoje wabino wire.

Kitawo mar'abic mapa Musa m'ilwoŋo ni Cik 28:49

Rwoth lakelo nono wok bor swa, wok i gike ma piny, ma dwir paka ango, nono ma wikiniaŋ dhodhok pajo.